الموضوع: أخدت مطب جامد العربية اتهبدت فيه وحصلت حاجة غريبة جدااااااا

المشاركة الأصلية كتبت بواسطة astradti

حضرتك الحمدله ع السلامه اولا واخيرا
مدام العربيه رجعت ع وضعها الطبيعي نقول الحمدلله
بس يفضل انك تروح تفحص العربيه ع الكبيوتر وتتطمن ا ن شالله

الله يسلمك ، الحمد لله، ان شاء الله هروح اكشف عليها مع صيانة ال 10000 كم

اشكرك علي اهتمامك وردك

المشاركة الأصلية كتبت بواسطة naders500

انت عربيتك ايه ؟
لو حسيت بنتشه أو صوت غريب فى الجير بوكس يبقى تكشف عليه احسن ؟

اولا اشكرك علي اهتمامك وردك،

العربية نيو اكسنت 2009 اتوماتيك، بصراحة طول مانا مش بقرص في الطلوع بالعربية مش بحس بأس نتشة انما لو قرصت وانا بطلع بحس فعلا بنتشة ولكن للأمانة دا من قبل الخبطة.

انا اللي نفسي اعرفة هو ازاي الفيتيس اتنقل لوحدو من d لل n ؟ وهل لو خبطة جامدة فعلا ممكن تعمل كدة وتنقل الفيتيس ولا دا نتيجة مشكلة حصلت نتيجة الخبطة؟؟؟؟؟

ارجو اللي عندو رد يفيدني. وشكرا

المشاركة الأصلية كتبت بواسطة basemzaki

السلام عليكم،

الي خبراء السيارات، اخدت علي طريق سفر مطب جاااامد جدا العربية اتهبدت فيه، لدرجة ان الفيتيس اتنقل من علي d الي n لوحدة.

المهم بعد ما اخدت المطب ولقيت العربية اتمورت لوحدها رحت ناقل الفيتيس علي ال d من غير توقف.

اللي حصل بأة ان ال rpm مع السرعة فضل يعلي متواصل لغاية ما انا حسيت ان في حاجة غلط بتحصل رحت واقف ومبطل العربية ودورتها تاني ومشيت لقيت الأمور رجعت تمام.

السؤال ازاي العربية اتمورت لوحدها وازاي ال rpm يفضل يعلي من غير ما ينزل.
هل حصل مشكلة في الجير الاتوماتيك تستدعي اني اروح التوكيل واكشف عليه ولا لأ.

اسف للاطالة، في انتظار ردودكم.

بص يا باشا انا مليش فى الاتوماتيك خالص
بس كل العربيات المانيوال اللى سوقتها لبست بيها مطبات على 80 و اكتر و الحمد لله مفيش اى حاجه

طالما حضرتك محستش ان الفتيس اتأثر بعد الصدمة و رجع اشتغل بشكل طبيعى احمد ربنا و لو قلقان اوى ممكن ترفع العربية و تكشف اما فى التوكيل او عند واحد بيفهم

بخصوص ان الفتيس نقل لوحده اعتقد ممكن من شدة الخبطة النقلة راحت على N علشان الترس فى الوضع ده مفيش عليه تحميل (الترس هينفصل عن المكنة) و بالتالى محول العزم Torque Converter و ال Clutches خدت الطريق الاسهل فى انها تروح على N و ميبقاش فى حمل على التروس.. ده تصورى و يحتمل الخطأ

بس ممكن تقولنا هل الاكصدام اتأثر او العتب او لاحظت أى شىء غريب اثناء السير.. لانى لما قولت انى اخدت مطب على 80 بالماتريكس و العربية متأثرتش كل الناس كذبتى من اصحاب النفوذ الضعيفة

خير ان شاء الله و متشلش هم انا ياما حصلت معايا و فى عربية صغيره و مشيت بعدها يجى 100 او 150 ألف كيلو بدون مشاكل اطلاقا... تحياتى

