مشكلتى عداد البنزين

**samirayad** · 21-10-2009 05:03 PM

لو المؤشر بيكون فعلا على الوضع الأقصى والتنك مليان
يبقى ال setting (الضبط ) مظبوط
وتوائم حركة العوامه مع العداد تمام
وبكده يببقى الخلل عندك فى كارتة المقاومات المطبوعه اللى راكبه على جانب الطلمبه ( اللى بنسميها حساس مؤشر البنزن )
وممكن تحاول تغيير الكارته دى بواحده جديده
لأن ممكن يكون نصها كمقاومه بتدخل مع مقاومة العداد والعوامه بتنزل لحد مستوى نصف التنك والنصف التانى مش شغال
ده رأى آخر

**samirayad** · 21-10-2009 05:13 PM

انا بجد زعلان حاسس ان فية خيار وفقوس فالمنتدى دة

أحنا عاوزين نساعد
علشان الكلام اللى جوه الأقتباس ده

**kimoo2002** · 21-10-2009 07:07 PM

والله متشكر يا بابا اصل انا اسمة احمد وليا الشرف بس اوعى تقول ان انا عايز اكبرك
وجرب اصل انا عندى رمبة بنزين تانية اخد منها البوردة بس يارب المشكلة تتحل
وبالنسبة لموضوع الاقتباس الى حضرتك بتعلق علية\
هة نفسة الاستاذ محمد سيد الى معانا فالمشكلة دى هوة الى فتح المشكلة فى موضوع جديد وتم الرد ببعض الاقتراحات والاراء من الاعضاء وشكرا على محاولة المساعدة يا ابو احمد

**samirayad** · 21-10-2009 07:30 PM

المشاركة الأصلية كتبت بواسطة kimoo2002

واللة متشكر يا بابا اصل انا اسمة احمد وليا الشرف بس اوعى تقول ان انا عايز اكبرك

وجرب اصل انا عندى رمبة بنزين تانية اخد منها البوردة بس يارب المشكلة تتحل
وبالنسبة لموضوع الاقتباس الى حضرتك بتعلق علية\
هة نفسة الاستاذ محمد سيد الى معانا فالمشكلة دى هوة الى فتح المشكلة فى موضوع جديد وتم الرد ببعض الاقتراحات والاراء من الاعضاء وشكرا على محاولة المساعدة يا ابو احمد

كل دى غلطات املائيه
يا أحمد ياأبنى

**kimoo2002** · 21-10-2009 09:45 PM

سورى يا ابى بس لو تشوف الحروف عندى ممسوحة وانا بدوس على الحرف بالبركةوبجد بعانى من الكي بورد

**م. محمد نافع** · 21-10-2009 11:15 PM

السلام عليكم
انا اعتقد والله اعلم ان المشكله فعلا في شريحه العوامه (المقاومه المتغيره) واعتقد انها لو اتغيرت المشكله هتتحل ان شاء الله

