الموضوع: الى كل ملاك السيتى 1300 اللى منتظمين فى الصيانه مع التوكيل

المشاركة الأصلية كتبت بواسطة yahiahelaly

درجات الزيت موجوده برة برضة دول بيستهبلوا واقرا الي موجود على الجركن قبل ماتشترية هتلاقية مكتوب برضة لية موبيل عمللهم خط انتاج لوحدهم

شكرا لسرعه الرد
يعنى انت قصدك ايه ان درجه الزيت اللى بتتباع فى التوكيل موجوده بره...معنى كده انك مقتنع بكلامى؟؟؟

المشاركة الأصلية كتبت بواسطة hosam_m3

شكرا لسرعه الرد
يعنى انت قصدك ايه ان درجه الزيت اللى بتتباع فى التوكيل موجوده بره...معنى كده انك مقتنع بكلامى؟؟؟

أكيد يا باشا الزيت بيتباع بره بس مفيش مشاكل لو جبته من التوكيل
انا معايا هيونداى مش هوندا و سعر الزيت فى التوكيل 209 جنيه ده شل 10,000.. 4 لتر
و بصراحه اضمن مكان هو التوكيل لانى سمعت انهم بيغشوا فى الزيت المباع بره,,, و كمان هو فى التوكيل ارخص يعنى انا مش هخسر حاجه بالعكس
بالنسبة لهيونداى هى بتنصح بزيوت شل و انا والدى كان دايما بيستعمل موبيل 1 فى ماتريكس و بيقول انه احسن و صوت الموتور اهدى لكن لو بصيت فى منتدى هيونداى هتلاقى كله بيقول ان شل بيهدى صوت الموتور و موبيل بيعلى!!!
انا اخدت عربيتى و غيرت زيت شل فى التوكيل و محستش اوى بفرق بس هى لسه جديده
و كان عندى زيت موبيل 1 متبقى و زيت شل خلطهم مع بعض و اشتريت عليهم 2 لتر و حطيتهم فى الماتريكس و مفيش اى فرق!!!!

حضرتك عايز تحط شل حط عايز موبيل حط صدقنى مش هتحس بفرق ده تصورى

و مفيش مشاكل من ان الزيت يقعد 10,000 كم انا والدى مره غيره للماتريكس بعد 11,000 كم و كنت ماشى بيها اخر الف كيلو دى فى مشوار اسكندرية رايح راجع فى الصيف و التكييف شغال و بعدها مشاوير فى الزحمة الى ان تم تغيير الزيت

و اداء المكنة افضل من الاول و تسارعها من 0-100 أفضل و ده مؤشر ان المكنة سليمه و ممتازه كمان الحمد لله

نسيت اقولك ان معايا i10 موديل 2009
غيرت الزيت اللى جاى فى العربية لاول مرة عند 6421 كم
و حطوا فى التوكيل زيت شل 10,000 و بجد محستش بفرق يذكر و انا خارج بالعربية

المشاركة الأصلية كتبت بواسطة hosam_m3

السلام عليكم
انا معايا سيتى 1300 2008 مانيوال و لغايه دلوقتى عامل بيها 27000 المهم من اول مابتديت صيانه مع التوكيل و هو كل 5000 كم يغير زيت و فلتر و الزيت اللى بيغيره بيبقى موبيل 1 اللى هو المفروض ان بيقعد 10000 كم مش 5000 ---السؤال هو حد مقتنع بالكلام ده اللى انا اعرفه ان الزيت مع الوقت بيبتدى ياخد خواصه و الزوجه بتعاته بتتظبط اكتر من بعد 5000 لغايه ال 10000 و على فكره كان فيه مقال من كام شهر بحث فى جرنال الجمهوريه على الموضوع ده و قالو نفس الكلام االى بقولو ده قالو كمان ان الزيت اللى يتشتريه اللى بيقعد 10000 كم ايا كان نوعه المفروض انو يتغير على 15000 عشان تاخد اقصى استفاده منه.
جربت مره اغير زيت بره التوكيل عشان اوفر شويه و كلمتهم اسالهم لو غيرت الزيت برضه التوكيل نظام الضمان ايه قاللوى مفيش مشكله بس تعالى اشترى الزيت من عندنا ...ليه ياخونا قاللوى عشان احنا بنجيب درجه معين من الزيت حاجه كده اسمها 40 wd على حد ما افتكر و فعلا كان فيه فرق فى الكود (wd 40 ) مابيين موبيل 1 اللى بيتباع فى التوكيل و موبيل 1 اللى بيتباع فى محطات موبيل. السؤال هو عشان ماصدعكوش اكتر من كده
1-هل الصح ان احط موبيل 1 10000 كم و اغيره على 5000 زى الهبل بتاع التوكيل ده؟؟
2-حد جرب يحط شل هيلكس الترا 10000 كم و هل ممكن يعمل مشكله للعربيه؟؟
3-موضوع درجه الزيت اللى ببتباع فى الوكيل ده هلى ده فعلا بيحصل ان شركه موبيل بتعمل زيت مخصوص لمواتير هوندا غير اللى بيتباع فى محطات موبيل..و لو الكلام ده صح معنى كده اننا هانفضل نغير الزيت جوه التوكيل طول العمر او نشتريه من التوكيل بدل من محطات البنزين؟؟؟؟؟؟؟؟
بجد يا جماعه الموضوع مهم جدا و ياريت كل واحد عندو سيتى 1300 يفكر فيه و اى حد عنده خبره فى موضوع الزيت ده و جرب يحوط شل بدل موبيل يقوللى ..معلش حاجه اخيره ياريت لو حد يقولى ايه اكبر مقاس كاوتش اركبه على العربيه ده علما بأن الجنط 14 عادى مش سبور ينفى اركب 195x55 ولا اخرى 185 وشكرا ليكم و لااعظم منتدى على النت

بص يا كنج مواتير هوندا اللي في العالم كله المفروض انها بستخدم زيت castrol المخصوص لمواتير هوندا اما النصب اللي بيحصل في التوكيل لاتعليق عليه
حط اي زيت مش هيفرق ابدا سواء كان موبيل او شل وغير بره التوكيل ومش هتتطلع بره الضمان

طب إنت بتعما إيه بالنسبة للزيت يا هلمنز؟
بتغير فين و إيه و على كام كيلو؟

انا بشكر كل الاخوه اللى ردو و انتظار المزيد من الردود و الخبرات