أغطية اللوجان

**chato_eg** · 26-10-2009 11:32 AM

بخصوص ال Sticker بتاع المنتدى
يا وحوش يا نعملوا موضوع فى قسم الاستفسارات ...يا إما حد يكلم شاركى...
الإدارة بأعضائها هى إللى عندها فكرة مين معاه ال Sticker دلوقتى و بكام....
لكن أنا لا أملك أى معلومات عن ال Sticker خالص
وجوده يعطى الحق للعضو فى الحصول على تخفيضات من المؤسسات التى قدمت عروض للمنتدى
لو مش موجود ال sticker يبقى كل إللى أقدر أعمله خصم 10% من الثمن و يبقى الغطاء ب 180 جنيه بدون مصاريف توصيل

**chato_eg** · 26-10-2009 11:32 AM

المشاركة الأصلية كتبت بواسطة Amr_Moh

١٠٠ ١٠٠ ياهاني

شكرا يا عمرو

**AbO_FaRaH** · 26-10-2009 12:25 PM

المشاركة الأصلية كتبت بواسطة chato_eg

و لو جمعنا عدد يبقى ب 150 كمان

انت عاوز نجمع عدد كم؟؟؟؟

بص يا مان حاول توصل معهم لاتفاق جامد....بالعدد يعنى لو العدد 10 مثلا يكون السعر كذا ,ولو عشرين يكون السعر كذا.....وهكذا

واحنا ممكن نفتح موضوع ونحاول نجمع عدد كبير ونستفيد من الخصم....فكر و رد عليا

**MoHaMed HaMeD** · 26-10-2009 01:29 PM

احنا دلوقتى بقينا اكثر من 5 يعنى المفروض الغطاء ب 150 جنيه الى معه استيكر صح كده ولا!!!

**engziada** · 26-10-2009 02:17 PM

المشاركة الأصلية كتبت بواسطة chato_eg

أعضاء المنتدى علشان يتمتعوا بخصومات مقدمة من بعض المؤسسات العاملة فى قطاعات تدور فى فلك السيارات....لابد من حصولهم على sticker المنتدى

أنا مش فاكر ال sticker ده كان بكام...لإنه معايا من ديسمبر إللى فات

تقريبا 30 جنيه أو 25 جنيه..مش فاكر بالظبط

حضرتك لو عايز الغطاء و مش ناوى على ال sticker ممكن تعمل order عن طريق موقع الشركة و يا ريت تدخل فى ال order رابط لصفحة الملف الشخصى بتاعك فى المنتدى..و أنا من ناحيتى هأخليه يكون ب 180 جنيه ( بدون شحن ) فى الحالة دى....
أو عن طريق التليفون ( موجود على موقع الشركة ) بس تبلغنى ببيانات حضرتك..علشان أخليهم 180 جنيه بس

و هتقوم شركة شحن بتسليم الغطاء لحضرتك فى الاسماعيلية زى ما حصل مع عملاء الاسكندرية الأستاذ جمال ( عميد المنتدى ) و الأستاذ محمد الطويل فى الموضوع التالى صفحة رقم 7
http://www.nilemotors.net/nile/60580...r-egypt-7.html

لو حضرتك عايز الغطاء و ناوى على ال sticker ..يبقى السعر هيكون 160 جنيه بدون مصاريف الشحن للاسماعيلية...

مصاريف الشحن للإسماعيلية ..أنا ما أعرفهاش..و لا أعتقد فى حد فى شركة topcover حتى يعرفها...كل إللى أقدر أقول لك عليه إن الشركة بتسلم الغطاء فى مقر شركة الشحن فى القاهرة و حضرتك هتستلم فى مقر شركة الشحن ...بالنسبة للإسكندرية كانت مصاريف الشحن 3 جنيهات ....مش عارف إيه النظام مع الإسماعيلية و هل هتكون نفس الشركة..لكن أكيد مش هتكون الأمور أبعد كتير بفرض إنها بعدت

فزى ما حضرتك تحب...بال sticker هيكون ب 160 جنيه ( و يمكن 150 لو جمعنا عدد من الطلبات و أنا شايف إننا ممكن نوصل ل 5 طلبات بسهولة ) أو ب 180 من غير ال sticker

شكرا على التوضيح ..
طيب انا دلوقتي ناوي أجيب الإستيكر علشان أبقى دايما في العروض ..
أجيبه منين ؟
و كنت قريت موضوع عن محطة غسيل سيارات في الإسماعيلية إسمها "كار كير" و شوفت طلبات علشان تبقى موزع للإستيكر في مدن القناة , هل ده موجود ؟ و لو مش موجود إيه هو أقرب مكان أجيب منه الإستيكر ؟

