مشكلة في فيشة بتسيح في التمبرا

**ZALABANY** · 21-10-2009 12:32 PM

ياشباب عندي فيشه من الفيشتين اللي داخلين في علبة مجموعة المروحة الفيشه دي بتسيح كل فتره مع كتر تشغيل التكييف وسخونية العربية ولما بتسيح طبعا المروحة بتقف لما رحت للكهربائي قالي بتسيح عشان المروحه بتحمل عليها وهاتفضل تسيح بس انا مش مقتنع حد يقولي ممكن تكون المشكله فين

**m2010** · 21-10-2009 01:52 PM

المشكلة ان المروحة بتاعتك شغالة بس فيها عيب ان امبير ها عالى يعنى بتحمل على الفيشة وممكن تسيح لك العلبة بتاعت التكيف السوداء اللى فى بداية كبوت التمبرا من رايى اشترى واحد استيراد

**ZALABANY** · 21-10-2009 03:29 PM

باشا أشتري مروحة استيراد ولا العلبه السودا استيراد عامة العلبه دي انا لسه شاريها استيراد عشان القديمه باظت لو انت تقصد المروحة قلي واجيب مروحه مواصفاتها ايه لما دي الاصليه بتاعة العربية ما اتغيرتش ممكن تكون الرولمان بلي بتاعها تقل مثلا ولا ايه

**caysersosaih** · 21-10-2009 03:40 PM

بص يا باشا المروحة بتاعة التمبرا بتاعتي كانت بتعمل كدة وانتهت ان المروحة كلها اتحرقت ولما غيرتها الكهربائي عمل فيوز للمروحة عشان ما تتحرقش والحمد لله ماحصلش حاجة من 7 شهور
فده مؤشر غلي بداية عطب المروحة

**Ghamrawy** · 21-10-2009 11:25 PM

نفس الموضوع فى السيينا لدرجة ان ساعات المروحة تشتغل و ساعات لا

**ZALABANY** · 22-10-2009 09:28 AM

يعني المشكله كده في المروحة طيب ما ينفعش تتفك تتنضف او تتصين

**ZALABANY** · 22-10-2009 09:51 AM

المشاركة الأصلية كتبت بواسطة caysersosaih

بص يا باشا المروحة بتاعة التمبرا بتاعتي كانت بتعمل كدة وانتهت ان المروحة كلها اتحرقت ولما غيرتها الكهربائي عمل فيوز للمروحة عشان ما تتحرقش والحمد لله ماحصلش حاجة من 7 شهور
فده مؤشر غلي بداية عطب المروحة

ماهي المروحة ليها فيوز البرقالي الكبير ال 40 أمبير وده فعلا لما يبقى في مشكله في المروحة الفيوز بيضرب ازاي حضرتك ما كانش عندك فيوز للمروحه المشكله في الفيشة الللي بتسيح دي هي فيشة من الفيشتين المربعين اللي في علبة المجموعة

**MAK_US1977** · 25-10-2009 01:03 AM

انا عندي مشكله تانيه هي ان المروحه معدتش بتدنها شغاله لما اطفي العربيه.
الاول لما كنت اطفيها تدنها شغاله شويه وبعد كده تطفي - دلوقتي لا

مش عارف دا فيوز ولا ايه . افيدونا افادكم الله

**mrghost** · 25-10-2009 05:47 AM

المشاركة الأصلية كتبت بواسطة mak_us1977

انا عندي مشكله تانيه هي ان المروحه معدتش بتدنها شغاله لما اطفي العربيه.
الاول لما كنت اطفيها تدنها شغاله شويه وبعد كده تطفي - دلوقتي لا

مش عارف دا فيوز ولا ايه . افيدونا افادكم الله

كده ياباشا يبقى المروحه بتشتغل مع الكونتاكت فقط وده كده غلط لان كده العربيه مش هتبرد فى الوقت المحدد ليها روح لاى كهربائى يراجعلك على المروحه وتوصيلاتها

**ZALABANY** · 25-10-2009 10:25 AM

المشاركة الأصلية كتبت بواسطة mak_us1977

انا عندي مشكله تانيه هي ان المروحه معدتش بتدنها شغاله لما اطفي العربيه.
الاول لما كنت اطفيها تدنها شغاله شويه وبعد كده تطفي - دلوقتي لا

مش عارف دا فيوز ولا ايه . افيدونا افادكم الله

كده يا باشا غالبا عندك مشكله في مجموعة المروحة العلبه السودا اللي ورا الكشاف اليمين للعربية ودي تشتريها كلها استيراد ب 100 او 150 جنيه انت وشطارتك على فكره هي جديده ب 400 جنيه واكشف عند كهربائي عشان تتأكد