ايه رايكم فى مساعدين مونرو للكورولا

**MMIsmail** · 30-04-2008 11:42 AM

يا جماعة انا لسه مركب جوز مساعدين ورا Kyb يابانى اصلى ومنحوت الماركة والصناعة على جسم المساعد وانل حاسس ان العربيى بقية أحسن وناعمين زى الفل على فكرة انا عربيتى نوبيرا وهما عملين 550جم وجابهم من واحد فى شارع السودان بالمهندسين اسمه الفاروق نصيحه اليابانى يابانى ومتفكرش كتير0

**ramy_fiat_2000** · 19-05-2008 12:02 AM

يا معلم ركب منرو واتكل على الله لانى مركبهم عندى فى عربيتى الاكسل ووالله دول تحفه جدا معايا من سنه والحمد لله زى الفل وعلى فكره وكيل منرو غبور علشان تكون عارف

**cyber007** · 20-05-2008 02:09 AM

انا ركبت خلاص Kyb قدام وبصراحه كويسين بس اللى مضيع تأثيرهم ان العفشه عاوزه تتظبط حاسس ان فيها حاجات غلط مش مفهومه

**MohabSaeed** · 20-05-2008 10:46 PM

شباب KYB ليهم توكيل .؟؟؟؟؟ لانى بشوف ان الماركه ديه KYB بتركب فى الواجا .
السؤال انزل اسأل عند مين على النوع ده .... ده اذا كان ليهم مستورد او توكيل هنا

**cyber007** · 21-05-2008 12:56 AM

تقريبا والله اعلم ملهمش توكيل لان ملهمش ضمان زى مونرو

**MohabSaeed** · 22-05-2008 01:04 PM

طيب ال KYB هيه ال Kayaba..... ولا ديه ماركه وديه ماركه تانيه ....؟

**MMIsmail** · 22-05-2008 02:14 PM

KYB هى هى Kayaba

**MohabSaeed** · 22-05-2008 03:49 PM

شكرا على التوضيح يا استاذ محمد .........لان على المنتديات الماليزيه " منتديات بروتون " فى ناس بتقول Kayaba وناس بتقول KYB

دلوقتى السؤال ...... منورو احسن من KYB على اساس انه بينزل معاه ضمان ........ولا لا ؟

**cyber007** · 23-05-2008 01:45 AM

انا سالت فى الموضوع دا قبل كده وكان الرد ان الاتنين كويسين بس مونرو اولا اغلى ثانيا ناشف اكتر وطبعا اكثر ثبات وبيعيييييييييييييش كتير

انما KYB مش ناشف ولا طرى ياعنى فى المعقول بس معهوش ضمان وارخص من المونرو طبعا ونضيف برضه بس بتاع الناس العاديين اللى مش عاوزين احساس ال sport فى القياده

**MohabSaeed** · 24-05-2008 02:25 AM

انا مش عاوز اداء رياضى بحت ... لسبب ان شوارعنا اخيرها نمشى فيها ببيتش بجى .. مش عربيات ... يعنى مافيش مجال للسرعه .. بس فعلا موضوع عدم وجود ضمان ليهم مشكله ....المفروض المستورد الواثق من سلعته يضمنها ........

انا اصلى جربت الموضوع ده فى ال131 .. جبت مساعدين بولندى ..... الدنيا كلها شكرت فيهم .. بالرغم من انى كنت دايما بركب مساعدين مونرو .. وكانو بيعيشو والله .. على الاقل سنتين ... جبت المساعديين البولندى ..... من محل النشقاتى فى التوفيقيه ودة اشهر واحد هناك ... بالظبط اسبوعين المساعدين حجرو ... بقو زى حته الحديد ......... ف مسأله الضمان فى المساعدين ديه انا شايف انها مهمه جدا