موضوع شيق
شكرا لصاحب الموضوع ولكل المشاركين
عرض للطباعة
موضوع شيق
شكرا لصاحب الموضوع ولكل المشاركين
الف شكر ليك يا توت باشا
على العموم انا برضه كونت بقول كده برضه اللينيا العادة فى ظروفى هاتبقى احسن ان شاء الله
و عارف يا توت باشا انى طولت اوى بس انا الفترة اللى فاتت ربنا رزقنى بمولود (حمدى ) انت عارف مصاريف الولادة و العقيقة ( خروفين بلوازمهم ) فصرفت فلوس من اللى معايا طبعا .. بس انا دلوقتى معايا فى حدود 25 الف و الحمد لله ....... و دخلى زاد الفترة اللى فاتت فبقيت افكر فى اللينيا العادة و التربو لانسر 1300 مانوال ...... و بصرااحة مرتاح اكتر للينياالعادة ...... بس قولت اكبر المقدم لحد يناير و منها نشوف الاسعار و الجمارك هاتعمل ايه ,,,,, وانا ان شاء الله ناوى اجيب قسط على يناير ...... دعواتك يا باشا
معلش بتعبك يا توت باشا معايا اوى ....... ربنا يجازيك خير
برضه لو حضرتك عندك اى تعليق على اللينيا العادة او شايف فيا عيوب او ملاحظات عليها يا ريت تقولى يا توت باشا
شكرا مقدما
في حالة العربيات التوربو الموضوع مختلف شوية
العزم كبير قوي و بيطلع بدري و لكن على عكس العربيات الديزل مثلا الحصان كبير قوي برضه
تعالى أقول لحضرتك
العزم هو المقدرة على الطلوع بالسيارة من حالة السكون لحالة الحركة
و الحصان هو المقدرة على الوصول لسرعة معينة في وقت معين
و كل لما يزيد العزم يزيد القوة الخاصة بالحركة من حالة السكون
و كل لما يزيد الحصان يقل الوقت اللي بأقدر أوصل فيه لسرعات عالية
و ده اللي التوربو بيحققه
زود العزم و زود الحصان معاه
يبقى زود قوة الحركة من الطلوع من السكون و قلل الوقت اللازم للوصول لسرعة معينة
بعكس العربيات العادية اللي من غير توربو و اللي تصميمها عادي و تجاري للتوفير في النفقات لتقديم سيارة مناسبة بسعر مناسب و تحقيق ربح و المحافظة على البيئة في الوقت نفسه .
يا باشا العفو .........
اللينيا العادية هاتكون بطيئة في حركتها من حالة السكون بس علشان وزن العربية .
إنما العربية لو زي عربيات فيات الجديدة مفيهاش عيب خالص
و تقفيلها كويس و عربية برستيج بجد و هاتكون مميز
فيها عيب تاني و هو سعر اعادة البيع
يعني تعمل حسابك أنك تشتريها و تخليها معاك على الأقل سنتين أو ثلاثة قبل التفكير في بيعها .
و ربنا يوفقك يا باشا
بس ممكن أطلب منك طلب شخصي
ممكن تستخدم حجم خط ما بين 3 أو 4 لا أكثر علشان الحجم اللي أنت بتختاره كبير قوي و بيآكل الصفحة :dzey:
يا جماعة الناس اللي دخلت و شكرتني أنا بأشكرهم واحد واحد و مبسوط أن الناس حابة الموضوع و شايفه أنه مفيد
شكرا لكم جميعا على التعليق الجميل .......... و العفو طبعا لكم و أنا تحت أمركم فيما أقدر عليه .
و أنا برضه لازم أقول أن فيه ناس معانا كلنا بنستفيد منهم و هاذكر على سبيل الحصر الأستاذ محمد ممدوح و المهندس سبعاوي حيث أني أستفدت جدا منهم من معلومات مفيدة كثيرة على هذا المنتدى الرائع .
