الموضوع: اوبترا ولا صني ولا بيرسونا اتوماتيك

المشاركة الأصلية كتبت بواسطة hosam_optrawy

ياباشا دا اعتقاد خاطئ وكلام مردد الواحد بيسمعه بقاله 20 سنه

انا كنت راكب النترا 98 اوتوماتيك وكانت زى الفل مفيهاش اى مشاكل

اما بخصوص الاوبترا الاوتوماتيك فالفتيس بتاعها يابانى من شركة aisin

وحتى لو كان كورى ايه المشكله

الالنترا والسيراتو الاوتوماتيك ممتازين ومفيهمش اى مشاكل نهائى

واليابانى اللى بنفس السعر اللى هى الصنى تقفيلها مصرى

لو لانسر او تيدا نقول ماشى ودول أغلى ب 20 الف

حتة الفتيس يابانى دى ماكنتش اعرفها معلشى لكن الاوتوماتيك اليابانى اطول عمرا من الكورى فعلا انا كان معايا اكسنت 1500 اوتوماتيك وكان فيها مشاكل بالرغم من انو كان مافيهوش كيك داون
بس بردو الصنى اضمن
تقفيل مصرى مصرى بس توكيل محترم وبيحاول يظهر ان التقفيل المصرى مش اقل من اليابانى واى مشكلة بيحلوها وهم بيتأسفو
والبرسونا عن تجربة عربية جميلة بجد رفاهية اعلى من الاتنين وشكل وفخامة وكماليات بس اقلهم اعتمادية و توكيل

المشاركة الأصلية كتبت بواسطة mohamed_sabry

انا معايا الجين 2 , اللى هى اخت البرسونا , و البرسونا و الجين 2 عربيات جميلة جدا جدا , و كل المشاكل اللى بتسمع عنها دى مشاكل تافهة جدا , لكن للاسف التوكيل هو السبب فى ان المشاكل التافهة دى تبقى عظيمة و ضخمة , يعنى من الاخر التوكيل يكرهك فى العيشة و اللى عايشنها و العربيات و اليوم اللى فكرت فيه تشترى عربية , ده من الاخر يعنى .
انا شخصيا افضل النيسان صنى , بس لو السوبر صالون , انما الاكس صالون مش قد كده , برضه العشر تلاف الفرق دول بيدولك تجهيزات و كماليات كتير من اير باجز و عفشة رياضية و جنوط و مرايات تطوى كهربائيا و abs&ebd و شياكة فى الصالون , يعنى فرق يستاهل التفكير , الاوبترا عربية شكلها حلو و موتورها كويس بس ثباتها زى الزفت و صاجها خفيف , و ده عند مقارنتها بالجين 2 , انا معتاد على المشى بسرعة 120-130 كم , لما جربت الاوبترا حسيت انى و انا ماشى على 120 كم انى طااااااير .
و ربنا يوفقك الى مافيه رضاه و الخير لك .

انا معايا اوبترا ومش معاك خالص فى نقطة ان السرعة لما بتوصل 120 كم/ساعة العربية بتحسسك انك طاير ... العربية ثابتة عند ال 140 واحيانا بجيب 120 من غير ما احس