اوبترا ولا صني ولا بيرسونا اتوماتيك

**Hosam_Optrawy** · 21-10-2009 09:43 PM

المشاركة الأصلية كتبت بواسطة hsorogy

أنا معايا بروتون برسونا 2009
فول أوبشنز أوتوماتك
ثبات خرافى بجد
عفشة رياضية
كل الأوبشنز اللى بتحلم بيها
جنوط سبور 15 205/65- فوانيس شابورة أمامى و خلفى - باركنج سنسور - abs & ebd ‎‏ ‏- كاسيت بلوبنكت سى دى - كمبيوتر رحلات - تكيف رائع - 2 إير باج - 4 زجاج كهربا - 2 مرايات كهربا نفس لون العربيا - ملتى فنكشن - سنتر لوك - إنذار - فتح الشنطة بالريموت - تعديل المعقد فوق وتحت - طى الكنبة الخلفية -شنطة 450 لتر- كونسول - إدراج تخزين - حامل أكواب خلفى - 4 سماعات - قفل مركزى للأبواب أول ما تدوس فرامل- سخان زجاج خلفى - إمكانية التحكم فى درجة إضاءة التابلوه
عالية عن الأرض 16.5 سم مابتحكش فى مطبات مصر المحروسة و عن تجربة كان راكب معايا 3 ورا و 2 قدام و محكتش فى اى مطب
.... توكيل جيد
.... قطع غيار متوفرة برة التوكيل
### العيوب عيوب فى تقفيل الكماليات مش فى الأساسيات و بتتحل فى الصيانة
### إستهلاك بنزين بشد وجرى و تكيف الصفيحة 20 لتر بتعمل 240 كم

ربنا يباركلك فيها

بس على فكره

مقاس الكاوتش 195/55-15 مش 205/65-15

وحجم الشنطه 430 لتر مش 450

الارتفاع عن الأرض 15.5 سم مش 16.5

**momopersona** · 22-10-2009 05:12 AM

البرسونا ميزة عفشتها انها ناشفة ورياضية يعنى ممكن تلائى العربية واطية عن عربيات كتير بس لما تحملها على الاخر مابتنزلش سم ومابتحكش خالص سواء كان فيها ناس او مافيهاش
وعلى فكرة يا حسام الصنى 2010 اعلى من الاوبترا بكتير الصنى الجديدة نازلة بعفشة تانية خالص
وطبعا الثبات احسنهم البرسونا
والموتور احسنهم البرسونا
الشكل بيرسونا
صاج برسونا
كماليات طبعا بيرسونا
و اعادة البيع احسنهم الصنى لانها يابانى وحط تحت دى 100 خط وانزل شوف فى السوق اليابانى بيتباع من قبل مايخش السوق
طول عمر العفشة دا عند الصنى طبعا يابانى وقطع غيار معمرة اوى
تقفيل الكماليات اوبترا
الوسع الداخلى الاوبترا برضه
واستهلاك البنزين البرسونا فى القيادة الموفرة بتعمل 6.7 لتر لكل 100 كم واصورهالكو لو عايزين ومع التكييف ومشى اغلبه اقل من 100
الاوبترا كان فى ناس بتشتكى من استهلاكها فى قسم الشيفروليه
والصنى بتعمل 200 كم فى الصفيحة
ملحوظة بس
الصنى الاوتوماتيك بتاعها خشن بتحس بالنقلة اوى وصوت موتورها عالى
انعمهم فى السواقة الاوبترا و امتعهم البرسونا شد وغرز وصوت رياضى اوى اكنها فيرارى

