صيانة 10000 للسيراتو ........والهدية صرصار !!!!!!

**M.ABDEEN** · 19-10-2009 09:27 AM

السلام عليكم ورحمة الله وبركاته
يوم السبت قررت اعمل صيانة ال 10000 طبعا قلت هاروح القطامية المهم وصلت الساعة 8:30 صباحا وروحت ملاقيتش صريخ ابن يوميين وكنت اول واحد ......ومافيش 10 دقايق لاقيت حواليه 17 عربية سيراتو شكل قديم على جديد على بيكانتو على ريو على سول كله وراء بعضه المهم المهندس محمد هاشم مهندس الصيانة في المركز جاء بدري وانتظر مدام ناني المسؤولة الادارية في المركز .... قعدت دردشت مع مهندس هاشم ولاقيته بيقولي الف سلامة للبيكانتو من الحادثة .....قلتله عرفت منيين قالي الانسة نهلة هي اللي بلغتنا قلتله علشان كده برده قبل ماروح ابو رواش بالبيكانتو المهندس صلاح كلمني وبيسال العربية مالها وايه اللي حصل ............المهم طبعا روحت اسلمهم العربية وبيخدوا جولة حواليها ونظرة سريعة من جوه المهم بافتح الباب اللي وراء السائق وكانت الصاعقة !!!!صرصار كبير ماشي على كفر الكاوتش من الصالون ومتجه للكنبة روحت مديلله اللي فيه النصيب ورميته بره وكان منظري مش عارف اقول ايه ؟؟؟؟؟ والراجل اللي بيشيك معاي قعد يضحك واستغرب وتعجب !!!! انا والله بركن في جراج الفيلا عندي وهو نظيف وانا والله نظيف مش عارف الزفت ده دخل منيين وافتكرت الديناصور بتاع نهلة وقعدت اضحك .........المهم كان اللي بعدي معاه سيراتو حمراء 2008 افتكرته المهندس احمد اسماعيل وكلمته طلع اسمه المهندس محمد عيسوي شخص محترم جدا وشخصية ممتازة والراجل وعدني بالانضمام للموقع وهيبقى ابو زمل معانا ......المهم في خلال ساعة العربية طلعت وخلصت ودفعت 341 جنيه والعربية الحمد لله زي الفل وعدت على خير .......
فشكر وتقدير لشباب كيا واعضائها وخاصة الانسة نهلة والمهندس محمد هاشم والمهندس صلاح واهلا وسهلا بالعضو الجديد محمد عيسوي ..........ويبدو ان الحشرات بتحب دلوقتي تعسكر في السيراتو !!!!!!!!!!!

**hani945** · 19-10-2009 09:42 AM

حاول ترش حوالين العربية فى الجراج ومش هتلاقى حاجة بعد كده

**wookiee** · 19-10-2009 11:27 AM

ربنا يكفينا شر الحشرات

**Hosam_Optrawy** · 19-10-2009 11:53 AM

مبروك عالصيانه ياباشا

وابقى خلى بالك بعد كدا :)

**M.ABDEEN** · 19-10-2009 12:27 PM

كيا بتتعامل مع زيوت شل وهنا شل 10000

**ZA3BLAWY** · 19-10-2009 12:44 PM

الف مبروك وعقبال صيانة ال 100000

**amr mokhtar** · 19-10-2009 12:54 PM

الف مبروك على الصيانة
و التكلفة الحمد لله معقولة
يعنى تقريبآ واخدين 70 مصنعية

عندى سؤال
هم قالولى ان فيه صيانة على 5000 كيلو
ممكن أعرف إيه اللى بيتعمل فيها؟