متشكر ليك يا توت باشا
و كمان متشكر على المعلومات بخصوص العزم و الحصان ...... بجد فعلا استفدت منك بجد
با النسبة للبطء فانا بطبعى سواقتى هادية اوى ..... و مش بفترى فى السواقة خاااااالص ....... و كمان معظم الوقت هابقى لوحدى فى مشاويرى ..... الا لو هاخرج مع اسرتى ودى غالبا اتبقى مرة او اكتر فى الاسبوع ....... و ساعتها برضه هامشى بالراحة
بالنسبة لموضوع التغيير ...... فانا مش فى دماغى اغير قبل 5 سنين عشان انا بعمل عشرة مع العربية و بعدين العربية فيها كماليات ممتازة و شنطة كبيرة وواسعة ..... فاعتقد الواحد مش هايفكر بيع بدرى او بسهولة
و بالنسبة للبنط ...... علم و ينفذ يا توت باشا
معلش اخر سؤال .... انا اعرف انه التربو بياخد بنزين 92 او 95 ..... طب ايه اللى يجرى لو حد ملاقاااش و حط بنزين 90 ؟؟؟؟؟؟؟؟؟
بعدين فى حد فى منتدى فيات بيقول انه اللينيا 77 حصان صافى ..... و انه الحصان الاوربى عشان تساويه بالاسيوى تضرب القيمة فى 1.3 ...... يعنى اللينيا = 100 حصان ....... ايه رايك سعادتك فى الكلام ده ؟؟؟؟؟؟؟؟؟؟؟؟؟؟
أنا مع الأستاذ توت في كلامة عن اللينيا (بس بالنسبالي أنا حاجز التربو العادة متنفعنيش)
أما يا دوكتور حكاية تضرب في ١.٣ ده زيادة شويه يمكن ١.١ أو ١.١٥ بالكتير (على حسب معلوماتي المتواضعة)
هل تعنى ان التربو ملوش تأثير على راحة العربية فى السرعات العلية نظرا لان العزب بيجى بدرى وكمان انا سمعت ان التربو بيوفر فى البنزين نظرا انة بيستخدم ضخط هوا او حاجة زى كدا لاعطاء الهورس الباور العالى دة بعكس الماتور البيدية من غير تربو والى اكيد هيكون السسى بتاعة عالى وهل معنى كدا انا الينيا التربو تختلف عن العادة فى سرعة التجميع ولكن فى السرعات المدينية فقط وليس على طرق السفر حتى وان كانت لها هورس باور عالى ارجو التوضيح
بُصي يا أختنا الكريمة
في حالة التوربو الموضوع مختلف تماما
أنا قلت أن التوربو زود العزم .............. و زود الحصان كمان
و بالتالي بقى فيه راحة في سواقة المدن ......... و راحة في تجميع السرعات .
بالنسبة لموضوع التوفير في البنزين
لا أعتقد أن التوفير هايكون ملحوظ لو اللي بيسوق رجله تقيله على الموتور .
و طبعا فيه فرق شاسع بين اللينيا العادية و اللينيا اللي بتوربو
سرعة التجميع على أي سرعة طبعا طبعا طبعا لصالح أي عربية فيها توربو .
شوفي الرقمين دول للينيا عادية و أخرى بتوربو :
فيات لينيا 1400 سي سي موتور 8 صمامات فقط لا غير ( اللينيا العادية )
77 حصان عند 6000 لفة - دقيقة
115 نيوتن - متر كعزم عند 3000 لفة - دقيقة
وقت الوصول من صفر - 100 كم - س هو 14.6 ثانية
السرعة القصوى هي 165 كم - س
الأخرى فيات لينيا بموتور 16 صمام 1400 سي سي و معاه توربو كمان
120 حصان عند 5000 لفة - دقيقة
206 نيوتن - المتر كعزم عند 1750 نيوتن - متر
وقت الوصول لسرعة 100 كم - س من السكون هو 9.5 ثانية
السرعة القصوى هي 195 كم - س
أنا هاوضح الموضوع أكتر بمثال تاني عن العربيات الديزل اللي كنت شرحت عليها قبل كدا
العربية الديزل لما بيصمموها بتكون الأولاوية للتحميل و ليس السرعة و بالتالي هو محتاج عزم فقط على حساب القوة الحصانية لأنه مش داخل سباق ...... دي عربيات تجارية لتحميل البضائع في الأساس .
هانلاقي ان العربية هنا العزم بتاعها عالي و بيطلع بدري قوي و لكن القوة الحصانية قليلة و بالتالي هو بيجمع قوته بدري و تجميع السرعة بيأخد معاه وقت كتير علشان عند تصميم العربية مكنش فيه أهتمام أنه يعمل عربية بتجري بسرعة و تجميع سرعات عالي في وقت قصير .
بعكس الللينيا على سبيل المثال .
التوربو زود العزم .............. و بالتالي راحة في سواقة المدن
و زود الحصان كمان ........... و بالتالي تجميع سرعات عالي في وقت قصير .
صباح الخير يا استاذ توت انا بحترم اوي الشخص اللي بيصحى بدري ودايما بلاحظ ردودك بتكون بدري اوي
واسف على الخروج عن الموضوع بس حبيت اسجل الملاحظة دي عنك