**Hosam_Optrawy** · 22-10-2009 06:44 PM

المشاركة الأصلية كتبت بواسطة momopersona

البرسونا ميزة عفشتها انها ناشفة ورياضية يعنى ممكن تلائى العربية واطية عن عربيات كتير بس لما تحملها على الاخر مابتنزلش سم ومابتحكش خالص سواء كان فيها ناس او مافيهاش
وعلى فكرة يا حسام الصنى 2010 اعلى من الاوبترا بكتير الصنى الجديدة نازلة بعفشة تانية خالص
وطبعا الثبات احسنهم البرسونا
والموتور احسنهم البرسونا
الشكل بيرسونا
صاج برسونا
كماليات طبعا بيرسونا
و اعادة البيع احسنهم الصنى لانها يابانى وحط تحت دى 100 خط وانزل شوف فى السوق اليابانى بيتباع من قبل مايخش السوق
طول عمر العفشة دا عند الصنى طبعا يابانى وقطع غيار معمرة اوى
تقفيل الكماليات اوبترا
الوسع الداخلى الاوبترا برضه
واستهلاك البنزين البرسونا فى القيادة الموفرة بتعمل 6.7 لتر لكل 100 كم واصورهالكو لو عايزين ومع التكييف ومشى اغلبه اقل من 100
الاوبترا كان فى ناس بتشتكى من استهلاكها فى قسم الشيفروليه
والصنى بتعمل 200 كم فى الصفيحة
ملحوظة بس
الصنى الاوتوماتيك بتاعها خشن بتحس بالنقلة اوى وصوت موتورها عالى
انعمهم فى السواقة الاوبترا و امتعهم البرسونا شد وغرز وصوت رياضى اوى اكنها فيرارى

انا مقولتش خالص ان البيرسونا بتحك

هو بس الاستاذ sha2e قال ان الاوبترا لو حملتها بتحك فانا حبيت اقول ان دا مستحيل فى الاوبترا بالذات

لان دا من أهم مزاياها

ــــــــــــــــــــ

الصنى 2010 فعلا نازله بعفشه تانيه وعوامل امان

بس برضه فى الاول والأخر تقفيل مصرى ومتعجبنيش ودا رأيى

زى مانت رأيك انها أعلى من الاوبترا بكتير

ــــــــــــــــــــ

الثبات عندى فى الأوبترا ممتاز والتحكم فى العربيه على السرعات العاليه ممتاز

ــــــــــــــــــــ

موتورها سحبه حلو اوى وصوته مش عالى وبيطلع 107 حصان على Rpm 5800 وعزم 150 على 3600 Rpm ووزنها اوتوماتيك 1240 كجم

والبيرسونا بتطلع 110 حصان على 6000 Rpm وعزم 148 على 4000 Rpm ووزنها اوتوماتيك 1210 كجم

يعنى متقاربين جدا ان ماكنش الاوبترا تتفوق كمان

يبقى منين انت حكمت ان احسنهم فى الموتور البيرسونا ؟

وعلى فكره الصنى المفروض انها 118 حصان يعنى أقوى من الاتنين

ــــــــــــــــــــ

الشكل طبعا أذواق بس طبعا زى مانا قلت قبل كدا ما أنكرش ان البيرسونا أحسنهم شكلا وأحدثهم تصميما

ــــــــــــــــــــ

الصاج مش هاقدر اتكلم عليه لانه ضعيف عندى فى الاوبترا فى السقف والكبوت اما بقية جسم العربيه عادى زى اغلب العربيات

ــــــــــــــــــــ

الكماليات طبعا بيرسونا وعوامل أمان وبسعر اقل كمان من الاوبترا

ــــــــــــــــــــ

اعادة البيع مش هانختلف عليها

بس أكيد الاوبترا والصنى اعلى من البيرسونا وممكن يبقو الاتنين قريبين من بعض

ودى حاجه سهله ممكن نعرفها نجيب عربيتين نفس الموديل ونفس الحاله ونشوف هايجيبو كام

واعتقد ان السعر هايبقى قريب ولكن بتفوق بسيط فى الاوبترا

ــــــــــــــــــــ

التقفيل والوسع فى صالح الاوبترا مش عايزه كلام

ــــــــــــــــــــ

استهلاك البنزين صدقنى ممتاز

أكتر استهلاك العربيه بتعمله داخل البلد وبالتكييف 200 كم فى الصفيحه

أحسن استهلاك عملته 250 كم فى الصفيحه

وبيتهيألى صعب اوى ان البيرسونا تكون بتعمل 6.7 لتر لكل 100 كم

انا طبعا مش باكدبك لا سمح الله انا بقول صعب

وياريت يكون الرقم اللى انت قولته دا مش بناء على كتالوج العربيه او كمبيوتر السائق

لأ احسب الاستهلاك انت بنفسك لان مش دايما الأرقام بتبقى مظبوطه

مانا عندى فى الاوبترا مكتوب ان معدل استهلاك الوقود 7.1 لتر لكل 100 كم

ودا فى الواقع مبيحصلش لان أفضل استهلاك عملته كان 8 لتر لكل 100 كم

مع مراعاة طبعا ان عربيتى اوتوماتيك يعنى المانيوال بيستهلك أقل

**Abo.Mayyam** · 22-10-2009 07:22 PM

أولا ربنا يوفقك يا فندم للخير إن شاء الله

أنا رأى:

