اوبترا ولا صني ولا بيرسونا اتوماتيك

**emadhamdy** · 23-10-2009 02:26 AM

المشاركة الأصلية كتبت بواسطة sha2e

يا استاذ حسام والله انا قولت اللى انا شوفته مش واحد حكالي او سامع من حد
ده انا شوفته بعني عربيه اوبترا وكان شايل تلاته ورا والعربيه كان باين اوى اوى انها مايله بزيادة من ورا ( الله اعلم ان كان حاطط حاجة فى الشنطة ولا لأ ) وكان عامل فيها مستعجل وعدي من على اليمين بس كل المطب صح :s_thum1[1]:
انا فاكر الموقف ده كويس اوي وكانت العربيه لونها دهبي ( اللون ده اللى لا هو ذهبي ولا هو سمنى )

بصراحه انا اضطريت انسحب من المقارنة دى لاني شايف انكم متحايزين للأوبترا
لأنكم شايفين انها اقوى عربية فى التلاته ( برغم انها موتورها اقل موتور فى التلاته )
وأكتر عربيه ثابته فى التلاته ( برغم ارتفاعها عن الارض )
وان عفشتها اقوي فى التلاته ( برغم وجود الجين فى المنافسه ذات العفشه الرياضيه )
وانها اقل استهلاك للبنزين فى التلاته ( بعد هذا الموضوع سألت احد مالكيها وكان رده : متوسطها 190كم ولما بتعمل معاه 200 كم بتبقى حلو اوى مع العلم ان معاه مانيوال )
وكمان شايفين ان اعادة بيعها الافضل برضو فحبيت انقل لكم الجزء ده :

أرسل أصلا بواسطة aimank

لو سمحت اوبترا 2008 اتوماتيك سوداء 55000 كم فابريكة بره و جوه رخصة سنة و نص الاستبن لم يلمس الارض الكنبة بالنيلون البلاستيك .صيانة بالتوكيل حالة الموتور احسن من الزيرو و كل حاجة فيها شغالة . بصفة عامة بنفس حالة الزيرو. على فكرة استعمال 17 شهر.
ممكن اعرف تعمل كام لو حبيت ابيع دلوقتى و شكرا على مجهودك الرائع

تعمل 77 الف

يعنى نزلت حوالي 20 الف جنيه فى سنه برغم ان منزلش عليها شكل جديد زي الصني
اعتقد ان البيرسونا ممكن تتأخر شويه فى البيع لكن سعرها وقت البيع معتقدش انها هتقل عن سعر الاوبترا ده

انا شايف ان الاوبترا كان افضل صفقه لما كانت ب 83 الف والالينترا كانت فضلت ترتفع لحد ما وصلت ل 98 الف
كان وقتها الاوبترا افضل صفقه لكن دلوقتى اعتقد ان الوضع اختلف كتير

وياريت محدش يزعل من كلامي

بجد ردك مقنع جدا
ومحدش يغلطك فيه
وفعلا الاوبترا اقل عربيه في التلاته
واللي بيفهم هيقول كده
ونفسي اعرف ازاي عفشه الاوبترا احسن من عفشه الجين2 او البيرسونا الرياضيه

**khpopo** · 23-10-2009 03:33 AM

بيرسونا صفقه رابحه
ربنا يوفق

**Hosam_Optrawy** · 23-10-2009 11:16 AM

المشاركة الأصلية كتبت بواسطة sha2e

يا استاذ حسام والله انا قولت اللى انا شوفته مش واحد حكالي او سامع من حد
ده انا شوفته بعني عربيه اوبترا وكان شايل تلاته ورا والعربيه كان باين اوى اوى انها مايله بزيادة من ورا ( الله اعلم ان كان حاطط حاجة فى الشنطة ولا لأ ) وكان عامل فيها مستعجل وعدي من على اليمين بس كل المطب صح

انا فاكر الموقف ده كويس اوي وكانت العربيه لونها دهبي ( اللون ده اللى لا هو ذهبي ولا هو سمنى )

بصراحه انا اضطريت انسحب من المقارنة دى لاني شايف انكم متحايزين للأوبترا
لأنكم شايفين انها اقوى عربية فى التلاته ( برغم انها موتورها اقل موتور فى التلاته )
وأكتر عربيه ثابته فى التلاته ( برغم ارتفاعها عن الارض )
وان عفشتها اقوي فى التلاته ( برغم وجود الجين فى المنافسه ذات العفشه الرياضيه )
وانها اقل استهلاك للبنزين فى التلاته ( بعد هذا الموضوع سألت احد مالكيها وكان رده : متوسطها 190كم ولما بتعمل معاه 200 كم بتبقى حلو اوى مع العلم ان معاه مانيوال )
وكمان شايفين ان اعادة بيعها الافضل برضو فحبيت انقل لكم الجزء ده :