المشاركة الأصلية كتبت بواسطة SE_coralsea

شوف هو ممكن مايحصلش تأثير مباشر للمطب الجامد علي سرعة عالية , لكن ممكن اثره يبان بعدين في الاتي :
- قواعد الموتور
- جلب المقصات
- الكوبلن
- المساعدين
- الجنوط و الكاوتش
المقصود بالتأثير الغير مباشر أن العمر الافتراضي هايقل ده أذا لم يحدث اثر سريع في التو و اللحظة لأي من تلك البنود السابقة و ده برضه عن تجربة في (لانسر اوتوماتيك - لانوس - ألنترا 2005)

انا فعلا العربية الوحيدة اللى عملت معايا مشاكل بدرى بدرى هى اللانوس و كانت داخله فى علبة دريكسيون و كبالن عند 40-50 الف كيلو و بعهتا علشان اخلص منها
و لى صديق عنده معرض ايجار سيارات فيه لانسر خدها معايا للميكانيكى كان بيخرطلها قعدة موتور و بيربط عفشة كل 6 شهور بس دول حالة استثنائية لان كل اللى بيأجروا بيبهدلوا العربية

هو كان عنده فى المعرض كورولا و لانسر و ماتريكس و لانوس و نوبيرا
قالى ان انضف عربية فيهم محتفظة بحالتها هى الكورولا و كانت 2005 و الكلام ده سنة 2008
بعدها الماتريكس و هو اللى حفزنى انى اشتريها

و انا الميرا اللى كانت معايا كنت بنزل بيها العبور من سنة 2000 و لو حضرتك تعرف الطريق هناك كان ظلمه و مفيش اى اشارات و كل كام يوم يحطوا مطب فى الارض و اخدت بيها هناك مطبين محترمين بطن العربية اترزع ابشع رزعة و العربية اتحدفت جامد بعد المطب و تأثير ده على العربية مظهرش خالص زى ما قلت قبل كده مفيش و لا مساعد و لا مقص و لا علبة دريكسيون او اى حاجه اتغير لحد 250 الف الا كبالن فقط علشان الجلدة بتاعتها اتقطعت و دخلها رمل و الكوبلن اخشن و اتبهدل.... يمكن علشان العربية دى يابانى؟؟؟ يمكن قطع غيارها معمرة؟؟؟

بس بالنسبة لان فى تأثير فأكيد ايوه و هتحس بسيبان فى التابلوه و اصوات غريبة شويه ناتجه من شدة الصدمة و تأثيرها على المسمامير فى كل جزء

لكن بالنسبة لعلم هندسة المواد مش زى ما احنا متصورين فى كل حاجه

مثلا المصنع بينتج قطعة بيبقى معمول عليها اختبارات تحمل اجهادات حتى life cycle معينه و دى حاجات معروفة بأسم endurance او fatigue limit اللى هو حد الكلل يعنى اقول مثلا القطعة دى تستحمل 10 مليون صدمة shock علشان توصل لحد الكلل و تفقد خواصها او تنكسر و يحدث ليها mechanical failure
و فى حاجات ممكن تعجل من التلف بس مش من صدمة واحده لان فى حاجه مهمة جداااا فى التصميم اسمها safety factor انى اقولك القطعة دى بتتحمل 50 كجم و فى تستحمل 80 كجم عادى.. زى الاسانسير يقولك اقصى وزن 450 كجم و هو اخره 600

زى ما حضرتك تمسك بلاستكه سوداء و تحاول تكسرها مش لازم تتكسر من اول مره ممكن تلاقى جزء منها بدأ يبيض نتيجة الالتواء و تحمله يقل لحد الكسر

و معروف من زمان ان اليابانيين عباقرة فى تصنيع مواد بتتحمل الخيال
و شكل كوريا كده ناويه تحصلهم و جودتها بقت عاليه جدااااا

تقبل تحياتى..