مش فاهم يعنى اسعارها كده اتجنتت زى السنة اللى فاتت مع دخول السنة الجديدة
عرض للطباعة
اشتريت ac delco من شهر تقريبا والنهاردة وانا بزود مياة للماتور لاحظت وجود طرطشة
حول البطارية بالنظر الي مؤشر البطارية لاحظت ان العين غير موجودة (عين توضح حاله البطاريه مصنوعه من باغ شفاف) طلعت الطرطشة دي السائل الموجود داخل البطارية مع انها المفروض
بطارية جافه ولسة مركبة يوم 5-11-2009
وقبل مااركبها قاس الشحن وطلع 13.5 وكمان كنت مغير الكتوت بتاع الدينامو
علي فكرة انا معايا 128 يمكن هو دة السبب
انا شارى الاى سى ديلكو من سنه ونص وشغاله زى الفل معايا:rolleyes2::rolleyes2::rolleyes2:
النسر فارتا رخيصة وعليها ضمان سنة للسائلة
الجافة أفضل اي سي دلكو السعودية
انهارده من ساعة رحت اكشف على البطارية القديمة اللي في العربية هيا كان ليها سنتان في العربية وبطارية سايلة جيت ادور العربية مرديتش تدور ابدا غير بالزق
رحت للراجل بتاع البطاريات اكشف عليها قال لي انها انتهت خلاص
رحت سألته على البطارية الجافة فقال لي :
يوجد اكثر من نوع ( كلورايد - جي اس - ا سي ديلكو Acdelco - ونوعين كده مش فاكر نوعهم
كلورايد 430 70امبير
Acdelco سعودي 390 55 امبير
والانواع الاخرى 430
رحت اخذت الكلورايد 70 امبير بي 420 واخذ مني القديمة بعد مناهده معاه من30 وصلتها 55 جنيه يعني الكلورايد 70 امبير وقعت عليا 375 جنية
ايه رأيكم كويس كده السعر ولا ايه ؟
لو عاوز اعرف البطارية الجافة كويسه اعرف ازاي ؟
على فكرة البطاريه ليها ضمان سنة
:Y_hi_3[1]::vctry::Y_hi_3[1]:
هى مش بطارية الشاهين 55امبير طب لية مركب70امبير اية الميزة يعنى ومبروك البطارية
البطاريات حظوظ ,, بس جميع الأنواع السابقة ذوي سمعة طيبة ومش هتعطل على الأقل قبل مدة الضمان
مبروك البطارية
طب لو سمحتو ممكن اسعار ال55 جافة لان علامة البطارية منوره عندي في التبلوه
وهل لو انا مركب زينون وانوار وسمعات عالية وشغل كهرباء كتير مش يبقي احسن ال70 امبير
انا كان عندي البطاريه القديمة سايله 70 امبير اللي جات في العربية من المصنع وسمعت انه لو في شغل كهرباء كتير في العربية زي السماعات وخلافه يكون ال70 امبير افضل
وسعر ال 55 امبير 390 جنية تقريبا اي سي ديلكو السعودي .
انا مركب في ال 128 عندي 70 امبير و زي الفل !
انا اول مرة اسمع عن كلورايد جافة , دى صناعة مصرى ؟؟؟؟
شكر ياباشا على الاسعار
يعنى ينفع اغير من 55 الى 70 عادى ولا فى مشاكل
انا شايف الاراء مختلفه
بيتهيألي الاسعار غالية
واحد صاحبي لسه مشتري بطارية من اسبوع ب 350 وقالي ان التاجر قال له ان سعرها كان 450
وقال ان اسعار البطاريات الجافة نزلت 100 جنيه
مشكوووووور والله يعطيك الف عافيه
انا لسة مغير البطارية امبارح
55 امبير والاسعار كالاتى
نسر 160 ج
كلورايد جافة 280 ج
سوبريم وجلوبال كورى جافة 360 ج
سوليد كورى 330 ج
انا جبت السوليد الكورى ام 330 ج وحسب القديمة ب 40 ج
يعنى دفعت 290 ج
متهيالى كدة ارخص كتير من زمان...