لو نيسان صنى يبقى السوبر صالون ===> ما شاء الله تحفة
كل الإمكانيات زائد عوامل أمان زائد مقصورة مؤمنة لحماية الركاب لأقصى درجة فى الحوادث الكبيرة لاقدر الله وربنا يسترها معانا جميعا
زائد إن التقفيل محترم مش وحش وبعدين اليابانيين مش هيخلوا أى حد يسوئ سمعتهم!!
والله العربية تقفيلها زلى الفل والمشكلة إن إحنا عندنا عقدة الخواجة من التقفيل المصرى

لو مش هتقدر على السوبرصالون يبقى بروتون بيرسونا فل أوبشن أوتوماتيك ===> صاج قوى ماشاء الله ثبات محترم أمكانيات عالية جدا + عوامل أمان تحفة :

2 وسادة هوائية
فرامل ABS& EBD
إيموبيليزر لحماية السيارة من السرقة (مفتاح مشفر)
قضبان حماية على جانبى السيارة

بجد بروتون (جين 2 , بيرسونا أو واجا) == صفقة رابحة

واخيرا ربنا يوفقك للخير إن شاء الله

وطبعا متنساش تستخير قبل ما تأخذ أى قرار عشان ربنا يباركلك

**emadhamdy** · 22-10-2009 07:57 PM

المشاركة الأصلية كتبت بواسطة mayyam

أولا ربنا يوفقك يا فندم للخير إن شاء الله

أنا رأى:

لو نيسان صنى يبقى السوبر صالون ===> ما شاء الله تحفة
كل الإمكانيات زائد عوامل أمان زائد مقصورة مؤمنة لحماية الركاب لأقصى درجة فى الحوادث الكبيرة لاقدر الله وربنا يسترها معانا جميعا
زائد إن التقفيل محترم مش وحش وبعدين اليابانيين مش هيخلوا أى حد يسوئ سمعتهم!!
والله العربية تقفيلها زلى الفل والمشكلة إن إحنا عندنا عقدة الخواجة من التقفيل المصرى

لو مش هتقدر على السوبرصالون يبقى بروتون بيرسونا فل أوبشن أوتوماتيك ===> صاج قوى ماشاء الله ثبات محترم أمكانيات عالية جدا + عوامل أمان تحفة :

2 وسادة هوائية
فرامل abs& ebd
إيموبيليزر لحماية السيارة من السرقة (مفتاح مشفر)
قضبان حماية على جانبى السيارة

بجد بروتون (جين 2 , بيرسونا أو واجا) == صفقة رابحة

واخيرا ربنا يوفقك للخير إن شاء الله

وطبعا متنساش تستخير قبل ما تأخذ أى قرار عشان ربنا يباركلك :ob_mak1[1]:

بجد ما شاء الله عليك قولت اللي كنت هقوله بالظبط
وفعلا جين.2 بيرسونا او واجا كلهم صفقه رابحه ومفيش فيها كلام
وبجد احترامي بيزيد كل يوم علي الثبات الخرافي اللي موجود في موديلات بروتون

بجد كل مره بركب فيها عربيتي الجين.2 بحث اني داخل سباق وثبات العربيه مديني ثقه جباره ومخليني بقيت اسوق بسرعه خصوصا ان معظم مشاويري علي الدائري
وربنا يسترها معايا ومع الجميع
تحياتي ليك

**Abo.Mayyam** · 22-10-2009 08:08 PM

المشاركة الأصلية كتبت بواسطة emadhamdy

بجد ما شاء الله عليك قولت اللي كنت هقوله بالظبط
وفعلا جين.2 بيرسونا او واجا كلهم صفقه رابحه ومفيش فيها كلام
وبجد احترامي بيزيد كل يوم علي الثبات الخرافي اللي موجود في موديلات بروتون

بجد كل مره بركب فيها عربيتي الجين.2 بحث اني داخل سباق وثبات العربيه مديني ثقه جباره ومخليني بقيت اسوق بسرعه خصوصا ان معظم مشاويري علي الدائري
وربنا يسترها معايا ومع الجميع
تحياتي ليك

