الموضوع: التوكيل بيقول الظواهر ديه عادية في أي عربية .. بس أنا مش مصدق

المشاركة الأصلية كتبت بواسطة osama75

انا عضو جديد وان شاء الله ناوى اشترى الجراند تيريوس بس انالاحظت كثرة الشكاوى بسبب علبة الدركسيون==ياريت تفيدونى هل المشكلة دى ممكن تحصل فى السيارات الجديدة عموما ام هى خاصة بالدايهاتسو بس؟ \\\\\\\\\\\ مع اعتزازى بانضمامى لكم

اول احب اوضح لحضرتك ان علبة الدركسيون مشكلتها مشكلة صوت
والموضوع ده بعد محادثة متخصصين في السيارات
تاكدت انه مشكلة عامه في كل العربيات ذات الباور الكهربائي ...... هتقول اشمعنى
هقولك لحضرتك علشان الباور الهيدروليكي كان بيبقى في ضغظ بزيت كمان داخل علبة الدركسيون مما يجعل صدور اي صوت او تخبط ضعيف جدا
وده حال اي علبة دركسيون ان دراعات الوصلات للدركسيون مع اخذ مطبات على سرعه بتخبط في الجلب اللي في نهاية طرف العلبة لكل دراع
وده موجود في اي علبة ولكن الصوت واضح في الباور الكهربائي لأن مفيش اي حاجه تعزل هذا الصوت
وكانت المشكلة في الاول ان الجلب دي مكنتش بتستحمل التخبيط ده وكانت بتوسع كل شويه مما يجعل الصوت يعلى اكتر
ولكن ده تم حله من قبل دايهاتسو والأن كل العربيات معدله كلها ولكن الصوت موجود ولكن اقل من الأول ومبيزدشي

المشاركة الأصلية كتبت بواسطة osama75

شكرا لك يا استاذ ابو عبدالله على توضيحك الكريم ربنا يخليك لينا

ربنا يبارك فيك

المشاركة الأصلية كتبت بواسطة osama75

سؤال للاستاذ ابوعبدالله بالنسبة لسعر اعادة البيع هل الخسارة بتبقى كبيرة لان البعض بيقول ان سوق المستعمل بالنسبة للدايهاتسو بيبقى مش اوى خصوصا عندنا فى المنصورة

هو عموما الياباني بيمسك سعر عن اي عربيه تانيه حتى لو العربيه مالهاش سوق كمان
الدايهاتسو في الفتره اللي فاتت دي بقت عربيه معروفة وبدأت تاخد سوق
العربيه بتمسك سعر كويس ولكن المشكلة اساسا في الهاتشباك انه سوقه مش زي السيدان وان كان الهاتشباك بقه له سوق الآن غير زمان
فالفكره تتلخص ان العربيه لها زبون مش اي زبون
مش زي الانسر او الكورولا اللي اي واحد عاوز يشتري عربيه هيروح يشتريهم عالطول من غير ما يعرف شئ عن العربيات

الملخص العربيه بتمسك سعر ولكن لها زبونها مش اي زبون
وشوف اسعار المستعمل هتلاقي بينزل من سعره
المبلغ الطبيعي لأهلاك اي عربيه يعني مش بزياده كبعض السيارات اللي ممكن تلاقيها لسه موديل السنه ونزل من سعرها مبلغ محترم يعتبر نسبة من ثمنها
وتحياتي لك

توكيل مش محترم

المشاركة الأصلية كتبت بواسطة أبو عبدالله

اول احب اوضح لحضرتك ان علبة الدركسيون مشكلتها مشكلة صوت
والموضوع ده بعد محادثة متخصصين في السيارات
تاكدت انه مشكلة عامه في كل العربيات ذات الباور الكهربائي ...... هتقول اشمعنى
هقولك لحضرتك علشان الباور الهيدروليكي كان بيبقى في ضغظ بزيت كمان داخل علبة الدركسيون مما يجعل صدور اي صوت او تخبط ضعيف جدا
وده حال اي علبة دركسيون ان دراعات الوصلات للدركسيون مع اخذ مطبات على سرعه بتخبط في الجلب اللي في نهاية طرف العلبة لكل دراع
وده موجود في اي علبة ولكن الصوت واضح في الباور الكهربائي لأن مفيش اي حاجه تعزل هذا الصوت
وكانت المشكلة في الاول ان الجلب دي مكنتش بتستحمل التخبيط ده وكانت بتوسع كل شويه مما يجعل الصوت يعلى اكتر
ولكن ده تم حله من قبل دايهاتسو والأن كل العربيات معدله كلها ولكن الصوت موجود ولكن اقل من الأول ومبيزدشي

السلام عليكم ورحمة الله وبركاته

ارجو الافادة من الاخ ابو عبدللة ؟؟؟ معنى كلامك ان باور التيريوس كهربائى وليس على زيت ؟ يعنى زى الالنترا ؟ بس اللى انا عارفة انها على زيت انا لسة مشترى تيريوس مو 2008 ؟؟؟ وكنت عايز اتاكد من المعلومة ؟ ولكم جزيل الشكر