السلام عليكم
يا جماعة انا عندي عربيتي عايز اير البطاربة لانها نامت (عمرها 4 سنين) و عايز اجيب ac-delco بي مش عارف اجيبها منين وتكون رخيصة عشان في اللي يقول 350 و 400 وحاجات كدة
حد يعرف فرع ac-delco توكيل في مصر؟
اسف للتطويل
شكرا
عرض للطباعة
السلام عليكم
يا جماعة انا عندي عربيتي عايز اير البطاربة لانها نامت (عمرها 4 سنين) و عايز اجيب ac-delco بي مش عارف اجيبها منين وتكون رخيصة عشان في اللي يقول 350 و 400 وحاجات كدة
حد يعرف فرع ac-delco توكيل في مصر؟
اسف للتطويل
شكرا
ياريت تجيب فارتا افضل وتشتريها من الوكيل بتاعها ممدوح غطاطي ليه فرع في المريوطية فيصل والتاني في مدينة نصر والسعر في حدود 350 جنية تقريبا 60 امبير
سعر الفارتا دلوقتي 55 امبير 430 بالقديمة
شكرا لردك
لا انا مختلف معاك لان البطارية الجافة متسبش اثر في مكانها فيحوض العربية وكمان بتريح دماغك من ناحيتها خالص لامحتاجة تمشي بزجاجة مية ولامحتاج كل شوية تنضفها بمية ساخنة ومن الاخر بتركبها وتنساها . بص طبعا هي محتاجة عربية تكون موديلها حديث اما الموديلات القديمة فيفضل السائلة طبعا .
اما بالنسبة لافضل نوع بلاشك الفارتا الالماني
لا انا مختلف معاك لان البطارية الجافة متسبش اثر في مكانها فيحوض العربية وكمان بتريح دماغك من ناحيتها خالص لامحتاجة تمشي بزجاجة مية ولامحتاج كل شوية تنضفها بمية ساخنة ومن الاخر بتركبها وتنساها . بص طبعا هي محتاجة عربية تكون موديلها حديث اما الموديلات القديمة فيفضل السائلة طبعا .
اما بالنسبة لافضل نوع بلاشك الفارتا الالماني
لو حد يعرف التودور وسعرها يبقي كتر خيره
انا دخت عليها وهي دي اللي عايزها(العربية شاريها فيها تودور)
البطاريات السائلة أفضل :
أبدأ بقول مأثور حتى لا يزعل مني أحد من أصحاب الآراء المخالفة لرأيي:
(رأيي صواب يحتمل الخطأ ورأي غيري خطأ يحتمل الصواب )
مع كامل إحترامي لآراء الإخوة في المنتدى ، أنا لي رأي في البطاريات الجافة قلته سابقا في المنتدى:
أولا البطارية الجافة دي استهبال من الشركات لأنه ليس فيها تكنولوجيا جديدة ولا حاجة وفيها نفس الحامض و الرصاص و الأقطاب ، وكل اللي حصل أنهم قفلوها من أعلى ؛ لحرمان المستخدم من زيادة الماء المقطر عند اللزوم ، وذلك في حالة زيادة الشحن ، فإذا حدث فيها نقص مياه وباظت حيقول لك : العيب مش في البطارية ن إنما في الدينامو بتاع عربيتك روح صلح الدينامو وعوضك على الله في البطارية أم 500 جنيه!! . أنا وجهة نظري إن ده نصب واستهبال ، وليه ده كله ؟ علشان لا تحتاج لصيانة ، وإيه هي الصيانة؟ هي إنك تبص على مستوى المياه كل فترة وتزود ماء مقطر من زجاجة بجنيه ونص. مش عارف وجهة نظر الإخوة الأفاضل اللي بيشتروها ويفضلوها عن العادية وهي أغلى منها من100-150 جنيه على الأقل! طيب ليه أرمي الفلوس-حتى لو أنا متيسر الحال ومبلغ 150 جنيه مش فارق معايا ، لكن ليه أسمح للشركات دي إنها تنصب عليا، وهي ليه أصلا أغلى ومفيش فرق بينها وبين العادية غير أنها مقفولة -علشان يزودوا استهلاكها ويزودوا مبيعاتهم-المنطقي أنها تكون أرخص من العادية مش أغلى. الصراحة دول نصابين وكمان مفتريين، وده رأيي المتواضع مع عظيم التقدير لآراء الآخرين
