الموضوع: التوكيل بيقول الظواهر ديه عادية في أي عربية .. بس أنا مش مصدق

المشاركة الأصلية كتبت بواسطة أبو عبدالله

ايوه كل الدايهاتسو باور كهرباء

بس مع احترامي الكامل لكلام حضرتك بخصوص السعر في اعادة البيع
حضرتك شراءك ليس مقياس على كل العربيات
حضرتك لو اخدت جولة في اسعار الدايهاتسو في المستعمل هتلاقي العربيه بتنزل زي اي عربيه حسب الأهلاك

اما سعر حضرتك ده بصراحه انا لفيت ومسمعتهوش خالص وياريت تراجع على العربيه كويس
وبعدين حضرتك الكماليات في اي عربيه لا تحسب من ثمن العربيه دائما في المستعمل
علشان كده معروف ان لو انت بتبيع والعربيه فيها اكسسوارات او كماليات غاليه هتعمل حسابك انك تشيلها او تمنها يروح عليك
شوف كده الأسعار في الوسيط او كونتاكت كار او كار 100100
وانت هتعرف ان سعر حضرتك غريب شويه
يعني فيه واحده نفس حالة حضرتك تقريبا ومن غير جنوط وديفندرات كمان وعامله 36 الف كم وطالب 98 الف
وواحده تانيه ماشيه 98 الف كم ومفيهاش اي حاجه ومطلوب 88 الف وموديل 2007 كمان
والأمثلة كتير انا مش باخد مثال واحد اكيد ولا اتنين

الاخ ابو عبداللة ... مع احترامى الشديد لكلام حضرتك واحترامى لشركة كونتكت كار ...
اولا : سعر البيع الحقيقى او الفعلى بيختلف عن ما هوة معروض او اللى انا عايزة بمعنى انا ممكن اعرض عربيتى بسعر معين ولكن وقت البيع الفعلى السعر بيختلف المهم الجدى فى الشراء لان كل واحد فينا بيعرض اعلى سعر عندة او اللى هوة شيفة من وجهة نظرة...
ثانيا: انا كنت عارضت عربيتى الافيو مو 2009 زيرووو العداد 18000 وكنت طالب 72000 ؟؟؟ وبعتها ب 68000 بس مش فى كونتكت كار ...
ثالثا: كونتكت كار او غيرها من الشركات مش هية المقياس الحقيقى انا شايف ان السوق نفسة هوة المعيار العرض والطلب لان كل واحد ممكن يطلب اللى هوة عايزة فى عربيتة لكن جدية الشراء ةالتخليص النهائى هوة اللى بيقول كلمتة ....
رابعا: انا اتصلت فعلا بالمبيعات لدايهاتسو واتعرفت على واحد هناك فى منتهى الزوق والادب ودردشنا مع بعض وفى النهاية قولتلوا ظروف العربية اللى قولت لحضرتك عاليها التيريوس مو2008 والحالة اللى وصفتها دة بعد الكشف عليها فى احد محطات البنزين المعروفة بالكشف على السيارات و قالولى تمام العربية سليمة ...
المهم الاخ بتاع المبيعات قولتلو ان العربية معروضة ب90000 الف فقالى لو تنزل فيها لحد 86 او 87 الف يبقى كدة كويس يعنى السعر اللى قولت لحضرتك علية معقول لسعرها مع احترامى الكامل لكل واحد عارض عاربيتة انشاللة يعرضها بثمنها بتاع الزيرو هوة حر المهم النتيجة وهى بيع السيارة الفعلى ... وعلة ما اظن ان الاستاذ بتاع مبيعات دايهاتسو ملوش مصلحة لانة كان عالاقل قاللى مادمت هتدفع 90000 او حتى 87000 الف ممكن ادفعهم فى مقدم السيارة زيرو واقسط الباقى لان سعرها زيرو عامل 117 او 119 مش متذكر اوى للمانيوال اللى زى العربية اللى انا اشترتها .....
ااااااااااااااااسف جدا على الاطالة بس انا كنت عايز اوضح الصورة واقول لكل واحد عايز يشترى عربية زيرو وعرف ان سعرها بينزل جامد بعد اعادة البيع افضل انة يشتريها مستعملة او كسر الزيرو حتى لايخسر استثمارة فى السيارة....وكل الاحترام للاخ ابوعبداللة...

المشاركة الأصلية كتبت بواسطة osama75

شكرا اخى خالد على هذه المعلومات وفعلا كده خسارة فادحة بالنسبة لموديل2008 يعنى تعتبر كسر زيرو=اعتقد انى لو جبتها زيرو لازم اعمل حسابى اخليها معايا على الاقل 5 سنوات

لا شكر على واجب يا اخى اسامة دة واجب على كل عضو فى منتدانا الرائع ان احنا نساعد بعض لما هو افضل...