أرسل أصلا بواسطة aimank

لو سمحت اوبترا 2008 اتوماتيك سوداء 55000 كم فابريكة بره و جوه رخصة سنة و نص الاستبن لم يلمس الارض الكنبة بالنيلون البلاستيك .صيانة بالتوكيل حالة الموتور احسن من الزيرو و كل حاجة فيها شغالة . بصفة عامة بنفس حالة الزيرو. على فكرة استعمال 17 شهر.
ممكن اعرف تعمل كام لو حبيت ابيع دلوقتى و شكرا على مجهودك الرائع

تعمل 77 الف

يعنى نزلت حوالي 20 الف جنيه فى سنه برغم ان منزلش عليها شكل جديد زي الصني
اعتقد ان البيرسونا ممكن تتأخر شويه فى البيع لكن سعرها وقت البيع معتقدش انها هتقل عن سعر الاوبترا ده

انا شايف ان الاوبترا كان افضل صفقه لما كانت ب 83 الف والالينترا كانت فضلت ترتفع لحد ما وصلت ل 98 الف
كان وقتها الاوبترا افضل صفقه لكن دلوقتى اعتقد ان الوضع اختلف كتير

وياريت محدش يزعل من كلامي

أستاذ sha2e

حضرتك على اى اساس بتقول ان احنا متحيزين للاوبترا ؟

وأكيد تقصدنى انا مع اللى متحيزين

ياريت تراجع كلامى كويس فى الموضوع

انا كل اللى باقوله هو وجهة نظرى من خلال تجربتى الشخصيه

ولما بالاقى معلومه غلط باصححها

وماقولتش خالص ان الاوبترا أحسن من الاتنين

انا زى ماقولت لما بالاقى حد بيقول على الاوبترا معلومه غلط ( بتحك - استهلاك بنزين - ثبات ) باصححها

مش تحيز خالص وربنا اللى يعلم

انا ماقولتش ان موتور الاوبترا أقوى موتور

انا كتبت مواصفات موتور الاوبترا والبيرسونا ووضحت ان هما متقاربين وقولت كمان ان الصنى 118 حصان يعنى المفروض اقواهم

وقلت ان ثبات الاوبترا ممتاز ماقولتش انها أكتر واحده ثابته

وقلت ان عفشتها قويه جدا وبتستحمل ماقولتش خالص انها الأقوى

وقلت استهلاكها للبنزين كام من خلال تجربتى وسألت البيرسونا بتعمل كام

يعنى ماقولتش الاوبترا بتستهلك أقل من الاتنين التانيين انا قلت ان استهلاكها ممتاز بالنسبه لعربيه 1600 اوتوماتيك

اعادة البيع كويسه لان العربيه حاليا موديل 2010 سعرها 94 وانا عربيتى 2008 اوتوماتيك فابريكه وعامله 16 الف بس يعنى تجيبلى 80 او 79 يعنى خسرت 15 الف فى سنتين مش فى سنه واحده ودا حلو طبعا

________________

أخيرا ياريت تقرا كلامى تانى لان أكيد حضرتك فهمت كلامى غلط

انا وضحت وجهة نظرى من خلال تجربتى بدون أى تحيز

وماقولتش خالص ان الأوبترا هى الأفضل فى كل شئ

لان مش الكلمتين بتوعى هما اللى هايخللو الاوبترا احسن عربيه فى مصر او اسوأ عربيه

وانا الحمد لله عمرى ما اتحيزت لعربيه لان فى الاول والأخر دى حتت عربيه وانا ممكن فى اى لحظه ابيعها وأجيب غيرها

وطبعا مفيش أى زعل

وانا اللى هانسحب من الموضوع مادام وصلت للتحيز

وكمان انا خلاص قلت كل اللى عندى ورأيى بكل امانه فى " عربيتى " الاوبترا

والسلام عليكم

المشاركة الأصلية كتبت بواسطة emadhamdy

بجد ردك مقنع جدا
ومحدش يغلطك فيه
وفعلا الاوبترا اقل عربيه في التلاته
واللي بيفهم هيقول كده
ونفسي اعرف ازاي عفشه الاوبترا احسن من عفشه الجين2 او البيرسونا الرياضيه

