الموضوع: موقف بلا عنوان

بصراحه الموقف ده مش عارف هو موقف مضحك ولا يغيظ مش عارف قولت اسال حبايبى هنا لما يعرفوا الموضوع يمكن يقولولى

امبارح راجع من بره الساعه 4.00 الفجر ياعنى دقايق والفجر ياذن كان معايا اللانسر وللاسف العربيه 128 ماكنتش فى الجراج كانت مركونه فى الشارع فبصيت عليها لقتها تمام ومافيش مشاكل

نمت وصحيت 7.00ص ياعنى بعد مرور 3 ساعات علشان اروح الشغل اخذت اللانسر وماشى ببص على 128 بصراحه فوقت وصحصحت من اللى شوفته

لقيت العربيه اتعمت ايوه اتعمت ياعنى من غير فوانيس اماميه :POINTI~2[2]: انا بصراحه اخذت بعضى وكملت من غير ما اقف حتى
المهم ماتاخرش على الشغل

اتصلت باخويا ينزل يشوف ايه اللى اتقلب من العربيه
الحمد لله قالى مافيش اى حاجه البطاريه كمان موجوده والكاسيت والعربيه مقفوله كل اللى اتاخد الفوانيس بس

تفتكروا بقا دى كيديه علشان ممكن اكون راكن مكان حد ولا واحد واخدهم يبعهم مع العلم عمرهم ما هايجيبوا 10ج لانهم جداد ب40ج

انا اللى غايظنى ان اللمبتين جايبهم ب60ج

اخويا بيقولى تلاقيه واحد مغفل عارف العربيه وفاكرهم لمبات زينون يالا حلال عليه