وعلى فكرة : هو ده نفس مفهوم قطع الغيار اإستهلاكية : مثلا الفانوس الخلفي : دائما ما يحتاج المستهلك الوش فقط الذي انكسر ولكن لا يباع إلا كتلة واحدة علشان يرفعوا سعره - وكذلك الرادياتير الفيبر اللي ميتلحمش - لازم يتغير ومعظم الأجزاء البلاستيكية و الإكصدامات الفيبر المبالغ في سعرها والأمثلة كثير جدا
أخير : البطارية الجافة : إمتى خرجت من مصنعها في انتظار إن سيادتك تشتريها - بقى لها كام شهر عند التاجر وهي في حالة جاهزة للتشغيل و الحاض موجود فيها والتفاعل الكيميائي المنتج للكهرباء شغال -بدليل إنك بتشتريها و تركبها على طول- الشهور دي من ساعة ما خرجت من المصنع لغاية ما اشتريتها هي مخصومة من عمرها الإفتراضي و علشان كده ناس بتعمر معاها وناس لأ
أما السائلة فيتم تخزينها لدى التاجر من غير حامض ، ويتم وضع الحامض أمام حضرتك وتشغلها بعد ساعة وهنا يبدأ عمرها الإفتراضي- هل فكر الإخوة المتحمسين للبطاريات الجافة في النقطة دي ؟؟؟
ياريت يردوا -إذا كنت أنا مخطيء ويوضحوا لنا وممكن اللي عنده بطارية جافة قديمة يكسرها ويشوف فيها حامض ورصاص زي السائلة واللا لأ - لمن أراد أن يتأكد - لكن أنا متأكد من المعلومة وبتوع البطاريات بيشتروا القديمة أو يخصموا ثمنها علشان بتتباع لتجار الرصاص زي السائلة بالضبط
شباب انا عايز acdelco او tudor
هل منصور بيبيع acdelco? لاي عربية ولا لازم شيفرولبه او اوبل؟
و سعرها كام 55 امبير؟
من فضلكم يا جماعة انا عايزها ضروري لاني البطارية ماتت ومحتاج اسافر الاسبوع الجاي
لكم جزيل الشكر
متابع
وربنا يوفقك وتلاقى طلبك
النسر فارتا السائلة دي موجودة فين و بكام؟
سؤال انا معايا هيوانداى الينترا وعايزلها بطاريه سائله بدل هى افضل
اجيب ايه نوعه وكزيس واعرف منين انها كام امبير وشكرا
وياريت اجيبها منين وبكام
وشكرا جزيلا لكل الاعضاء
اولا ادهن قاعده البطاريه بماده عازلهاقتباس:
هى ممكن تكون احسن بس ليها عيب قاتل وهو احماضها بتبوظ قاعدة البطارية وحوض الموتور ومحتاجة صيانة
وكل فتر اغسلها بمياه سخنه عشان تضيع اى اثر للاحماض
الجافة أحسن طبعا:S_thum1[1]::S_thum1[1]::S_thum1[1]::S_thum1[1]:
فارتا الألمانية
هو الفارتا فيها نوعين الماني ومصري
هل هذا صحيح ام لا
ماسمهاش جافة .. دي تسمية غلط
اسمها بطارية لا تحتاج لصيانة
و مش أحسن ولا حاجة
اقتباس:
بس بعد ما تغسلها هتضطر تتدهنها تانى والكلام ده كل 3 اشهر هتعمله + الصيانة الشهرية العادية للبطارية
يبقى الجافة اريح :brn:
طب مهو عيب الجافه انك مبتعملهاش صيانه حتى تتلف يبقى دى ميزه ولا عيب