يعنى اللى بيفهم بس هو اللى يقول ان الاوبترا أقل واحده

واللى يقول غير كدا مابيفهمش

يعنى كل اللى اشتروا اوبترا وسابوا الصنى وبروتون وغيرها يبقو مابيفهموش

شكرا

وعموما دا رأيك وانت حر فيه

**just_magdy1** · 23-10-2009 02:09 PM

بالامس مريت على معرض سيارات لقيت عنده لانسر هاف سبورت
واقفة قلت ابص عليها ...بدون قسم خامات الصالون فى الاوبترا تتفوق بمراحل لدرجة والله انا شكيت ان دى يابانى .
مع احترامى لكل الزملا والله بدون تحيز لعربيتى الاوبترا لانى كنت من شهر واحد عايز اغيرها الاوبترا (عبارة منقولة من اخى حسام) الاوبترا هى الافضل فى الفئة السعرية التى تدور حول ال 100 الف جم ونصيحة للى عايز يغير الاوبترا ويحس بفرق يدور فى فئة اعلى .

**emadhamdy** · 23-10-2009 02:11 PM

المشاركة الأصلية كتبت بواسطة ezzatfox

يا استاذ حسام متزعلش نفسك

الكلام بيبين مين اللى بيتكلم بالعقل و مين اللى متحيز

و انت طول عمرك معروف عنك الحيادية و العقل

و كل واحد حر فى رأية

انا شخصيا رأيى قلتة قبل كدة ان الاوبترا و الصنى متقاربين و ان كنت افضل الاوبترا عشان الصنى تقفيل مصرى

انما البيرسونا اقل منهم كتيير

و بالنسبة لسعر اعادة البيع الى تم اثارتة و استشهد احد الاعضاء الافاضل بعربية اوبترا تمنها نزل ل 77 الف فدة معناة انها نزلت 13 الف مش عشرين و دة يعتبر سعر جيد جدا فى اعادة البيع خصوصا لو قارنا الكلام دة بحاجة زى كدة :
جين تو
كامله مانيول اسبورت
عدد الكيلومترات 85000
لونها اسود
الدواخل فابريكة
حالة الصالون ممتاز
بطاريه جافه جديده
استبن لم يستخدم
السعر المبد ئي 60000
و السعر نزل بعد كدة ل 58000
http://www.nilemotors.net/nile/95763-2007.html
يا ترى كدة نزلت كام الف :o_stupid[1]:

ما يمكن تكون عامله حادثه او فيها حاجه محدش يعرفها غير صاحبها
المفروض اننا ناس كبار ودماغنا كبيره
مش معني ان واحد او اتنين نزل في سعر عربيه معينه يبقي كل العربيات نفس الموديل بالسعر ده
حضرتك مع احترامي ليك مش حيادي في كلامك ولا في مصداقيه
وده واضح جدا من كلامك
ادخل كل الاقسام واعمل بحث دقيق وانت هتلاقي في كل الاقسام وكل العربيات اسعار متفاوته وده شي طبيعي
لان ممكن تلاقي واحد منزل في سعر عربيته جامد
وواحد تاني معاه نفس موديل العربيه وسعر عربيته عالي
يعني ياربت يا جماعه نتكلم بعقلانيه وصدق اكتر من كده وبلاش تحامل علي اي نوع عربيه لاغراض ملهاش لازمه
اخي الكريم من فضلك اعمل حساب ان كل كلمه بتكتبها بيشوفها الكثير والكثير
واذا كان واحد مش فاهم فاعتقد البقيه فاهمين

**Abo.Mayyam** · 23-10-2009 03:21 PM

يا جماعة أي عربية فين عين صاحبها أحسن عربية في الدنيا

ربناه يباركلنا في عربياتنا ويحفظها لينا

ورأي إن صاحب الموضوع ينزل يشوف العربيات المقترحة
ويستخير ربنا وأكيد ربنا هيوافقه للخير

وأكيد كل الاخوة الافاضل اللي قالوا ليه رأيهم كلهم إن شاء الله بينصحوا لله وربنا يجزيهم كل خير.

ولا داعي لل جدال والنقاش والمنزعات اللي ملهاش لازمة.

