أولا .. الحمد لله علي كل شئ
النهاردة و أنا رايح الشغل كان الكيلو 4.5 واقف تماما فرجعت و أخدت الدائري و نزلت من مدينة نصر علي ألماظة و أثناء صعودي كوبري ألماظة و أنا علي أقصي اليمين أذا بميكروباص راح حادف عليا يمين أديله في كلاكسات و لا هو هنا طبعا الرصيف علي يميني و الميكروباص بقي علي شمالي من الامام فلم أستطيع تفاديه فأصطدمنا معا بالجنب
.... الخسائر عندي كالاتي:
- الرفرف الامامي الشمال
- حكة و تجريح بالرفرف الخلفي الشمال
- حكة بالفانوس الامامي الشمال
- خلع الاكصطدام الامامي من جهة الشمال
.... خسائر الميكروباص :
- حكة بسيطة بالرفرف الامامي اليمين
- حكة بسيطة بالرفرف الخلفي اليمين
طبعا وقفت مكاني انا و الميكروباص علي الفور و أتصلت علي الفور بشرطة النجدة (122) و رفضت تحريك أي من العربيتين قبل وصول الشرطة و عمل معاينة و فعلا وصلوا بعد 20 دقيقة و عملوا معاينة مبدئية ثم أخطروا القسم التابع له مكان الحادث و هو نقطة شرطة الشروق اللي ارسلوا أمين شرطة بسرعة حضر للمكان و عاين و أصحبنا انا و الميكروباص للقسم علشان نكمل باقي أجراءات المحضر هناك اللي أستغرق حوالي ساعتين بعدها غادرت الي مقر عملي و حاليا منتظر الشركة ترسل لي عربية تانية و يسحبوا عربيتي لأصلاحها
.... الصور:
(1).. الرفرف الامامي الشمال ..
(2).. الأحتكاك بالرفرف الخلفي الشمال..
(3).. الجانب الايسر الامامي لسيارتي و السيارة الاخري ..
(4)..الجانب الايمن للسيارة الميكروباص بعد توقفها امامي ..
المفضلات