الموضوع: طلب نصيحه قبل ماشتري النترا 2010

المشاركة الأصلية كتبت بواسطة sindbad7000

أرجو ممن يريد ابداء نصيحة ان تكون عن تجربة فى عربيتة هو فقط , لان مينفعش واحد يقول سمعت ان الباور كذا وواحد تانى يقول جربت العربية ولقيت الباور كذا ( مع إحترامى للجميع ) لان اللى بيجرب عربية حد تانى لمدة ساعه او يوم حتى غير اللى يكون راكب عربيتة هو ( كأن اللى معاهم الالنترا ما بيفهموش فى السواقة ولا فاهمين عربيتهم زى اللى بيجربها ).
انا شارى الالنترا من شهر اكتوبر 2008 , اول مرة سقت العربية حسيت انى راكب طبق جيلى ودة لان كان عندى قبلها شاهين , لكن بعد فترة لقيت انى متعود على العربية جداً وان الباور بتاعها ممتاز جداً بالنسبة لى على الاقل ومرة تانية مع احترامى للجميع مفيش حاجة اسمها الباور ما بيفصلش بعد الأ 100 والكلام دة ( كأن العربية متصنعة يدوى فى الحرفيين ) ومن ناحية ان العربية بتحك فى المطبات فدة اولاً عيب المطبات بتاعتنا وثانياً كام عربية مبتحكش فى المطبات.
تقبلوا تحياتى جميعاً.

مؤيد بشده كلام حضرتك

أشكر حضرتك لتأييد كلامي - مع انة مش كلامى دة العقل و المنطق بيقول كدة - لان العربيات مسألة تعود وايضا مسألة نسبية , هضرب لحضرتك امثلة مع فارق التشبية .
1- ممكن واحد عندة كمبيوتر وبيقول ان ما ينفعش ان الهارد يكون اقل من 1 تيرا , دة اكيد حسب استخداماتة ( بيحب يكون عندة افلام وبرامج تقيلة و اغانى والعاب محتاجة كروت ميمورى عالية ) فى حين ان حد تانى شايف انها كتير على استخداماتة )
2- ناس كتير تقول ان العربيات الـ لادا و الشاهين الدركسيون بتاعهم تقيل قوى , فى حين ان ملاك العربية دى اكيد متعودين عليها ومش شايفين ان فى مشكلة - انا مثلا كان عندى فيات 128 وبعد ما جبت شاهين حسيت ان العربية الباور بتاعها ممتاز مع ان العربية كانت من غير باور لكن كانت مريحانى وبعد ما ربنى كرمنى وجبت النترا حسيت بفرق بينهم كبير - اذا دى مسالة تعود .
3- احنا طبعنا - مع كامل احترامى وتقديرى للجميع - ان كل واحد يحب يكون عارف فى كل حاجة ويعرف كل حاجة كأن عدم المعرفة ببعض الامور عيب.

اللى خلانى اكتب عن الموضوع دة ان لاقيت ناس كتير بتتكلم على باور الـ إلنترا وانة فى عيوب وكلام كتير بالرغم من مداخلات كل الاعضاء اللى عندهم العربية ومش شايفيين ان فى عيب ومع ذلك الناس تقول لا فيها عيب , وهقول تانى كأن الناس اللى معاها العربية ما بتفهمش.
( إسأل مالك السيارة وما تسألش ولا مجرب ولا طبيب )
تقبلوا تحياتى جميعاً

المشاركة الأصلية كتبت بواسطة Sindbad7000

أشكر حضرتك لتأييد كلامي - مع انة مش كلامى دة العقل و المنطق بيقول كدة - لان العربيات مسألة تعود وايضا مسألة نسبية , هضرب لحضرتك امثلة مع فارق التشبية .
1- ممكن واحد عندة كمبيوتر وبيقول ان ما ينفعش ان الهارد يكون اقل من 1 تيرا , دة اكيد حسب استخداماتة ( بيحب يكون عندة افلام وبرامج تقيلة و اغانى والعاب محتاجة كروت ميمورى عالية ) فى حين ان حد تانى شايف انها كتير على استخداماتة )
2- ناس كتير تقول ان العربيات الـ لادا و الشاهين الدركسيون بتاعهم تقيل قوى , فى حين ان ملاك العربية دى اكيد متعودين عليها ومش شايفين ان فى مشكلة - انا مثلا كان عندى فيات 128 وبعد ما جبت شاهين حسيت ان العربية الباور بتاعها ممتاز مع ان العربية كانت من غير باور لكن كانت مريحانى وبعد ما ربنى كرمنى وجبت النترا حسيت بفرق بينهم كبير - اذا دى مسالة تعود .
3- احنا طبعنا - مع كامل احترامى وتقديرى للجميع - ان كل واحد يحب يكون عارف فى كل حاجة ويعرف كل حاجة كأن عدم المعرفة ببعض الامور عيب.

اللى خلانى اكتب عن الموضوع دة ان لاقيت ناس كتير بتتكلم على باور الـ إلنترا وانة فى عيوب وكلام كتير بالرغم من مداخلات كل الاعضاء اللى عندهم العربية ومش شايفيين ان فى عيب ومع ذلك الناس تقول لا فيها عيب , وهقول تانى كأن الناس اللى معاها العربية ما بتفهمش.
( إسأل مالك السيارة وما تسألش ولا مجرب ولا طبيب )
تقبلوا تحياتى جميعاً

كلامك عين العقل

انا معايا i10 الباور فيها كهرباء و لسه راجع من السخنة قلت اشوف اشاعة الباور دى اللى مش هنخلص منها.. صدقنى 120 كم/س الباور حجر و كنت بسيب العربية ماشيه لوحدها و حتى على 130 و 140 و اللى كانوا راكبين معايا استغربوا جدااا و قعدوا يقولوا ايه فى حاجه ولا ايه!!!!! على 100 بمسك الدريكسيون بصوابعى معظم الطريق.. انا من اول مره اركب الالنترا قبل ما اجيب ال i10 مكنتش بعرف اتعامل معاها نهائيا و لا دريكسيون و لا فرامل من شدتها لكن لما امتلكت ال i10 مش لاقى اى صعوبة فى الالنترا بالعكس الباور بتاعها اريح و اخف فى الركن

عربية ممتازة و ربنا يباركلك فيها

حد يعرف ازاى اعمل نظام الفحص الذاتي لسيارة النترا

انا عندى النترا من 2007 وحتى الأن و العربية ماشاء الله واسعة و مريحة جدا فى السواقة و السفر
بالنسبه للدركسيون الباور الكهرباء ممتاز و مفيش فيه اى مشكلة بس محتاج فترة صغيرة للتعود
اما عن الثبات فمعقول جدا فى المنحنيات وفى الطرق المستقيمة ممتاز وغالبا فى السفر بسوق حتى سرعة 140 كيلو و مرة فى طريق الصعيد الغربى قلت اجرب اشوف اقصى سرعة كام و جبت بيها 200 كيلو/ساعة وفضلت سايق معظم الوقت على 160 و انا مستريح بأمانة الألنترا عربية محترمة جدا و عملت اسم جامد للكورى اقتربت به جدا من اليابانى

بص من الاخر الانترا اخرها الشيب القديم لحد 2007 بعد كدة شكل بس انما الشكل القديم كان بجد عربية ملهاش حل عفشة وصاج وسحب وكل حاجة
نصيحة اركب السيراتو الجديدة وهاتحس بالفرق