فاكرين مشكلتى مع البنزين

**bakroov** · 28-06-2009 08:49 PM

اخوتى اعضاء النتدى المحترم الكرام فاكرين مشكلتى مع البنزين الحمد لله ربنا كرمن واتحلت وكانت المشكلة فى الصبابات والروديه بس ما لحقتش افرح بحل المشكله احد الباش معكننين قاللى هى فيها صبابات يعنى حليت الموتور دى اكيد العربية اتفركت الحق بيعها ...,,,, وبصراحة العربية مريحانى دلوقتى هى لانوس 99 اتوماتيك تفتكروا الراجل عنده حق والا موضوع الصبابات ده عادى انا مش ناقص تشاؤم افيدونى بالله عليكم

**Samir Elshahawy** · 29-06-2009 10:33 AM

أنت فكيت العربية 100 حتة و ركبتها تاني و العربية كويسة و مريحاك و مافيهاش مشاكل و انت مقتنع بأدائها يبقي سيبك من أي كلام يتقالك عنها طالما اللي بيتكلم مش هو اللي بيركبها و عارف بيها و اللي مايعرفش يقول أيه ......

**bakroov** · 02-07-2009 10:31 PM

الف شكر للعضو المحترم بس والله انا مش شكاك ولا حاجة الحكاية انى مابحبشحاجةتحصل اكون انا السبب فيها من تقصيرى ودى قلةخبرة مش اكتر وشكرا لاهتمامك كفاية انك الوحيد اللى اهتميت هو باقى المنتدى بيصيف والا ايه !!!!!

**akramlail** · 03-07-2009 03:55 AM

لو سمحت استاذنك تشرحلى مشكلتك كانت اية عشان انا معايا نفس العربية ورحت للمكانيكى قاللى عندك صباب عايز يتغير مشكلتى كالاتى العربية فى تقطيعة فى السلانسية باينة من الشكمان بيقطع وهية واقفة بس لما بتفتح عادى تانى حاجة ريحت بنزين لما اجى ادور وبتغيب شوية وبتستهلك طبعا ولما بكون فاتح على 100 واهدى واشيل رجلى من الدواسة العداد ينزل بس زى ميكون علق على 60 وافرمل خالص هية بتزود وتفتح لوحدها وباينة اوى مع التكيف ولمبة التشيك بتنور واحد قاللى رشاشات التانى قاللى موبينة واخيرا صباب اخر واحد دة اقنعنى وقاللى هية كدة متلتة انا محتار حضرتك تشور علية باية وكلفتك كام هو طلب 200 جنية واسف على الاطالة

**akramlail** · 03-07-2009 04:55 PM

منتظر الرد

**samirayad** · 03-07-2009 05:47 PM

المشاركة الأصلية كتبت بواسطة akramlail

منتظر الرد

مش عارف ليه يا أستاذ : أكرم ...........أنا لست من أنصار .......أنى أشبه مشكله لمشكله ......لأنك كما تعلم الحكمه القائله .................تعددت الأسباب والموت واحد ......يعنى ماينفعش أاقول العيب ده زى اللى عندى ..............لأن ممكن يكون العيب عندك بسيط ....وبدون دخول فى مهانرات الصنايعيه والتكاليف اللى على الفاضى ......

**bakroov** · 03-07-2009 08:47 PM

عزيزى استاذ اكرم انا اولا لازم احذرك من التوكيل خاصة الصفوة فى اسكندرية ومن مشاهير المراكز اللى كل واحد ماسك اسكانر فكره انه طبيب السيارات روح لاى ميكانيكى عادى عنده طولةبال وما بيغيرش الا لما يتاكد فى الغالب فعلا السيارات القديمةنسبيا بيكون الصباب هو سبب اكل البنزين وده حتلاحظه لو فى رعشة فى الموتور ولو ضغطة بسيطه على البنزين تحس ا العربية بتجرى يعنى عايمة على بنزين زى مابيقولوا المهم ما تستسهلش وتدفع لاى حد عايز يغير حاجة وان شاء الله تكون بسيطة

**bakroov** · 03-07-2009 08:50 PM

على فكرةلمبة التشيك دى فى الغالب سلك عايز يتوصل مش اكثر ثانيا موضوع الشكمان 90% سنسور

**akramlail** · 03-07-2009 09:31 PM

انا شاكر جدا لاستجابتك وكل اللى نصحنى بس انت بردة مقولتليش كان عندك اية وكلفتك كام عشان ياجماعة والله انا احترت وقربت ازهق منها انا رحت لمكانيكى فى اسكندرية عادى وقاللى رشاشات وواحد تانى قاللى موبينة وحاليا انا فى دمياط ورحت لواحد قاللى موبينة عشان الشرارة التالتة ضعيفة اخر واحد قاللى صباب اعمل اية يا جماعة خايف اعمل حاجة ميطلعش العيب منها فانا قلت اعرف من حضرتك لما شوفت انك غيرت صباب جايز يكون نفس العيب فاتوكل على الله وعمل الصباب دة بس بردة مريحتنيش اصل انا معنديش خبرة فى حكاية الصباب دة وتاثيرة ازاى على العربية واسف على الاطالة

**samirayad** · 03-07-2009 10:13 PM

وواحد تانى قاللى موبينة وحاليا انا فى دمياط ورحت لواحد قاللى موبينة عشان الشرارة التالتة ضعيفة

طيب كده أثنين قالوا بوبينا ...........روح كمان لواحد تالت ....وأذا قال بوبينا ....يببقى خلاص البوبينا هى اللى عامله مشكلة التقطيع عندك....ولو عاوز تتأكد برضه (أكشف على بوجيه المخرج ده بتاع البوبينا ...حتلاقيه مهبب عن التلاته التانيين لو كلامهم مظبوط )