الموضوع: حد فى المنتدى عنده معلومات عن السيارة المبنى كوبر!؟

المشاركة الأصلية كتبت بواسطة ezzat-fayek

هي الميني القديمة تعمل كام دلوقتي يا احمد باشا
و يا تري هي ك عربية حلوة كموتور و ثبات و لا ايه

والله يا استاذ عزت معنديش فكره عن السعر , بس هى كعربيه تحفه بصراحه

هتحس انك راكب عربيه رياضيه وبرغم انها زى البليه الا انها ثابته على كل السرعات اللى بتوصلها , تسارعها حلو بس طبعا سرعه قصوى واقعه والاجمل من كدا لو سوقتها فى زحمه هتحس انك راكب موتوسيكل لسه النهارده واحد قدامى على اكتوبر كان طاير بيها فى وسط العربيات ولا كأنه بيلعب

المشاركة الأصلية كتبت بواسطة Ahmed0Nouh

الكوبر فعلا مش عمليه لانها يادوبك بتشيل اتنين وشنطه فى الكنبه اللى ورا وشكرا فى حين ان اى هاتشباك بالسعر ده هتوفرلك شنطه وراحه فى الركوب ومساحات كتير وكنبه ورا تشيل ناس عكس المينى , فلو انت بتدور على حاجه عمليه مش هتجيب المينى خالص وهتروح للجولف مثلا

البيتل انا كنت زيك واحد من المتيمين بالعربيه لانى بعشق البيتل الاصليه , لما جربتها اتصدمت فى كل حاجه بدايه من وضعيه القياده السيئه جدا لانك قاعد على كرسى واطى والتابلوه عالى فأنت بتحارب علشان تشوف وكمان بينك وبين القزاز بدون مبالغه نص متر ده غير الكبوت فسواقتها فى المدينه عذاب فعلا

ولما طلعت على طريق سريع كانت الصدمه الاكبر العربيه اداءها عادى جدا جدا ولو جبت عربيه جولف 4 ستوك ممكن تقطعها حتت فى الجرى والملفات وكل حاجه , هى عربيه واحد مربى شعره ولابس عقد عاج ابيض ومركب ورا سماعتين 16 بوصه و عامل حفله وهو ماشى وحتى ده كمان بيبقى شكلها مش حلو فيه

أكيد اللى هيشترى المينى كوبر مش هيبص خالص لهى بتشيل كام فرد وهتاخد كام شنطه معاه اللى هيشترى العربييه دى هيبقى متيم بتصميمها ومغرم بتسارعها وبيدوب فى ثباتها وهيبوس الاسفلت من تحتها لما تقدمه له من متعه قياده وهيبقى عنده جنبها فى الجراش الخاص اتوبيسات نقل عام يركب فيها كل الناس اللى بيحبهم وكل الشنط اللى عايزها :)

البيتل احلى حاجة فيها أعدتها المنخفضه وبعد الكرسى عن التابلوه دة من وجهه نظرى (طولى 194 سم)

تصميمها حلو جدا وجذاب ممكن يكون مع حضرتك حق فى ان أدائها بالنسبه للموتور ال 1600 عادى بس هى عربيه مميزة بشخصيه مستقله لهواه التفرد والتميز

واخيرا تحياتى