مشكلة في التمبرا غلبتني

**ZALABANY** · 29-08-2009 11:53 AM

العربيه بتاعتي من فتره كانت بتضرب مدافع على سرعه 100 مثلا لما اشيل رجلي من على البنزيز واحطها تاني تروح ضاريه مدفع وبعديها بفترة موضوع المدافع ده زاد رحن للكهربائي وجبت البوجيهات الشمبيون الأصليه بتاة العربية ب 85 جنيه والميكانيكي لقى الفحمة بتاعة الاسبراتير معلقه ظبطها وسنفر حاجه كده في وش الاسبراتير مشيت زي الفل ما كملتش شهر ورجعت تضرب مدافع تاني بس برده على سرعه عاليه نسيت اقول اني نضفت الكاربيراتير كمان وبحط بنزبن 90 من امارات مصر يعني بنزين كويس
المهم اخر مره طلع البوجيهات لقاها مهببه قالي كده عندك شكله في الاسبراتير ممكن يكون الوش وحش عايز بتغير او المشط الالكتروني بس دول لازم تروح لحد متخصص يكشف عليهم بالكمبيوتر عشان يقولك المشكلة فين
انا محتار بصراحة ومش عارف هل هي مشكلة اسبراتير ولا مشط الكتروتي ولا المشط الكبير الألمونيوم
ياريت لو حد يعرف يدلني او يعرف حد ممكن يكشفلي عليها ويقولي العيب ايه وهل التمبرا ممكن يتكشف عليها بالكمبيوتر عشان اعرف عيب زي ده وفييييييييييين وشكرا

**amrbakly** · 30-08-2009 12:22 AM

لو بتحس انها ساعات بتقطع كأنك بتشيل رجلك من علي البنزين و تحطها تاني علي اي سرعة أو بتطلع روحك علشان تدور، أو بتفصل و هي علي سرعة عالية يبقي مؤكد أن الهباب المشط الإلكتروني الله يخرب بيتة اللي مزهق الكل في الفيات الجديد

**aYaBooY** · 30-08-2009 11:25 AM

في النظام القديم لما كانت العربية تعمل كدة كان بيكون السبب من الابلاتين و الكوندسر و ده حل محلة المشط الاليكترون
اعتقد تغيرة و الدنيا هاتبقي كويسة بس برده عاوز منك حاجة
وقف العربية في حتة ضلمة و افتح الكبوت و ابداء زود كذا مرة و شوف فيه اي شرز من سلوك البوجيهات ولا لا
علشان لو فيه شرز يبقي تغيرهم هما كمان

**faron525** · 30-08-2009 01:45 PM

المشاركة الأصلية كتبت بواسطة aYaBooY

في النظام القديم لما كانت العربية تعمل كدة كان بيكون السبب من الابلاتين و الكوندسر و ده حل محلة المشط الاليكترون
اعتقد تغيرة و الدنيا هاتبقي كويسة بس برده عاوز منك حاجة
وقف العربية في حتة ضلمة و افتح الكبوت و ابداء زود كذا مرة و شوف فيه اي شرز من سلوك البوجيهات ولا لا
علشان لو فيه شرز يبقي تغيرهم هما كمان

+1

**ZALABANY** · 30-08-2009 06:27 PM

والله يا باشا انا مافيش اي مشكله معايا دوارة او تنتيش او غيره كل مشكلتي المدفع على المدي البعيد ولما الميكانيكي بيفك الاسبراتير ويركبه تاني بتمشي كام يوم كويس عشان كده شاكن في الاسبراتير
معلش انتو تقصدوا انهو مشط المشط الكبير الألمونيون اللي بيبقى فوق فتحة التكييف ولا ده حاجه تاني

**amrbakly** · 30-08-2009 08:14 PM

لا المشط الإلكتروني دة بيبقي راكب علي الإسبراتير ، لونة فضي كدة و عبارة عن حتة حديدة صغيرة مربعة ممشطة علشان كدة بيسموة مشط الكتروني

و يا ريت لو حد يعرف اسمة بالأنجليزي يقول علية علشان عايز اي مرة اسافر اجيب واحد من برة علشان يكون مضمون لأن أغلب اللي في مصر مضروب

**ZALABANY** · 01-09-2009 10:40 AM

ملاحظة مهمه موضوع المدافع ده غالبا بيحصل وانا على الغيار الخامس ما بيحصلش في الغيارات اللي قبل كده ياريت لو حد من خبراء المنتدى يقلنا تفسير وهل المشط الالكتروني ده جزء من الاسبراتير يعني لو اشتريت اسبراتير هايبقى موجود فيه

**aYaBooY** · 01-09-2009 10:43 AM

زي الاسبراتير العادي فيه ابلاتين و كوندنسر الاسبراتير عندك فيه المشط ده و برده تغيرة من غير متغير الاسبراتير و موضوع المدافع على الخامس بس اعتقد تفسيرة ان المشط بداء يبوز شوية مش كلة يعني و يا ريت لو حد عارف فكرة العمل بتاعت المشط يشرحهالنا

**samirayad** · 01-09-2009 03:47 PM

المشاركة الأصلية كتبت بواسطة ayabooy

زي الاسبراتير العادي فيه ابلاتين و كوندنسر الاسبراتير عندك فيه المشط ده و برده تغيرة من غير متغير الاسبراتير و موضوع المدافع على الخامس بس اعتقد تفسيرة ان المشط بداء يبوز شوية مش كلة يعني و يا ريت لو حد عارف فكرة العمل بتاعت المشط يشرحهالنا

الصراحه أنا ميال للرأى ده
أن المشط فعلا بدأ يتعب شويه
ومبقاش يلاحق فى تقطيع الفولت للبوبينا على السرعات العاليه
وأنا أستندت للجزئيه دى من كلام أخونا صاحب التساؤل

ملاحظة مهمه موضوع المدافع ده غالبا بيحصل وانا على الغيار الخامس

**samirayad** · 01-09-2009 04:19 PM

و يا ريت لو حد يعرف اسمة بالأنجليزي يقول علية علشان عايز اي مرة اسافر اجيب واحد من برة علشان يكون مضمون لأن أغلب اللي في مصر مضروب

ممكن تسميه Igniter
أو تسميه Ignition Igniter
يعنى شطاطه أشعال .....أصل هو اللى بيقطع فولت البطاريه للملف الأبتدائى للبوبينا ( علشان الملف الثانوى فيها يقدر يرفع الفولت لقيمه كبيره ) لازمه للبوجيهات

دوس هنا