جيت أ‘عمل نص عمرة لقيت الموتور خلصان

**samirayad** · 25-10-2009 01:10 AM

الله يخليك يا أخى
وبأذن الله
سيعوضك الله خيرا
وأنت لاتعرف الخير فين

(لو أطلعتم على الغيب لأخترتم الواقع )

**MoHaMed HaMeD** · 25-10-2009 12:49 PM

طيب حضرتك ةلو عايز اسقط ماتو لالينترا 97 خليجى ماتور الينترا الجديده او فيرنا

يعمله كام ومنين

**samirayad** · 25-10-2009 03:43 PM

حقيقى أنا معرفش سعر المحرك بالفتيس
حيعمل كام
بس أعتقد فى الرينج من 2 الى 2.5 ألف جنيه
وطبعا لازم تعمل دراسة جدوى وسؤال أكتر من مكان
لمعرفة حدود الأسعار

**thedeveloper87** · 25-10-2009 05:01 PM

أنا سمعت علشان أسقط موتور تاني لازم شوية تعديلات في العفشة والفرامل والشاسيه ، إلخ. ايه هي التعديلات دي؟

**samirayad** · 25-10-2009 06:51 PM

طيب ماتسقط موتور زى اللى راكب عندك مستقبلا
أو موتور شبيه بنفس القدره والأبعاد
وكده مش حتعمل تعديلات فى الفرامل ولا العفشه
لأنك مبعدتش عن قدرة المحرك الأساسى
يبقى العفشه بتاعتك وفراملك مناسبه

**thedeveloper87** · 25-10-2009 08:18 PM

لا لا أنا قصدي موتور أكبر شوية. أنا اللي راكب عندي 1300 سي سي.
وأنا إن شاء الله هركب 1500 سي سي مستقبلا.

بس معلش يا باشمهندس سؤال نسيت أسأله. لو مشيت بالمكنة الحالية ممكن تقعد معايا قد ايه؟

**samirayad** · 25-10-2009 08:35 PM

مأخدتش أنت بالك من الحته دى من كلامك

أنا اشتريت عربيتي دي من حوالي 5 شهور وأكتر حاجة كانت عجباني في العربية الموتور.
كذا واحد ساق العربية دي وقال لي الموتور ده بسم الله ماشاء الله.

يعنى الموتور كان معقول وكويس من (5 شهور )
وبان معاك التفويت بعد كده لما غيرت زيت الموتور مثلا
طيب .....أيه السبب
أكيد الغشاش (اللى باعلك العربيه ) كان حاطط زيت شنبر للمكنه
علشان يسلك أموره ........غشاش بأه
طيب نستفيد أيه من القصه دى فى الوقت الحالى

حط زيت شنبر مع كل غيار زيت (وأستعمل زيت رخيص )
وكده أمورك حتمشى تمام
وممكن تقعد بيها سنه أو أكتر شغاله وأنت وظروف المكنه (مع زيت الشنبر )

**thedeveloper87** · 25-10-2009 08:54 PM

للأسف مقياس الناس كان بسحب الموتور بس.
الزيت اللي في العمة ده أنا لاحظته من بعد شهرين تقريبا من الشراء.
وغير بعد كده لاحظت دخنة بيضاء قريب(على فكرة كانت في الأول دخنة سوداء علشان الكاربيراتير ما كانش مظبوط فامكنتش بلاحظ الدخنة البيضاء)

العيب عليا أنا ياباشمهندس
المفروض ماكنتش أستعجل ولا أثق في كلام الميكانيكي ولا كلام أي حد واروح بيها على أي بنزينة أقيس كبس وأشوف العربية أحوالها ايه.
هو للأمانة قال لي
- العربية دي بما يرضي الله عشرة على عشرة بس هتحتاج طقم شنبر بعد سنة تقريبا.
- بكام يا عم طقم الشنبر؟
- ب 400 جنيه.
- قلت مع نفسي "400 جنيه مش حاجة وكمان بعد سنة يعني مصلحة".
- قلت له على بركة الله.
غير إن الراجل صاحب العربية وثقت فيه وكلمته
وأكدت عليه قلتله العربية بتاكل زيييت؟؟؟؟ قال لي العربية مابتكلش زيت خالص!

أول ماستلمتها غيرت:
بطارية في جلب مقصات في بارات علبة دركسيون في مساعدين ن إلخ.

بعد مالقيت العيوب دي. كل لما أندم أصبر نفسي بالموتور اللي سحبه كان عاجبني جدا.
بعد الخمس شهور قلت أعمل النص عمرة وفتحت الموتور واتصدمت الصدمة الكبرى!!!!