**MoHaMed HaMeD** · 26-10-2009 04:04 PM

شاركى رد عليا وقالى الكلام ده
((للأسف لا يوجد إستيكر حاليا
و جارى طبع كمية جديدة))

**chato_eg** · 26-10-2009 05:49 PM

یا آحمد باشا فاروق....لو العدد زاد-و أنا أصلا لا أتوقع إنه يزيد للدرجة دى- ما تتوقعش إنه هيكون التخفيض كبير للدرجة التى تستحق الانتظار

الأسعار إللى أنا بأقولها دى تقترب بدرجة كبيرة جدا من أسعار البيع للتوكيلات ...إللى طلبياتهم بتكون 50 قطعة على الأقل...و كمان مستمرة.....مش مرة و بس

فأنصحك ما تتعبش نفسك بموضوع لو 20 قطعة يبقوا بكام...
خصوصا إن مين هيتولى توزيع 20 قطعة على 20 عميل...
التوزيع ده هيكون مجهود شخصى منى بدون أى مقابل علشان خاطر الوحوش
و غالبا أنا كمان إللى هأروح أجيبهم من المصنع...

أنا مش بأحبطك و لا حاجة
لو عايز تستنى لما تجمع 20 طلب و يتم إنتاجهم خصيصا للوحوش
بس تتولى إنت توزيعهم...مافيش مشكلة
أيمن من قسم بروتون ...فعلا قام بالموضوع ده...لكل عربيات بروتون
جمع عدد...حوالى 10 ...من عربيات مختلفة...و أنا اصطحبت الناس إلى مقر المصنع ..و تم رفع مقاسات السيارات المطلوبة...و تم تسليم الطلبية لأيمن...و هو تولى توزيعها...و أخدوا تخفيض على ال Sticker و الغطاء

كان الموضوع ....أولــــى العـــروض للبــروتونـــاويـــــــــ ــــــــــــه

على كل..أنا عرفت النهاردة إن شغل EIM اتعمل خلاص...فعلى مهلكم..خدوا وقتكم..مافيش استعجال...كده كده طلباتكم هتتعمل لوحدها....

**chato_eg** · 26-10-2009 06:02 PM

المشاركة الأصلية كتبت بواسطة HaMeD_73

احنا دلوقتى بقينا اكثر من 5 يعنى المفروض الغطاء ب 150 جنيه الى معه استيكر صح كده ولا!!!

مافيش 5 و لا حاجة....
هو حضرتك و الزميل أحمد فاروق و الزميل ( engziada )...لكن أنا متوقع الوصول لأكتر من 5 كمان....

**MoHaMed HaMeD** · 26-10-2009 06:14 PM

المشاركة الأصلية كتبت بواسطة hamed_73

شاركى رد عليا وقالى الكلام ده
((للأسف لا يوجد إستيكر حاليا
و جارى طبع كمية جديدة))

؟؟؟؟؟؟؟؟؟؟

معرفش هيخدا وقت اد ايه وانا محتاج الغطاء علشان ان شاء الله ناوى بكره اروح ارخض وابدأ انزل بيها وكده

**I.S.L.A.M** · 26-10-2009 07:17 PM

مساء الخير ياباشا انا العربية معايا من حوالى شهر :b4_048: فول اوبشن البترولى وفعلا محتاج غطاء العربية ودا رقمى 0121351407 وانا من الهرم وشغلى فى مصر الجديدة ازاى اديك فلوس الغطاء وفلوس الاستيكر واعتبرنى من الجادين فى الحجز ومعلش هتعبك معايا ياباشا والف شكر على موضوعك سلاااااااااااااام.

الموضوع: أغطية اللوجان

LinkBack

أدوات الموضوع

عرض

-

-

-

-

-

المواضيع المتشابهه

طلب من رجالة اللوجان اجيب جرايد شبكه سقف اللوجان منين

باركولي يا وحوش اللوجان استلمت اللوجان امبارح ودي ملاحظاتي عليها

مرايا اللوجان المغربى الكهربا تشبه اللوجان الرومانى موديل 2010

اللوجان مش بتعوم يا جماعة (موضوع هام لملاك و محبي اللوجان)

لمنع سرقة أغطية بلف العجلات

الكلمات الدلالية لهذا الموضوع

المفضلات

المفضلات

ضوابط المشاركة