شحن الدينامو ضعيف

**reamoz** · 22-10-2009 03:01 PM

انا عندي مشكلة في الشحن بتاع الدينامو كنت عايز أعرف هي ممكن تتصلح ولا لأ

الشحن عندي على السلانسية مش بيكمل 13.2 فولت بس لما أزود بيزيد شوية بس يعني بالكتير بيوصل 13.75 ده من غير احمال لا نور ولا مروحة.

لكن لو شغلت النور والمروحة شغالة وأنا مزود بنزين بيوصل 13.25 بالعافية يعني يدوب بيشحن
أما على السلانسية مع الأحمال مش بيعدي 12.5 فولت
مع العلم أن السير تمام، والشربون تمام والبلي كمان.

أعتقد ان دي مشكلة سليكونات مش كتاوت بس السؤال هو هل السليكونات دي بتتصلح ولا لأ، لأني سمعت أنها غالية جداً يعني ممكن بتمنها أشتري دينامو كامل إستيراد فا ياريت لو حد يعرف حاجة عن الموضوع ده أو عمله قبل كدة يفيدني

وجزاكم الله خير...

**newhansol** · 22-10-2009 05:33 PM

هوة حضرتك عرفت قيمة الفولت ازاى
قستها بالهافو
على كل حال الفولت مش هوة الى بياثر فى الشحن دة الامبير
يعنى شدة التيار يعنى ممكن يكون 12 فولت بس مطلع 10 امبير مثلا
لو انت متاكد من ان الشربون والكتاوت الداخلى تمام ومش مهربين شحن يبقى مفيش غير قواعد السيلكون ودى من الاخر مبتتصلحش اى واحد يقولك هاصلحالك
من الاخر بينخع عليك
لان دى حاجة مبتتصلحش هوة ممكن يجيب سيلكونات من اى حتة تانية او من اى دينامو تانى ويركبهم ودة حل مؤقت وهايبوظو تانى لان السليكونات دى حاجة كدة زى الفبريكا لو باظط مبترجعش تانى كفائتها زى الاول وعلى فكرة 90% من اعطال الدينامو بتبقى سيلكون لان الشربون والكتاوت الداخلى او الخارجى مقدور عليهم ومعروف عيبهم اية وبيظهر على طول انما طالما الدينامو بيشحن مرة ومرة تانية شحنة ضعيف او بيهرب شحن بيبقى من السلكوننات
دة كل الى انا اعرفة من خبراتى من التعامل مع الدينامو وبعدين الافضل ان حضرتك تشترى واحد تانى استعمال خارج ولا حاجة انا كان الدينامو عمل عندى كدة برضة وغلبت فى تصليحة
طبعا العالم الفذ الباشموهندس الكهربائى قالى هانغير سيلكونات وضرب الستين جنية
وهمة كام يوم ورجعت ريمة لعدتها لقديمة
اشتريت دماغى وجبت وحد استعمال خارج بتاع شاهين ب 180 جنية وشغال لحد دلوقتى بقالةاكتر من 4 سنين ولا ببص حتى علية
مش عارف بقى الفورد فيستا الدينامو بتاعها بكام الصراحة بس لو زى الشاهين كدة او فى الحدود دى اشترية واحد وريح دماغك

**toty_vib** · 23-10-2009 06:37 PM

هيه عربيه ايه
ممكن تكون طنبوره كرنك
ممكن يكون كتاوت

**reamoz** · 24-10-2009 07:37 PM

المشاركة الأصلية كتبت بواسطة newhansol

هوة حضرتك عرفت قيمة الفولت ازاى
قستها بالهافو
على كل حال الفولت مش هوة الى بياثر فى الشحن دة الامبير
يعنى شدة التيار يعنى ممكن يكون 12 فولت بس مطلع 10 امبير مثلا
لو انت متاكد من ان الشربون والكتاوت الداخلى تمام ومش مهربين شحن يبقى مفيش غير قواعد السيلكون ودى من الاخر مبتتصلحش اى واحد يقولك هاصلحالك
من الاخر بينخع عليك
لان دى حاجة مبتتصلحش هوة ممكن يجيب سيلكونات من اى حتة تانية او من اى دينامو تانى ويركبهم ودة حل مؤقت وهايبوظو تانى لان السليكونات دى حاجة كدة زى الفبريكا لو باظط مبترجعش تانى كفائتها زى الاول وعلى فكرة 90% من اعطال الدينامو بتبقى سيلكون لان الشربون والكتاوت الداخلى او الخارجى مقدور عليهم ومعروف عيبهم اية وبيظهر على طول انما طالما الدينامو بيشحن مرة ومرة تانية شحنة ضعيف او بيهرب شحن بيبقى من السلكوننات
دة كل الى انا اعرفة من خبراتى من التعامل مع الدينامو وبعدين الافضل ان حضرتك تشترى واحد تانى استعمال خارج ولا حاجة انا كان الدينامو عمل عندى كدة برضة وغلبت فى تصليحة
طبعا العالم الفذ الباشموهندس الكهربائى قالى هانغير سيلكونات وضرب الستين جنية
وهمة كام يوم ورجعت ريمة لعدتها لقديمة
اشتريت دماغى وجبت وحد استعمال خارج بتاع شاهين ب 180 جنية وشغال لحد دلوقتى بقالةاكتر من 4 سنين ولا ببص حتى علية
مش عارف بقى الفورد فيستا الدينامو بتاعها بكام الصراحة بس لو زى الشاهين كدة او فى الحدود دى اشترية واحد وريح دماغك