**khela** · 23-10-2009 03:55 PM

المشاركة الأصلية كتبت بواسطة mayyam

يا جماعة أي عربية فين عين صاحبها أحسن عربية في الدنيا

ربناه يباركلنا في عربياتنا ويحفظها لينا

ورأي إن صاحب الموضوع ينزل يشوف العربيات المقترحة
ويستخير ربنا وأكيد ربنا هيوافقه للخير

وأكيد كل الاخوة الافاضل اللي قالوا ليه رأيهم كلهم إن شاء الله بينصحوا لله وربنا يجزيهم كل خير.

ولا داعي لل جدال والنقاش والمنزعات اللي ملهاش لازمة.

الله يقتح عليك خناقة على الفاضى ولا كان كل واحد صاحب مصنع العربية الى مقتنع بيها او صاحب توكيلها .......هى عربيات كلها قريبة من بعض جدا وكل واحدة منهم لها مميزتها و عيوبها انا شخصيا افضل الصنى...... بس فعلا صاحب الموضوع ينزل يتفرج علها كلها ويشوف ال هوة مستريحلها وربنا يباركلوا فيها

**just_magdy1** · 24-10-2009 01:59 AM

المشاركة الأصلية كتبت بواسطة emadhamdy

ما يمكن تكون عامله حادثه او فيها حاجه محدش يعرفها غير صاحبها
المفروض اننا ناس كبار ودماغنا كبيره
مش معني ان واحد او اتنين نزل في سعر عربيه معينه يبقي كل العربيات نفس الموديل بالسعر ده
حضرتك مع احترامي ليك مش حيادي في كلامك ولا في مصداقيه
وده واضح جدا من كلامك
ادخل كل الاقسام واعمل بحث دقيق وانت هتلاقي في كل الاقسام وكل العربيات اسعار متفاوته وده شي طبيعي
لان ممكن تلاقي واحد منزل في سعر عربيته جامد
وواحد تاني معاه نفس موديل العربيه وسعر عربيته عالي
يعني ياربت يا جماعه نتكلم بعقلانيه وصدق اكتر من كده وبلاش تحامل علي اي نوع عربيه لاغراض ملهاش لازمه
اخي الكريم من فضلك اعمل حساب ان كل كلمه بتكتبها بيشوفها الكثير والكثير
واذا كان واحد مش فاهم فاعتقد البقيه فاهمين

انا شايف ان الراجل ماغلطش ولا اتكلم اى كلام فيه تحيز للاوبترا او عدم مصداقية
الراجل قال ان حسام راجل حيادى ... ودى حقيقة كلنا لمسناها ..وانا ازيد عليه انه راجل محترم
الراجل قال ان الاوبترا والصنى متقاربين ودى حقيقة برضة وقال ان الصنى تقفيل مصرى ودى حقيقة
وفى زميل سابق استشهد بمثال عن عربيه اوبترا نزلت فى سعرها الراجل استشهد بمثال اخر للبروتون ... نفسى اعرف بقى فين عدم المصداقية ؟؟؟؟؟!!!!!!!!!!

**ezzatfox** · 24-10-2009 08:17 PM

المشاركة الأصلية كتبت بواسطة emadhamdy

ما يمكن تكون عامله حادثه او فيها حاجه محدش يعرفها غير صاحبها
المفروض اننا ناس كبار ودماغنا كبيره
مش معني ان واحد او اتنين نزل في سعر عربيه معينه يبقي كل العربيات نفس الموديل بالسعر ده
حضرتك مع احترامي ليك مش حيادي في كلامك ولا في مصداقيه
وده واضح جدا من كلامك
ادخل كل الاقسام واعمل بحث دقيق وانت هتلاقي في كل الاقسام وكل العربيات اسعار متفاوته وده شي طبيعي
لان ممكن تلاقي واحد منزل في سعر عربيته جامد
وواحد تاني معاه نفس موديل العربيه وسعر عربيته عالي
يعني ياربت يا جماعه نتكلم بعقلانيه وصدق اكتر من كده وبلاش تحامل علي اي نوع عربيه لاغراض ملهاش لازمه
اخي الكريم من فضلك اعمل حساب ان كل كلمه بتكتبها بيشوفها الكثير والكثير
واذا كان واحد مش فاهم فاعتقد البقيه فاهمين

اولا انا مش معايا اوبترا اصلا انا قلت رأيى اللى انا شايفة صح .
ثانيا : مش لازم عشان يكون عندى حيدادية و مصداقية انى اتفق معاك فى الرأى و مش لازم عشان اكون بفهم اقول البيرسونا احسن عربية .
و الخلاف فى الرأى لا يفسد للود قضية .. و شكرا لذوقك