**kimoo2002** · 24-10-2009 03:28 AM

وجدتها وجدتها
ابشر يا هنجور
اليوم الجمعة الراحة والروقان
انتم طبعا عرفين ان انا عندى 2 طرمبة
كنت غيرت مابينهم ولا نتيجة لمشكلتى
فتحت الجراج وفتحت العربية وامت قاعد فيها افكر
ثم اخذت افكر وافكر
امت اتسلى ففكيت الطرمبة الى راكبة وحطيت جمبها الطرمبة التاية
وقارنت بينهم وعمال الفهم بايدى وجدت الاتى
الطرمبة الى كانت راكبة وشلتلها كانت العوامة البلاستك مشروخة من الحرف قلت يبقى العوامة بتشرب بنزين ومش شغالة كويس علشان كدة
طيب والكارتة الى ابويا ابو احمد (م-سمير عياد)قالى العطل منها لقيتها ممسوحة من النصف الى فى الاسفل يعنى عند نزول زراع العوامة مع انخفاض مستوى البنزين بالتنك
يبقى ممكن يكون المشكلة فية
امت جايب العدة وهى عبارة مكوة لحام وقصدير ورجينة وفاكك البردة البيضاء من الطرمبة الى العوامة بتاعتها مشروخة وناقلها على الطرمبة التانية وقفلت وطلعت اجرب
وهالنى الموقف من ما رايت
المؤشر بينزل منى
شوية البنزين الى وقعو من الطرمبة وانا بطلعها على المشوار الى انا عملتة لقيت المؤشر بينزل
قلت بشرة خير
هستنى بقى لما التنك يفضى وينزل على النص التحتانى يعنى قبل علامة e ارجع افول تانى واجرب هتاخد كام لتر
واشكر كل من ساهم فالحل
السؤال هنا
انا عندى لمبة البنزين مش بتنور خالص ودة من زمان كنت هنقل الحساس الى جمب الكارتة بس قلت اجرب التغيير الى انا عملتة الاول واستشيرك يا باشمهندس سمير ياترا لية اللمبة مش بتنور؟
ودة لغز تانى مطلوب منك حلة

**samirayad** · 24-10-2009 07:55 AM

طيب والكارتة الى ابويا ابو احمد (م-سمير عياد)قالى العطل منها لقيتها ممسوحة من النصف الى فى الاسفل يعنى عند نزول زراع العوامة مع انخفاض مستوى البنزين بالتنك
يبقى ممكن يكون المشكلة فية

أنت عاوز تتوه أبوك يا كيمو يا أبنى
ههههههههههههه
قوللى الأول وفسر شويه
ولخص كده
الموضوع نفع ولا لا
ولو أن أنا عارف أنه نفع (طالما لقيت نص الكارته التحتانى ممسوح )
يعنى مقاومته (صفر ) والمقاومه حتقف عند وضع النصف
علشان كده العداد كان مبينزلش عن النصف وتبص تلاقى التنك فضى منك

**tompina** · 24-10-2009 11:56 AM

بمناسبة العوامة والتانك وخلافه .. حاولت أفك الغطا بتاع الطرمبة أبو تلات فيش بس المشكلة إن الفيش مزرجنة على الآخر وخايف أعافر فأكسرهم .. أعمل إيه عشان شكل الفيش دي أديلها 9 سنين ما اتفكتش ؟

**kimoo2002** · 24-10-2009 06:23 PM

شوف يا باشمهندس سمير تاريبا كدة الموضوع نفع بس انا اصلا كان عندى التنك مليان 3/4 بس كان الاول على الكارتة التانية مش بينزل بعد مشوار ولا حاجة كان بيتنية معلق فوق ومرة واحة ينزل بالتلت او الاربع شرط بس مش بينزل تحت علامة النص
من امس بعد تغيير الكارتة بقى بيتزل معى المشوار يعنى بينزل بقدار الاستهلاك تمام بس مستى اراقب العداد لحد مايقرب من علامة e وارجع امون واشوف التنك هياخد كام لتر
وبعدين احسب كمية الاستهلاك فى المشوار على السريع اصلى لسة مغير رشاشات وحساس شكمان من اسبوع كدة ولسة مش حسبتلها الاستهلاك
بس بصراحة الرشاشات عاملة شغل مخلية السحب تمام التمام وبدون كركرة وعلى بنزين 80 بس للاسف غيرت ل 92 علشان احافظ على الرشاشات الجديدة وعلى الحساس اصل دى تانى مرة اغيرة فى مدة 6 شهور
وعلى فكرة انا كنت شفت العوامة بالكارتة بتتباع عندنا هنا فى طنطا عند محل قطع غيار اسمة البدوى ب 90 جنية بش مش زى الاصلة الى جاية مع الطرمبة بس بيقلى الاصلى بتاعت منصور شفرولية وعليها العلامة المائية