ربنا يبارك فيك يا أ.عماد

وربنا يوفق صاحب الموضوع للخير

ونصيحة يا باشا "إوعى تغرك عربيتك!" وإمشى برراحة

**emadhamdy** · 22-10-2009 09:04 PM

المشاركة الأصلية كتبت بواسطة Mayyam

ربنا يبارك فيك يا أ.عماد

وربنا يوفق صاحب الموضوع للخير

ونصيحة يا باشا "إوعى تغرك عربيتك!" وإمشى برراحة

ربنا يعزك يارب
وربنا يسترها معانا جميعا امين يارب العالمين
شكرا لذوقك اخي الكريم

**sha2e** · 23-10-2009 02:20 AM

المشاركة الأصلية كتبت بواسطة Hosam_Optrawy

انا مقولتش خالص ان البيرسونا بتحك

هو بس الاستاذ sha2e قال ان الاوبترا لو حملتها بتحك فانا حبيت اقول ان دا مستحيل فى الاوبترا بالذات

لان دا من أهم مزاياها

يا استاذ حسام والله انا قولت اللى انا شوفته مش واحد حكالي او سامع من حد
ده انا شوفته بعني عربيه اوبترا وكان شايل تلاته ورا والعربيه كان باين اوى اوى انها مايله بزيادة من ورا ( الله اعلم ان كان حاطط حاجة فى الشنطة ولا لأ ) وكان عامل فيها مستعجل وعدي من على اليمين بس كل المطب صح

انا فاكر الموقف ده كويس اوي وكانت العربيه لونها دهبي ( اللون ده اللى لا هو ذهبي ولا هو سمنى )

بصراحه انا اضطريت انسحب من المقارنة دى لاني شايف انكم متحايزين للأوبترا
لأنكم شايفين انها اقوى عربية فى التلاته ( برغم انها موتورها اقل موتور فى التلاته )
وأكتر عربيه ثابته فى التلاته ( برغم ارتفاعها عن الارض )
وان عفشتها اقوي فى التلاته ( برغم وجود الجين فى المنافسه ذات العفشه الرياضيه )
وانها اقل استهلاك للبنزين فى التلاته ( بعد هذا الموضوع سألت احد مالكيها وكان رده : متوسطها 190كم ولما بتعمل معاه 200 كم بتبقى حلو اوى مع العلم ان معاه مانيوال )
وكمان شايفين ان اعادة بيعها الافضل برضو فحبيت انقل لكم الجزء ده :

أرسل أصلا بواسطة aimank

لو سمحت اوبترا 2008 اتوماتيك سوداء 55000 كم فابريكة بره و جوه رخصة سنة و نص الاستبن لم يلمس الارض الكنبة بالنيلون البلاستيك .صيانة بالتوكيل حالة الموتور احسن من الزيرو و كل حاجة فيها شغالة . بصفة عامة بنفس حالة الزيرو. على فكرة استعمال 17 شهر.
ممكن اعرف تعمل كام لو حبيت ابيع دلوقتى و شكرا على مجهودك الرائع

تعمل 77 الف

يعنى نزلت حوالي 20 الف جنيه فى سنه برغم ان منزلش عليها شكل جديد زي الصني
اعتقد ان البيرسونا ممكن تتأخر شويه فى البيع لكن سعرها وقت البيع معتقدش انها هتقل عن سعر الاوبترا ده

انا شايف ان الاوبترا كان افضل صفقه لما كانت ب 83 الف والالينترا كانت فضلت ترتفع لحد ما وصلت ل 98 الف
كان وقتها الاوبترا افضل صفقه لكن دلوقتى اعتقد ان الوضع اختلف كتير

وياريت محدش يزعل من كلامي

-

مشاهدة نتائج الإستطلاع: نيسان ولا اوبترا ولا بيرسونا

الموضوع: اوبترا ولا صني ولا بيرسونا اتوماتيك

LinkBack

أدوات الموضوع

عرض

-

-

-

-

-

المواضيع المتشابهه

محتار جدا اكسنت او صنى او بيرسونا او اوبترا او ريو

بيرسونا ولا جين2 ولا fsv ولا صني ولا اوبترا

بيرسونا اتوماتيك ولا مانيوال؟؟

اوبترا اتوماتيك ولا النترا اتوماتيك

مطلوب مقارنة بين بيرسونا / صني / اوبترا / أكسنت (جميع الكماليات اوتوماتك)

الكلمات الدلالية لهذا الموضوع

المفضلات

المفضلات

ضوابط المشاركة