افضلهم عن تجربة الفارتا
وسمعت acdelco كمان نظيفة جدا
عرض للطباعة
افضلهم عن تجربة الفارتا
وسمعت acdelco كمان نظيفة جدا
دفعت فيها 475على القديمه توكيل رينو قالولى ده احسن نوع
ما افضل نوع فى البطاريات الجافة فقط وهل عمرها بيكون زى السايلة ولا اطول او اقصر ؟؟
فارتا انضف حاجه....السايله عايزه صيانه ولما بتسخن بتنزل سائل بياكل فى الشاسيه بتاع العربيه اوعى تجيبها....
الجافة أطول لأنها لا تحتاج لصيانة والسايلة من غير الصيانة والكشف المستمر ممكن تغيرها تانى يوم..
ولو راكن العربية فترة الجافة مابتنمش بسهولة..
السوائل اللى بتنزل من السايلة بتهلك العربية..
الفارتا رائعه قعدت معايا 4 سنين ونصف وعملت بكفائه ممتازه طوال هذه الفتره ... الجافه دايما افضل من السائله فى العمر وعدم احتياجها للصيانه او تغيير الماء المقطر
الفارتا الالمانى ... ياسلام عليها .. حطها وانساها , ومش حاتفكر فيها الا بعد خمس سنين .. هى اغلى شوية .. بس 100 % ................ :S_thum1[1]::10D5C8~1107:
معايا فارتا جافه باقلها اكثر من 3 سنين والحمد لله
هات جافه فارتا انا لسه جايب واحده كلورايد دن 66 امبير لعربيتى فكترا 2000 سىسى جبتها ب 430 جنيه بس كويسه الحمد لله
تعمل كام الفارتا الالمانى انا اعرف انها تتابع ف التوفيقيه
بس ياترى بكام
ول فيه حاجه بره كويسه زيها بس سعرها مثلا ف حدود 300 جنيه ممكن يكون نوعه ايه جافه برده
فارتا جافة
السعر حسب المقاس
هاتها من التوكيل نفسه احسن عشان السوق مليان مضروب .... و من الوكيل مضمونة سنة
الوكيل هو ممدوح مبروك غطاطي
ليه فرع في مدينة نصر امام مترو ماركت اللي ورا جنينة مول و فيه فروع اخرى بس معرفهاش
هانكوك جافة كورى 55 أمبير فى حدود 310 وتقريبا الكلورايد قريبة فى السعر..
انا لسه جايب فارتا 55 امبير ب 400 جنيه
+1
ليه كمان الفرع الرئيسي بتاعه في آخر فيصل قريب من المريوطية فرع كبير جدا عمارة كاملة عليها اللوجو بتاع فارتا وإسمه
أنا جبت آخر مرة حاجة إسمها فاروس كوري أو أندونيسي مش فاكر عشان حبيت أسترخص .. ساعتها عرفت الفرق بين الفارتا الألماني وغيرها
الفارتا الألماني فعلا جافة .. غيرها بيبقى سائلة أصلا لكن متقفلة على إنها جافة ولو هزتها جامد شوية تسمع صوت المياه بداخلها يعني مش جافة ولا حاجة
وطبعا في المايل ستون الأمريكاني هية أحسن بس سعرها ضعف الفارتا
و ال ac delco محدش جاب سيرتها خلاص هى وحشة ولا ايه ؟؟؟
الdelkor امريكى و دلواقتى كورى بس بمنتهى الامانه بطاريه حكايه و انا مبشتريش غيرها دلوقتى
الوكيل بتاعها الكمال فى المهندسين شارع البطل احمد عبد العزيز بعد مكتبه مدبولى و انت رايح ناحيه مطلع كوبرى 6 اكتوبر
AC-Delco بطارية ممتازة
البطارية معها ضمان أستبدال بدون أى خصم مقابل الأستخدام لمدة سنة
جافة و فيها مؤشر بيوضح حالة البطارية
اللينك القادم ممكن حضرتك تأخذ فية فكرة عن بطاريات AC -DELCO
أنا راكب فى عربيتى بطاريه جافه ماك باور و فيها مؤشر ألوان تدل على حالة البطاريه
داخله على سنه و الحمد لله من غير مشاكل
الأفضل في السوق من سنتين :) (وقت شرائي للبطارية) هو فارتا ألماني
الفرق بينها و بين غيرها من الماركات هو العمر الافتراضي و هو دائما لصالح الفارتا الألماني