ألف شكر ياباشا على النصيحة،
انا عرفت الفولت عن طريق جهاز القياس الديجيتال اللى بيكون عند الكهربائي، بس هو فعلا لازم الفولت يكون أكبر من 13.2 فولت علشان البطارية تتشحن لأن البطارية علشان التيار إتجاهة يتعكس بدل مايخرج منها يدخل ليها لازم يكون اكبر من فولت البطارية بعشرة في المية
يعني 12*1.1 = 13.2 ودة اقل فولت يخلي التيار يدخل للبطارية بدل مابخرج منها
ومع الأسف ياريت يكون سعر الدينامو الإستيراد 180 أو حتى 280 جنيه ماكنتش هوجع دماغي انا بصراحة خايف اسأل على تمنة يطلع اكتر من 500 جنية
وعموما الموضوع ده بقالة كدة اكتر من 3 سنين والعملية ماشيه كويس علشان انا باخد بالى ومش بستعمل النور في الزحمة إلاعند اللزوم ومظبط العملية الحمد لله :)
صحيح نسيت أقول اني كمان او مادور العربية لمبة الدينامو مش بتطفي الا لما أزود سنة بنزين وده بردة من أول ماشترتها من 3 سنين وشوية

**samysoftware** · 28-10-2009 01:09 AM

على فكرة الفولت مش موثر خالص فى عملية الشحن وياريت تقيسة بلامبير لان الامبير هو اللى بيفرق فى الشحن يعنى لو الفولت هو اللى بياثر يبقى انا ممكن مثلا ممكن اركب بطارية موتوسكل 8 امبير
طبعا مش هاتنفع مع انها 12 فولت وبالمثل عملية الشحن يعنى لو الينمو بيخرج 12 فولت ولكن امبير عالى 30 امبير البطارية هاتتحرق وكمان لمبات العربية هاتتحرق
ياريت تتاكد من الامبير الاول

**reamoz** · 01-11-2009 12:46 PM

ايه ياجماعة مفيش أي اراء تاني؟

**AHMEDSALIH83** · 01-12-2009 07:48 AM

انا عندى نفس مشكلتك ومش عارف الحل

**reamoz** · 01-12-2009 12:11 PM

انا بقالي 3 سنين على كدة بس بظبط اموري مع الأحمال الكهربائية والكهربائي بصراحة قالي مدام البطارية مش بتنام كبر دماغك وخليك ماشي بيه لحد مايجيب أخره ساعتها هنعرف نحدد إيه اللي بايظ بالظبط علشان متفتحش على نفسك فتحة لأنة ممكن يكون ملف وممكن يكون سليكونات
لو ملف ممكن يتغير لكن لو سليكونات لازم دينامو جديد!

**Defender** · 07-07-2011 10:04 AM

لا يا جماعة السيلكونات بتتصلح واعرف كهربائي فى الجيزة بيصلحها بس لما يكون فيها قابلية انها تتصلح اصلاً ، لانها ممكن تكون اتحرقت لدرجة انه ميفعنش تتصلح

ثاني حاجة لما السليكونات بتبوظ ومينفعش تتصلح بتشتري غيرها ونفس المقاس مش بتغير الدينامو كله ولا حاجة !!

**mrghost** · 07-07-2011 01:48 PM

باشا السليكونات بتتغير عادى جدا ومبتاخدش اكتر من 10 دقايق انا كنت مغيرها من سنه ب 15 جنيه فقط واى كهربائى بيغيرها

الموضوع: شحن الدينامو ضعيف

LinkBack

أدوات الموضوع

عرض

-

-

-

-

المواضيع المتشابهه

سحب ضعيف جدا جدا

خرج الدينامو كده مظبوط ولا ضعيف؟

سحب المونديو بقي ضعيف

لمبة الدينامو في الطابلوه بتنور ضعيف

الدينامو شحنة ضعيف

الكلمات الدلالية لهذا الموضوع

المفضلات

المفضلات

ضوابط المشاركة