فكك منها ياباشا زى ما الباش مهندس سمير قالك
لو افترضنا حتى ان العربية كأساسيات سليمة اية يرغمك انك تقف عند ميكانيكى دقيقة
من غير داعى
بص انا هقولك على حاجة انا ابن خالتى اشترى عربية جوليت من معاك العربية دى كانت كأساسيات تمام التمام
اوبشن اوروبى اير باج.. بى بى اس.. باب واحد.. فتحة سقف
طبعا العربية دى بمواصفاتها نادرة فى بلدك بس تعالى بقى للمكنة المفروض انها كانت متسقطلها مكنة 1600 فى بلدها كمان مش بتاعتها تمام ... المهم هيا اصلا المكنة كانت جيا جيبة اخرها بس اللى اشتراها اللى هو المعاق ملهوش فى الليلة دى
ففرح بالكماليات واشتراها بعد سنة استعمال معاة دخنت منة و داها لميكانيكى على اساس شنبر لقى البلوك متبهدل ومعتب
الميكانيكى دة اخترع فى فتحات البساتم حاجات غريبة ... حتى كنت عامل موضوع لو الاخوة الاعضاء والباش مهندس سمير لو تفتكروا عن اللى عملة الميكانيكى عامل حاجة اسمها لينات اية هيا الينات دى انا اول مرة اسمع عنها واوعا عاليها من المكنة دى
حتى الباش مهندس سمير ومحمد باشا ممدوح استغربوا من الينات فاكر ياهندسة
المهم اخدنا العربية ونزلنا اشترينا مكنة بالفتيس وركبنا عفشة اسبور وجنوط وشوية مصاريف بسيييطة
العربية والله طالعة ماشاء الله تشوفها خواجة خواجة
فيا باشا طالما صفقة خصرانة بلاش منها وانت فى مصر مكنة بايظة اعرف ان العربية كلها رايحة وكانت طالعة عينها ومش هتلاقى خيرها
ممكن تاخد عربية كانت شغالة برة مصر نفرد انها اوروبى مثلا المكنة خفت بس اتحداك لو العربية فيها نص كلمة غير المكنة والفتيس بالكتير
انا طولت جدا بس حبيت اقولك تجربة عشان تقدر تحكم
مع انى متأكد انك صرفت نظر عن العربية دى
واسف للاطالة
المفضلات