البطارية الجافة هي نفسها السائلة و لكنها مصنعه بدقة و معزولة تماما و الإسم الأصح هو maintenance free battrey أي بطاريات منعدمة الصيانة و ذلك بسبب العزل الجيد المانع لتسرب أو تبخر الماء من داخلها و هي أفضل لأن البطاريات العادية تحتاج صيانة و يكون الماء المضاف في الصيانة غير مقطر و حجم الماء غير مضبوط و هكذا كل مرة و تكون النتيجة قصر عمر البطارية و تآكل الدهان و المعدن نفسه داخل حوض الموتور أسفل البطارية
الأفضل فارتا ، و إذا كان مطلوب أرخص خليك في ACDelco و هي (من سنتين برضه) كانت أمريكي و مصنعه بالسعودية
انا لسه جايب فارتا الامانى 55 امبير ب 410 جنيه و اخد القديمه ب 50 جنيه يعنى وقفت عليا البطاريه ب 360 جنيه
شكرا لكل الاعضاء على الردود وبكده نطلع من الموضوع ان الفارتا الالمانى احسن بطارية جافة والانواع التانية بلاش منها
الفارتا الالمانى
غطاطى ليه فرع
فى اكتوبر
وفرع تانى فى فيصل جنب كلية التربية الرياضية
والمركز الرئيسى فى مريوطية فيصل
فارتا الماني
عاشت معايا 3 سنين وكام شهر وكانت بتبقى مركونة حوالي 8 شهور في السنة بس بالأمانة كنت بفصلها لما اسافر
الضمان اللى عليها بيبقى كام شهر ضد عيوب الصناعة ؟؟؟
ac delco ممتازه
اول ماجبتها كان عندي مشكله في الدينامو ماكنش بيشحن والبطاريه كان ممكن تبوظ ... بس صلحت الدينامو وشغاله زي الفل بقالها سنه ونص
عليها ضمان سنة
أنا اشتريت عربيتي مستعملة (مازدا 323 موديل 82) وكان راكب فيها بطارية AC Delco.
ماكملتش معايا نص يوم من ساعة الشراء :D.
واتصلت بالراجل قلتله انت جايبها من امتى؟
قال لي أنا جايبها من سنة وشهرين.
فعلا شكلها مصممة إنها تشتغل لحد مالضمان يخلص :D
هات فارتا من عند الوكيل ممدوح مبروك غطاطي في فرع في فيصل المريوطيو وضمان سنة انا كنت شاريها 60 امبير بحوالي 370 جنية وفاصل معاهم في السعر
عاوز اعرف نوع بطاريات ممكن اشتريها تكون كويسه وتكون 70امبير
وشكرا علي التعاون
انا اللى اعرفه انو افولتا كويس
فارتا الالمانى طبعاً
انا اعرف انا الفارتا نوعين الماني ودي سعرها غالي ونوع فارتا مصري
وكنت عاوز اعرف فيه بطاريات جديدة كوري فيها حرف m كونت عاوز اعرف نوعها
مع كامل إحترامي لآراء الإخوة في المنتدى ، أنا لي رأي في البطاريات الجافة قلته سابقا في المنتدى:
أولا البطارية الجافة دي استهبال من الشركات لأنه ليس فيها تكنولوجيا جديدة ولا حاجة وفيها نفس الحامض و الرصاص و الأقطاب ، وكل اللي حصل أنهم قفلوها من أعلى ؛ لحرمان المستخدم من زيادة الماء المقطر عند اللزوم ، وذلك في حالة زيادة الشحن ، فإذا حدث فيها نقص مياه وباظت حيقول لك : العيب مش في البطارية ن إنما في الدينامو بتاع عربيتك روح صلح الدينامو وعوضك على الله في البطارية أم 500 جنيه!! . أنا وجهة نظري إن ده نصب واستهبال ، وليه ده كله ؟ علشان لا تحتاج لصيانة ، وإيه هي الصيانة؟ هي إنك تبص على مستوى المياه كل فترة وتزود ماء مقطر من زجاجة بجنيه ونص. مش عارف وجهة نظر الإخوة الأفاضل اللي بيشتروها ويفضلوها عن العادية وهي أغلى منها من100-150 جنيه على الأقل! طيب ليه أرمي الفلوس-حتى لو أنا متيسر الحال ومبلغ 150 جنيه مش فارق معايا ، لكن ليه أسمح للشركات دي إنها تنصب عليا، وهي ليه أصلا أغلى ومفيش فرق بينها وبين العادية غير أنها مقفولة -علشان يزودوا استهلاكها ويزودوا مبيعاتهم-المنطقي أنها تكون أرخص من العادية مش أغلى. الصراحة دول نصابين وكمان مفتريين، وده رأيي المتواضع مع عظيم التقدير لآراء الآخرين