بس الى اتفق معاك فيه ان كل حاجه ليها ميزه وعيب وكل واحد بيختار الى يناسبه واحنا كده شرحنا مميزات وعيوب ال2
المفترض إن البطارية الجافة بتكون محكمة الغلق بصورة لا تسمح معها للسوائل الموجودة بداخلها للتبخر للخارج .. يعني المفروض ما يحصلش نقص أساسا في مستوى السائل ... والكلام ده موجود في البطاريات النضيفةوبعدين البطاريات الفارتا أعتقد إنها فعلا جافة وليست سائلة مغلقة ... لأن أنا شفت الفرق بينها وبين البطاريات التانية التي يزعمون أنها جافة ورغم ذلك تسمع صوت السائل بداخلها إذا هززتها قليلا
الف شكر على المعلومات والتأكيد
وانا كمان عن تجربه بشجع الفارتا الالمانى
فين يا جماعة أماكن موزعين لبطاريات فارتا الألمانى ؟
وشكراً جزيلاً
ممدوح مبروك غطاطي بشارع فيصل بعد المريوطية
ده الوكيل
وفى ادام جنينة مول امام سوبر مركت مترو وكيل بردو على فكرة كل الفرتا الالمانى متقفلة فى مصر
ممدوح غطاطى
ليه فرع عند كلية التربية الرياضية فى نص فيصل
مجموعة شركات ممدوح مبروك غطاطى http://www.yellowpages.com.eg/module.../Map-It_ar.gif
77 ش فيصل
فيصل, الجيزة
التليفون: 02-33885533, 02-33885522, 02-33850860, 02-33834702
التصنيف: اطارات
مجموعة شركات ممدوح مبروك غطاطى http://www.yellowpages.com.eg/module.../Map-It_ar.gif
383 أ ش فيصل
فيصل, الجيزة
التليفون: 02-37802752, 010-6655057
التصنيف: بطاريات
مجموعة شركات ممدوح مبروك غطاطى
المحور المركزى
السادس من اكتوبر, الجيزة
التليفون: 02-38372699, 02-38372698
التصنيف: بطاريات
و بمناسبة الفارتا الالمانى.... هل البطارية دى فيها برضه المؤشر اللى بيوضح حالتها زى ال ac delco كده و لا لأ؟
الف شكر لكم جميعاً
بس إيه موضوع إن الفارتا تقفيل مصرى ؟؟ مافيش حاجة المانى بالكامل ؟ أو إيه أحسن بطارية تنصحونى بيها ؟
ال Hankook الكورى جافة , كويسة جدا وفيها عدسة بتبين الحالة
إبعد عن السائلة عشان مشاكلها..
Varta لو ألمانى هاتها..
فارتا دلوقتي بقى مكتوب عليها اتحاد اوروبي
طيب يا جماعه اولا محل ممدوح مبروك له فعلا فرع خلف جنينة مول في مدينة نصر , وثانيا : هل انا المفروض اعرف البطاريه الي انا هجيبها كام امبير ولا الراجل الي هجيب منه البطاريه هيكون عارف ولا اشوف في كتالوج السيارة ولا ايه النظام علما بان السيارة نوعها دايو نوبيرا 2008 ثالثا ان شاء الله ناوي اجيب فارتا جافه لو دخلت في سعرها البطاريه القديمة ممكن تقف عليا في الاخر ب 350ج ولا اغلى من كده ؟؟؟؟؟؟؟؟ وشكرا
الاسعار الجديدة كالاتي يا جماعه لمن يريد الاستفاده بتاريخ 15/12/2009
1 - فارتا جافه 55 امبير سعرها بالبطاريه القديمة =410 ج وال70 امبير اغلى 100 ج وده ارخص الاسعار انا سمعت ارقام فلكيه لما لفيت تمام
2- اسيدلكو 55 امبير بالبطاريه القديمة =330 ج وده ارخص سعر
3- انواع كوري اخرى مش فاكر اساميهم الحقيقه بس سعرهم بالبطاريه القديمة يتراوح ما بين 330 الى 360 ج ارجو اني اكون افدتكوا وشكرا