أخدت مخالفة على الصبح .. وعاوز استشارتكم

**abo_hosni** · 22-10-2009 01:29 PM

المشاركة الأصلية كتبت بواسطة mohamedfawzyhassan

- صاحبى كان يعرف ناس فى المرور خلصوا الموضوع و المحضر اتقطع بأيده و الرخص رجعتله و دفع 450 جنيه للى خلصهولوا

آه يا بلد.. مصر بتتقدم بينا

**أبو إياد** · 22-10-2009 01:43 PM

بعيد عن انك غلطان هو مافيش مشكله بدليل انك موجود معانا والرخص موجوده معاك

هو لو ليه السلطه فى انه يحرر المخالفه دى صدقنى ماكنش هايتردد ثانيه انه ياخد اجراءاته

هو نوع من التحليل بلغتهم وانت كسفت الراجل

**El Prince** · 22-10-2009 02:12 PM

واضح ان مفيش مشكله لانه رجعلك الرخص
ماتقلقش
بس نصيحه بلاش تكرر الموضوع لأنى أعرف واحد دفع 1000 ج فى نفس الحكايه ( قطع الشارع لدخول يوتيرن ) بس ظابط اللى وقفه فى حمله فى الجيزه

**spiky1** · 22-10-2009 02:35 PM

يا باشا لو سير عكس الاتجاه يبقى لازم يا خد رخصك وتتعرض على النيابة اجبارى لانها قضية يعنى مش حاجة تبع المرور دور ضابط المرور بيخلص بتسليمه الرخص للقسم بس وبعد كده تتعرض على النيابة وتستلم رخصك من سراى النيابة او القسم وتوكل محامى فى القضية والقاضى هو اللى بيحكم بالغرامة بس اللى اسمعه انو اول مرة غرامة بس تانى مرة غرامة وحبس بس الواضح جدا انه عملك مخالفة تانية غير السير عكس الاتجاه

**spiky1** · 22-10-2009 02:40 PM

وعلى فكرة الواسطة فى الموضوع ده انك تجيب الرخص من ظابط المرور قبل مايسلمها للقسم او تاخد رقم محضر انما لو خدت رقم محضر ولا الجن يقدر يعملك فيها حاجة ومفيش حاجة اسمها محضر بيتقطع لو خد رقم اللى بيتقطع ده فى الاستيفا قبل ما ياخد تاشيرة من المامور

**Imhotep** · 22-10-2009 03:05 PM

هو جايز سؤال ساذج بس الواحد مش عارفلهم: هل دخول شارع مفيش دخول فيه يبقى سير عكس الاتجاه؟

**amr.elsayed** · 22-10-2009 03:16 PM

المشاركة الأصلية كتبت بواسطة mahora

هو جايز سؤال ساذج بس الواحد مش عارفلهم: هل دخول شارع مفيش دخول فيه يبقى سير عكس الاتجاه؟

sure

**Imhotep** · 22-10-2009 03:29 PM

انا بسأل لان مرة من قريب كنت داخل شارع مفيهوش دخول حوالى الساعة 11.30 مساء و فجأة الاقى عسكرى باين و لا صول طالع من جنب شجرة..... كان واقف على جنب قدامى و انا داخل و بص على النمر و كان معاه دفتر..... بس انا لحقت اعديه لان المسافة بينى و بينه كانت صغيره...... تفتكروا كده ممكن يكون عملى مخالفة؟