الموضوع: هل هتقاطع الفيس بوك

المشاركة الأصلية كتبت بواسطة EZABY

معلش بس أولا عاوز حد يجيبلي خبر من جهه موثوق فيها بيقول ان الجروب اتقفل لأني مش لاقي اي حاجه بتقول كده
أو لو في حد عارف اسم الجروب يدخل يتأكد ويجي يقولنا

وصلة صفحة الجروب المسيء كانت موجودة على جروب المقاطعة بس اتشالت بعد يوم المقاطعة. أنا شفت الصفحة بس للأسف ماحتفظتش بالوصلة. تاني يوم بعمل search باسم الجروب المسيء مالاقتهوش. أنا مقتنع ان الجروب اتشال.

دي بقى بالتفصيل كل تفاصيل Traffic stats من على اليكسا

احصائيات Alexa لا تعني شيء. دي مجرد احصائيات من المستخدمين اللى بيستخدموا Alexa toolbar. أنا مقتنع أن الـ traffic قل أو على الأقل عدد المستخدمين اللي عاملوا sign in انخفض يومها بمقدار ملحوظ (أكتر من التباين اليومي المعتاد في عدد المستخدمين).

المشاركة الأصلية كتبت بواسطة bmya

ايه يا جماعه فين الناس اللي بتقول ملهاش لازم راحو فييييييييييييين

الموضوع مش اننا منقدرش نستغنى عن الفيس بوك ولا غيرة ماقبل الفيس بوك كنا عايشين ومن غيرة هنعيش بردة بس لو المقاطة هتجيب نتيجة اوك نقاطع اكيد كلنا رافضين لكل مايمس الدين بالاساءة لكن النهاردة جروب اتقفل بكرة 10 يتفتحو لو الفيس بوك كلة اتقفل بكرة يتفتح غيرة وغيرة والفيس بوك مش هو الوحيد اللى علية اساءة للاسلام ولا الى عمل الجروب دة مش اخر واحد هيسىء للاسلام فى غيرة الاف ومنظمات وحكومات دول يبقى احنا بنلف فى دايرة مقفولة
انت عايز تنشر الاسلام ولا تخليهم يبطلوا اساءة؟؟؟ لو عايزهم يبطلوا مش هيبطلوا وبالذات طول ماحال العرب ميسرش الناس دى متعرفش يعنى اية كلمة دين علشان يبطلوا ولا لأ ومعندهمش عقيدة علشان نقول متمسكين بيها .. الناس دى محتاجة اللى يعرفهم يعنى اية كلمة دين اصلا , يعنى اية اسلام
الناس دى محتاجة ان يبقى فية نشر للاسلام بطريقة صحيحة زى مهم بيحربونا نحاربهم بنفس طريقتهم هو دة الحل , الاسلام اتنشر بالدعوة مش باننا نسكت ونقاطع

للأسف دخلت دلوقتي على الفيس بوك ولقيت جروب جديد بنفس الاسم المسيء (مع تغيير طفيف).

المشكلة أن بعض المسلمين، بسذاجة مطلقة، بينضموا للجروب عشان يردوا على المسيئين.

الجروب القديم كان فيه 4 ألاف شخص معظمهم من المسلمين!

الجروب الجديد دلوقتي فيه 174 شخص برضو كتير منهم من المسلمين.

أنا مستعد أقاطع تاني وثالث!

انا عملت سيرش على أسم الجروب الى بيطالبوا بحذفه لقيت ميات من الجروبس و فى واحد معدى جدا فى عدد الأعضاء الكلام دا النهارده الصبح

لأ، كل الجروبس (جمع جروب) دي ضد الجروب الأصلي بس بلغات مختلفة. في منها الأسباني والبرتغالي والاندونيسي ... الخ.

الجروب الأصلي تم اختراقه ...... واتغير بقى جروب اسلامي. للأسف ده معناه ان ادارة فيس بوك ماعملتش حاجة ولم تستجب للمقاطعة.

المهم، اتفتح كام جروب صغير مسيء تاني!