المهم زى مقولتلك الخسارة كبيرة ودة على فكرة مايعيبش العربية فحاجة هى كدة ممكن تلاقى عربية فعلا كويسة بس ملهاش نصيب فى السوق زى عربيات او ماركات كتيرة على سبيل المثال وليس الحصر طبعا " الكيا الاسبكترا , والشوما , الفيات البونتو ....الخ "

والتيريوس عربية رائعة بجد بس عايزة اللى يفهمها ؟؟؟ بمعنى انك متعاملهاش كانها شيروكى مثلا ... ارجو ان قصدى يكون وصل ... وفعلا زى ماحضرتك قولت لو هتجيبها زيرو يبقى زى مابيقولوا خد خيرها الاول يعنى مش اقل من خمس سنوات او على الاقل 100000 كم اسال مجرب انا عربيتى الافيو مو 2009 وكانت عاملة 18000 كم يعنى زيرو غير طبعا الكماليات اللى ركبتها وبيعتها ب68000 خسرت عشرة الاف فى اقل من سنة بس انا اضطريت ابيعها لانها فعلا مكنتش مريحانى وقلت مفيش احسن من المستعمل دة لو انا ناوى اغير كل شوية ...
المهم بالتوفيق وربنا يكرمك وتشترى اللى نفسك فية ويديك خيرها ويكفيك شرها ...اخوك خالد

المشاركة الأصلية كتبت بواسطة osama75

يا ريت تخبرنا ايه عيوب التيريوس من واقع استعمالك لها لان المميزات تقريبا معروفة وانا ان شاء الله ناوى اشترى الجراند عشان عائلتى كبيرة مع تحياتى اخى خالد

الاستاذ الفاضل/اسامة ...شوف يا اخى وبصراحة هوة موضوع العيوب دة بيختلف من واحد للتانى بمعنى ممكن اللى انا شايفة عيب ممكن واحد تانى يكون مش حاسس بية خااالص اوضحلك عمليا ... فى اخوة فى المنتدى شايفين مثلا ان من العيوب 1- السحب ضعيف .. 2- عدم الثبات ..بالنسبة للعيب الاول ودة من وجهة نظرى ان سحبها فعلا كويس بمعنى لما بطلع بالعربية تجمعها كويس جدا مش لازم يعنى ادوس عالبنزين الاقيها بتجرى وسبقت العربية اللى جانبى مثلا لو احنا طالعين على مطب واحاول اجمع بالعربية اسرع من اللعربية اللى جانبى " على فكرة فى ناس بتزعل اوى لو انتى ماشى بالعربية وهديت علشان مطب وبعد كدة سبقتة فى التجميع وطلعت منة كانك مثلا اهدرت كرامتة ويحاول هوة انة يحرق عالموتور بتاعة علشان هوة اللى يسبقق مع ان ممكن يكون فى اشارة هتقفوا فيها بعد المطب عالطول " ودة ممكن اللى ناس شايفينوا ان سحبها ضعيف واللة اعلم دة برضة من وجهة نظرى ؟؟؟؟؟؟؟
اسف على الاطالة بس انا فعلا بحاول انقلك الصورة اللى انا فعلا بحس بيها لان انت طلبت كدة وبحاول اكون امين معاك ..لان انا كنت زيك كدة قبل ماشترى العربية ببقى عايز حد يقوللى ادق ادق التفاصيل فى العربية اللى انا عايز اشتريها علشان ابقى مقتنع ومطمئن ... المهم بالنسبة للعيب الثانى "الثباااااااااااااااااااا� �اااااااااااااات " المشكلة الازلية برضة انا شايف من وجهة نظرى ان ثباتها كويس جدا ...ازاااى ؟؟ اقولك العربية اساسا عالية عن الارض ودى مشكلة جميع العربيات العالية بس انواع طبعا كمثال الماتركس لكن مش هقارنها بالعربيات العالية زى الشيروكى والرانجلر مثلا لا دى حاجة ودول حاجة تانية خالص المهم السرعات العالية ...كام مثلا 120 وللا 130 انتى تقريبا زيى معايا اسرتى او لوحدى يدوب بتروح مشوار او الشغل او بتسافر مصيف او غيرة ....الخ استعمال عادى يعنى لكن بالنسبة لواحد عايز يجرى ويشد وياخد غرز طبعا منصحوش بالتريوس وانا على فكرة شاب يعنى مش راجل عجوز مش عايز اجرى او اسحب بالعربية لا دة وارد جدا انا عندى 34 سنة بس يا استاذ اسامة الاستخدام بيختلف تماما من واحد للتانى فى ناس عايزة تجيب بالعربية 160 و 170 مع ان العداد اخرة 180 ... ربنا يكفينا ويكفيك شر الطريق "السواقة فعلا ملهاش كبير" بس اللى يفهم ؟؟؟؟ معلش ان طولت عليك اوى انا عارف بس حسيت ان انا لازم اقولك احساسى بمنتهى الصراحة وانشاء اللة كل جديد هعرفة او احس بية فى العربية هبقى اقولك بس انت توكل على اللة واشتريها هية عربية جميلة جدا شيك جدا جدا عائلية جدا جدا جدا ....سبحانك اللهم وبحمدك ، أشهد أن لا إله إلا أنت أستغفرك وأتوب إليك