الموضوع: صيانة الـ 10000 للسيراتو في محمد زكي

صباح الفل علي الكل وكل عام وانتم جميعاً بالف خير
انا عملت صيانة ال 10000 امبارح 3/1/2009 بصراحة انا ماكنتش ناوي اروح عند محمد زكي تاني بعد اللي عملوه معايا في صيانة ال 5000 لكن بعد ما اقريت الموضوعات اللي كاتبها بعض الاعضاء بتشكر فيهم قلت اروح واحاول اتكلم معاهم واقولهم علي اللي انا عايزه بالظبط وكنت رايح معايا ورقة كاتب فيها كل العيوب الي انا حاسس بيها
1. تيل فرامل بيصفر
2. الاريال ما بيترفعش
3. العفشة عايزة تتربط كويس
4. في صوت طرقعة تحت الدركسيون اثناء الرجوع للخلف.
5.غسيل الموتور بالفوم
المهم الساعة 9 صباحاً كنت هناك استلمو العربية وقولتلهم علي اللي فيها واكدت اني كنت حاعمل شكوي في الفرع بعد الصيانة اللي فاتت نتيجة لسوء الخدمة ، بعد كده طلعت الاستراحة واستنيت لمدة 3 ساعات خلال الفترة دي نزلت اتفرج علي الموديل الجديد منها واللي نازل بالوان جديدة وفي 2 ايرباج وabs الفرامل ديسكات ورا وامام عكس موديل 2008 ديسكات ادام فقط وشالو منها النواكل اللي في الابواب ، الساعة 12.30 نادهلي المهندس / محمد وهو راجل محترم جداً وطلع معايا نجرب العربية وقالي انه تم تنظيف التيل وتربيط العفشة اما بالنسبة للاريال فالمشكلة في الكاسيت اللي انا مركبه لاني مركب سوني دي في دي ولازم اروح سبير كار للتأكد من وصلة الاريال وتم غسيل العربية من جوه وبره والموتور اتظبط والعفشة 100% وصوت الطرقعة راح وقالي ان ده كان محتاج تربيط عفشة فقط وفي الغالب ان اخذت مطب جامد باعربية ودي حقيقة لاني ساكن في المقطم والطريق بصراحة مبهدل المهم رجعنا التوكيل ودخلت ادفع الفاتورة 379 جنية غيار زيت وفلتر ومصنعيات وغسيل موتور وظبط التيل المهم بصراحة انا خارج من التوكيل مبسوط وسالتهم علي سير الكاتينة بيتغير كل اد ايه فوجئت انه جنزير وبيتغير لو عمل صوت او في حالة عمل عمرة لا قدر الله
والحمد لله العربية فعلاً مختلفة تمام ، احب اقول ان في بعض الناس بتقول ان العربية دي خشنة شوية احب اقولهم ان الخشانة دي مش في الموتور دي في الكاوتش وده بعد ماجربت عربية واحد صاحبي غير الكاوتش تحس ان العربية ما لاهاش صوت خالص عموماً الكاوتش اللي متركب في العربية صيني وحش جداً وبيلم ظلط كتير جداً انا انشاء الله حاغير الكاوتش ده
وبالتوفيق للجميع