مشكلتى عداد البنزين

**samirayad** · 24-10-2009 06:30 PM

وعلى فكرة انا كنت شفت العوامة بالكارتة بتتباع عندنا هنا فى طنطا عند محل قطع غيار اسمة البدوى ب 90 جنية بش مش زى الاصلة الى جاية مع الطرمبة بس بيقلى الاصلى بتاعت منصور شفرولية وعليها العلامة المائية

يا مراحب ببلدياتى
أتاريك عمال تقول يابابا
ههههههههههههه

**ahmedeldeep** · 24-10-2009 07:28 PM

المشاركة الأصلية كتبت بواسطة samirayad

لو المؤشر بيكون فعلا على الوضع الأقصى والتنك مليان
يبقى ال setting (الضبط ) مظبوط
وتوائم حركة العوامه مع العداد تمام
وبكده يببقى الخلل عندك فى كارتة المقاومات المطبوعه اللى راكبه على جانب الطلمبه ( اللى بنسميها حساس مؤشر البنزن )
وممكن تحاول تغيير الكارته دى بواحده جديده
لأن ممكن يكون نصها كمقاومه بتدخل مع مقاومة العداد والعوامه بتنزل لحد مستوى نصف التنك والنصف التانى مش شغال
ده رأى آخر

**cody02** · 24-10-2009 07:42 PM

السلام عليكم

أنا كان عندي المشكلة دي ومؤشر البنزين ثابت فوق على طول .. ولما فكيت الطلمبة لقيت شريحة المقاومة ممسوحة .. ولكن اكتشفت ان النحاس تحتها سليم ودي مجرد طبقة عليها (يمكن تكون رصاص) .. المهم الطبقة دي مش بتتنضف بسهولة خالص .. جبت سلاح كتر وكحت الطبقة دي وحده وحده .. لحد ماخطوط النحاس الدهبي ظهرت تاني وركبتها وشغاله كويس بس لسه بجرب عليها تفويلة كاملة

**samirayad** · 24-10-2009 07:53 PM

المشاركة الأصلية كتبت بواسطة cody02

السلام عليكم

أنا كان عندي المشكلة دي ومؤشر البنزين ثابت فوق على طول .. ولما فكيت الطلمبة لقيت شريحة المقاومة ممسوحة .. ولكن اكتشفت ان النحاس تحتها سليم ودي مجرد طبقة عليها (يمكن تكون رصاص) .. المهم الطبقة دي مش بتتنضف بسهولة خالص .. جبت سلاح كتر وكحت الطبقة دي وحده وحده .. لحد ماخطوط النحاس الدهبي ظهرت تاني وركبتها وشغاله كويس بس لسه بجرب عليها تفويلة كاملة

عارف اللى أنت عملته ده زى أيه
تفليج عضو التوحيد الموجود على نهاية العضو الدوار للمارش الكهربى
أو أى موتور كهربى من المواتير ذات التيار المستمر dc current motors
بجد الله ينور عليك لأن المقاومات المتقطعه فى صورة شرائح عرضيه على شريحة المقاومات بتاعة الطلمبه كانت مغطاه بطبقه من الرواسب وكانت مخليه المقاومه الكهربيه التى تضاف الى مقاومة العداد مع نزول العوامه فى التنك (عباره عن صفر أوم )
ولما كحت ...أنكشف المستور وأشتغلت الشريحه كمقاومات متقطعه وبكده مؤشر البنزين
أدى وظيفته تمام

.. لحد ماخطوط النحاس الدهبي ظهرت تاني

هو ده التفليج .....زى تفليج الأسنان (مع فارق التشبيه )
وبين كل خط وخط نحاس (دى عباره عن مقاومه صغيره للشريحه الواحده من مجموعة شرائح حساس البنزين المرصوصه جنب بعضها بعنايه فائقه )

**samirayad** · 24-10-2009 08:23 PM

انا عندى لمبة البنزين مش بتنور خالص ودة من زمان كنت هنقل الحساس الى جمب الكارتة بس قلت اجرب التغيير الى انا عملتة الاول واستشيرك يا باشمهندس سمير ياترا لية اللمبة مش بتنور؟
ودة لغز تانى مطلوب منك حلة

لو العداد أشتغل تمام يا أبو حميد
ونزل لمعدله الطبيعى وتدرج النزول الصح
يبقى أبشر كله حيبقى تمام أوتوماتيك
واللمبه بتاعة أنذار البنزين حتشتغل
ولو أن المفروض متستناش لما تنور اللمبه منك
أنا أول ما أشوف المؤشر قرب من الشرطه الأولى من تحت
على البنزينه عدل !!!!!!!!!!!!!

**kimoo2002** · 24-10-2009 11:21 PM

انا اصلا يا باشمهندس مش عارف فين مكان لمبة البنزين هل هية الى فى عداد البنزين وعليها علامة البنزين ولا حاجة تانية انا مشفتشهاش نورت خالص مع انى معايا الينترا 2006 بتنور اللمبة قبل الشرطة الاخيرة بشوية وعلى فكرة
انا لما العدا اشتغل وبقى بينزل ادام عينى زعلت اوى اوى بقيت عاوز اوقفة علشان البنزين ميخلصشى بسرعة
ههههههههههههههههههههه

**samirayad** · 24-10-2009 11:34 PM

انا اصلا يا باشمهندس مش عارف فين مكان لمبة البنزين هل هية الى فى عداد البنزين وعليها علامة البنزين ولا حاجة تانية انا مشفتشهاش نورت خالص مع انى معايا الينترا 2006

ياحج أحمد الله يصلح حالك
معاك النترا وأحنا فى الدايو
وكلامنا كله على الدايو
وغير كده زعلان أن الكلام بتاعنا
ونصايحنا ليك ...خلت العداد عندك يشتغل وينزل

انا لما العدا اشتغل وبقى بينزل ادام عينى زعلت اوى

مش عارف أقولك أيه

ههههههههههههههههههههه

:c_laugh[1]:

**kimoo2002** · 25-10-2009 12:16 AM

والله دة من باب العشم والهزار يا باشمهندس اوعى تكون زعلت منى
انا اسف

**samirayad** · 25-10-2009 12:19 AM

لا ياباشا
مفيش زعل ولا حاجه
أنا طنطاوى برضه زيك
وقمت بالواجب

**samirayad** · 25-10-2009 12:26 AM

عاوز أقولك على حاجه يا أحمد
وحطها قدامك على طول
الأنسان مننا جواه قرون أستشعار
بالضبط
عامله زى قانون نيوتن الثالث
لكل فعل رد فعل ....مساوى له فى المقدار ومضاد له فى الأتجاه ( ده قانون نيوتن الثالث )
دايما فى حياتى بأخد الجزء الأول من قانون نيوتن وأطبقه
لأنه يسرى فى دمى العلوم الهندسيه منذ الصغر