اللى انا فهتمه ان اختيار الامبير على حسب ال سى سى بتاع الموتور
على حسب كلام الراجل بتاع البطاريات ان لغاية 1600 سى سى نستخدم ال 55
اكتر من 1600 نستخدم ال 70
شكرا لكل الاخوة المشاركين
الاسعار عالية حبتين يا أخ مسلم و اسعار الاخ فرعون هي الاقرب لان انا غيرت البطارية من شهر واحد فقط عند ميامي بتاع البطاريات اللي في فيصل و اسعاره كالتالي :
كلوريد سائلة 55 أمبير ب 260 جنيه و اخذ مني البطارية القديمة ب 40 جنيه و دفعت 220 جنيه .
في عنده marchitelli أيطالي 55 امبير ب 320 جنيه وبيأخذ منك القديمة و لامؤاخذة ب 40 جنيه برضه تقف ب 280 او 270 جنيه .
أما حجم البطارية فهو فعلا حسب سعة الموتور و الشاهين زي التمبرا بتاعتي زي ال 125 القديمة بتاعتنا كله بيركب 55 امبير لان سعة مواتيرهم لا تتعدى ال 1600 سي سي
لا اري اي ضرر من استخدام بطارية 70 امبير علي عربية محتاجة 50 امبير والعكس غير صحيح
ببساطة وظيفة البطارية تشغيل العربية بعد العربية ما بتشتغل الدينمو هو الي بيقوم بتوفير الكهرباء للاجزاء الكهربائية بالاضافة لشحن مانقص من البطارية نتيجة التشغيل
حطيت بطارية كبيرة او بطارية صغيرة بيتسحب منها نفس الكمية الي محتاجة لتشغيل العربية وهي متساوية في الحالتين بطارية 55 او 70
فاكيد ال70 افضل طاما ركبت في مكانها مظبوط:verygood:
مشتريها من ممدوح غطاطى فى فيصل شهر 4 2010 سعرها 620 وبعد الفصال و أخد البطارية القديمة أشترتها 440 جندى
نوعها ايه دي؟؟؟؟؟؟؟؟!!!!اقتباس:
مشتريها من ممدوح غطاطى فى فيصل شهر 4 2010 سعرها 620
أنا النهارده غيرت البطارية كلورايد السائلة بقلها 8 شهور بواحدة جافة ب 220 جنيه
هو قال لى لو عايز تاخد زيها يبقى تتدفع 70 جنيه
عشان أصلا كان فيها مشكلة أنها بتنزل املاح كتير
هو قالى أن كلورايد السائلة ب 313
و الجافة ب 460
مافيش حاجة اسمها بطارية جافة بس عشان الناس تبقي فاهمة
بطارية عادية بس معزولة فاسمها ( لا تحتاج لصيانة ) و طبعا ده السبب الرئيسي في ان أخرها سنة و كل سنة و انت طيب
:verygood: ماشى يا عم بطارية معزولة عزلا جيدا من نوع ممتاز
بس ده أسمها كده فى السوق
يعنى لو رحت لواحد قولتله هاتلى بطارية معزولة حشرح من هنا للسنة الجاية يعنى أيه
المهم كويس كده وﻻ أيه؟
و بعدين عايز انطف مكان القديمة و حوليها كويس عشان العامل نطف بس لقيت لسه فى حاجات
أعمل أيه؟
شكرا جزيلا على كم المعلومات الفظيعه دى ...انا قبل ما اقرأ هذا الموضوع كانت معلومات عن البطاريات تقريبا صفر ....
انا نازل دلوقتى عشان اشترى بطارية ..عشان اللى عندى ..راحت عليها نومه
شكرا مره اخرى لكل ما شارك فى هذا الموضوع باى معلومة
لو سمحتم يااحلى شباب اسعار البطاريات ال55 وال70 كام اليومين دول عشان محدش ينضحك علية بالذات ان احنا داخلين على الشتا ربنا يوفقكم
الكلورايد السائله ب 140
النسر السائله 150
الفارتا والادلر 190
الجافه من 280 وطالع...
الاسعار دى اسعار ال55
متابع باهتمام