الموضوع: التوكيل بيقول الظواهر ديه عادية في أي عربية .. بس أنا مش مصدق

المشاركة الأصلية كتبت بواسطة melhefnawy

بصوا يا شباب عندي كام حاجة غريبة في العربية تيريوس 4x2 2009 وكل لما أسأل التوكيل يقولوا ده طبيعي

1- في الطرق عير الممهدة الدريكسيون بيتهز ويترج وبحس بكل طوبة فيه وحتى و أنا ماشي براحة جداً, هما بيقولوا عادي و أنا شاكك في علبة الدريكسيون

2- صوت مش عارف أوسفوا ازاي بعد ما بطل العربية أسمع كأن حاجة بتنقط جواها زي ما يكون زيت بينقط أو حاجة بتطقطق عالنار , لما سمعوه قالوا عادي برضوه ده الشكمان مش عارف بيعمل أيه

3- الفرامل لما بضغط عليها و أنا واقف في اشارة مثلاً باضغط و أرفع رجلي براحة بأحس بحكة و تخبيط خفيف و بسمعه , قالوا عادي برضة

4- حالياً لما بالف في ملف حتى لو على بطئ باسمع العجل بيعمل صوت أمريكاني جميل جداً!!!

الأول قالوا زوايا ولما لقوا الزوايا مظبوطة قالوا بص ... يبقى عادي ممكن تكون نقشة العجل ......فكرت أقولهم عايز نقشة كاروهات بس قلت أكيد هما أدرى.

المهم هل حد واجه المشاكل العادي ديه في عربيته و هل لقى ليها تفسير ولا برضوا قالولوا عادي


و شكراً ليكم و لوقتكم.

1 و 2 موجودين عندى و متعايش مع 1 بأنى بمشى على المكسر بالراحة اوى و 2 من ساعة شراء العربية موجودة و مع الاستفسار اتقالى ان العربية مبطنة بطبقة حرارية من اسفل تتفاعل مع الحرارة و تسبب الطقطقة المسموعة بعد مشوار طويل..... 3 و 4 ملاحظتهمش

المشاركة الأصلية كتبت بواسطة melhefnawy

1- في الطرق عير الممهدة الدريكسيون بيتهز ويترج وبحس بكل طوبة فيه وحتى و أنا ماشي براحة جداً, هما بيقولوا عادي و أنا شاكك في علبة الدريكسيون

دي علبة دريكسيون بايظه ولازم تغيرها ولو مارضوش يبقى تبلغ جهاز حماية المستهلك عشان يكشف على العربيه ويقرر ما إذا كانت علبة الدريكسيون واجبة التغيير أم لا

2- صوت مش عارف أوسفوا ازاي بعد ما بطل العربية أسمع كأن حاجة بتنقط جواها زي ما يكون زيت بينقط أو حاجة بتطقطق عالنار , لما سمعوه قالوا عادي برضوه ده الشكمان مش عارف بيعمل أيه

ده الشكمان
أصبر عليه وبعد فترة من الأستخدام هايختفي الصوت ده لأن علبة الشكمان هاتتملي بالكربون
والكربون ده هايعمل وكانه عازل صوتي من تلقاء نفسه

ماتقلقش هو بس عشان العربيه جديده ربنا يباركلك فيها

3- الفرامل لما بضغط عليها و أنا واقف في اشارة مثلاً باضغط و أرفع رجلي براحة بأحس بحكة و تخبيط خفيف و بسمعه , قالوا عادي برضة

فعلا دي طبيعة أغلب العربيات الأوتوماتيك
لأن العربيه الأوتوماتيك في أول مابترفع رجلك من على الفرامل بتبدأ تتحرك عشان كده المسافة إللي أنت رفعتها من على الفرامل بتبفى في حالة تحير (يعني لا هي قوية تقدر تمسك العجل وتوقفه 100% ولا هيه ضعيفة تخللي العربيه تمشي وتاخد سرعتها) عشان كده تلاقي بينهم قوة ومقاومة في حالة رفعك للفرام بقدر خفيف

4- حالياً لما بالف في ملف حتى لو على بطئ باسمع العجل بيعمل صوت أمريكاني جميل جداً!!!

العربيه محتاجه ظبط زوايا بكل تأكيد

وريح دماغك وروح لمركز ظبط زوايا متخصص هايريحك من الحكاية دي خالص

المشاركة الأصلية كتبت بواسطة maged.sarwat

دي علبة دريكسيون بايظه ولازم تغيرها ولو مارضوش يبقى تبلغ جهاز حماية المستهلك عشان يكشف على العربيه ويقرر ما إذا كانت علبة الدريكسيون واجبة التغيير أم لا



ده الشكمان
أصبر عليه وبعد فترة من الأستخدام هايختفي الصوت ده لأن علبة الشكمان هاتتملي بالكربون
والكربون ده هايعمل وكانه عازل صوتي من تلقاء نفسه

ماتقلقش هو بس عشان العربيه جديده ربنا يباركلك فيها

فعلا دي طبيعة أغلب العربيات الأوتوماتيك
لأن العربيه الأوتوماتيك في أول مابترفع رجلك من على الفرامل بتبدأ تتحرك عشان كده المسافة إللي أنت رفعتها من على الفرامل بتبفى في حالة تحير (يعني لا هي قوية تقدر تمسك العجل وتوقفه 100% ولا هيه ضعيفة تخللي العربيه تمشي وتاخد سرعتها) عشان كده تلاقي بينهم قوة ومقاومة في حالة رفعك للفرام بقدر خفيف



العربيه محتاجه ظبط زوايا بكل تأكيد

وريح دماغك وروح لمركز ظبط زوايا متخصص هايريحك من الحكاية دي خالص

شكراً جداً على الرد و النصائح

أكتر واحد قال كلام منطقي 100% الأستاذ ماجد هو ده الكلام المضبوط
لك إحترامي

توكيل مش تمام
المفروض على الاقل يشرحلك ويفهمك مش يقولك طبيعى

خالد غالبا العجل عايز يترصص