ومين سمعك يا اخى الكريم .. فعلا مركز صيانة غبور فى ابو رواش من اسوأ مراكز الصيانة حتى على مستوى غبور نفسه .. انا عملت فيه صيانة الماتريكس 1000 . 5000 .10000. 15000 .20000 .25000 .30000. 40000 .50000 وداخل على ال 60000
اولا : لابد من تحديد موعد لدخول الصيانة وطبعا بالاتصال قبلها ويكون الموعد عادة بعد اسبوعين تلاتة لاباس ماشى الضغط كبير
ثانيا : انا بسلمهم العربية الساعة 10 صباحا باستلمها من اربعة و انت طالع واخرمرتين استلمتها بحلول السادسة مساءا .. بهدلة طبعا والقعدة متعبة جدا كل الفترة دى وبسؤالك عن المهندس اللى استلم العربية منك لا تجده ودائما فى الورشة ولما تلاقيه بيكون مش عارف حاجة عن عربيتك هو سلمها وخلاص وطبعا بيدى تقدير من عنده عن الوقت المتبقى بعد ساعة وساعة وراها ساعة والناس لبعضيها .
ثالثا : الاستلام فعلا بعد الدفع ولا يسلمك احد انما تجد عربيك فى الركن البعيد الهادى حضرتك تتفضل مشكورا باستلامها مع نفسك كده من غير ما تعرف ايه اللى حصل ولا اللى وصل وتاخد نفسك زى الباشا وتسلم ايصال الاستلام على الباب واودعك طيب الملاحظات اللى قلت عليها للمهندس فى منها لم يتم مش عارف والله يابيه ارجع للمهندس طيب .. مش عارف ارجع لل... طيب ... طيب سلاموا عليكم وتروح احسن لانك مش هاتاخد حق ولا باطل
رابعا : اسعار الصيانة كانت مجانية عند الاف وبعدها كانت تقريبا 165 بالضريبة عند كل 5000 ولكن الغريبة انهم خلوها 450 عند كل 10000 وقال ايه صيانة ال 5000 اللى بعدها مجانى طيب ما انتو واخدين اكثر من ثمن الصيانة فى المرتين 165 *2= 330 خلتوها ليه 450 كثير قوى حسبى الله ونعم الوكيل غير ان صيانة ال 5000 تكون بتغير فلتر الهواء فقط والتشيك على العربية اما ال 10000 ففيها تغير زيت وفلتر وفلتر هواء ومراجعة طنابير السيارة والكشف على التيل وسير الكاتينة الذى لا يغير الا كل 60000
خامسا : سوء ادارة وابتزاز لاموال العميل بالباطل وعدم تقديم الخدمة المطلوبة للعملاء بشكل لائق
وتقبل مرورى
المفضلات