الموضوع: جيت أ‘عمل نص عمرة لقيت الموتور خلصان

المشاركة الأصلية كتبت بواسطة thedeveloper87

للأسف مقياس الناس كان بسحب الموتور بس.
الزيت اللي في العمة ده أنا لاحظته من بعد شهرين تقريبا من الشراء.
وغير بعد كده لاحظت دخنة بيضاء قريب(على فكرة كانت في الأول دخنة سوداء علشان الكاربيراتير ما كانش مظبوط فامكنتش بلاحظ الدخنة البيضاء)

العيب عليا أنا ياباشمهندس
المفروض ماكنتش أستعجل ولا أثق في كلام الميكانيكي ولا كلام أي حد واروح بيها على أي بنزينة أقيس كبس وأشوف العربية أحوالها ايه.
هو للأمانة قال لي
- العربية دي بما يرضي الله عشرة على عشرة بس هتحتاج طقم شنبر بعد سنة تقريبا.
- بكام يا عم طقم الشنبر؟
- ب 400 جنيه.
- قلت مع نفسي "400 جنيه مش حاجة وكمان بعد سنة يعني مصلحة".
- قلت له على بركة الله.
غير إن الراجل صاحب العربية وثقت فيه وكلمته
وأكدت عليه قلتله العربية بتاكل زيييت؟؟؟؟ قال لي العربية مابتكلش زيت خالص!


أول ماستلمتها غيرت:
بطارية في جلب مقصات في بارات علبة دركسيون في مساعدين ن إلخ.

بعد مالقيت العيوب دي. كل لما أندم أصبر نفسي بالموتور اللي سحبه كان عاجبني جدا.
بعد الخمس شهور قلت أعمل النص عمرة وفتحت الموتور واتصدمت الصدمة الكبرى!!!!

والله السيناريو دا بيحصل في عربيات كتير
انا عربيتي اول ما جبتها كانت مفيهاش اي مشاكل غير حته ف الجنب اليمين فيها بارومه و المساعدين كانو خفاف شويه
بس مشكلتها ان كان فيها شغل كتير مش مظبوط و صلحته واحده واحده

انا كنت جايب العربيه دي عشان الماتور بردو و كان سحبه جامد و كنت فرحان بيه
بس جاب زيت و اما فتحته واحده واحده كل حاجه فيه جديده بس الميكانيني الي عمله عمره قبل كدا ركب حاجه غلط ف بقت تاكل في الشمايز و كلفتني تغيير الشمايز كلها زياده علي طقم الشمبر

بس بالنسبالك انت كويس انك عرفت المشكله و قريب تجيب ماتور احسن من الي عندك و ماتبقاش زعلان ع العربيه
علي فكره الاستيراد ميزته انك بتاخده تجربه شهر لو ظهر فيه حاجه بترجعه

و بالنسبه للتعديلات ف ممكن تجيب الماتور بالفرامل و العفشه كلهم علي بعضهم اعتقد هيزيد 500 جنيه علي سعر الماتور بالفتيس