بس اعتقد ان اسعار البطاريات السائلة اغلى من كده شوية
معقول النسر 55 بــ 150 جنيه بس؟؟؟
عرض للطباعة
طب ياشباب نقول الاماكن اللى احنا اشترنها منها عشان نستفاد لان واضح ان فعلا الاسعار بتختلف من مكان للتانى ومن نوع للتانى وجزاكم اله خير يااجدع ناس
انا استريت بطاريتى من محل فى شارع ترعه الاسماعيليه....فى طريق مسطرد من الكابلات....
بكام وقوتها كام55 او 70 يا استاذ اشرف عشان المعلومة تكمل للجميع مع خالص الاحترام يعنى نقول نقول السعر والقوة والمكان وشكرا
انا غيرت بطاريتي النسر السائله 55 بواحده جافه كوري (مش فاكر الاسم اوي بريميوم او سوبريم حاجه كده)ودفعت 300 جنيه
الله ينور عليك يااستاذ
اشرف جزاك الله خير
الله ينور عليك يا استاذ اشرف جزاك الله خير تصحيح لابد منه
الله يكرمك..
لو قريب من شبرا وحبيت تشترى بطاريه زى بتاعتى تحت امرك تشرفنى ونروح سوا....
وبصراحه .....
بعد تجربه سائله مره وجافه مرتين....
البطاريه كده او كده بتعيش سنه فى المتوسط....
فجبت سائله لأن على رأى الكهربائى بتاعى البطاريات دى زى البطيخه...انت وبختك...
طالما الدينمو بتاعك مظبوط وكله تمام هات السائله ووفر فلوسك وابقى شيك على الميه كل فتره...انا بشيك عليها شهر تقريبا ولو نقصت بزود ميه مقطره الإزازه ب جنيه واحد....
الله يخليك يا برنس بس انا قريب منك بس مش قوى بينا وبين بعض الطريق الزراعى كله لانى من اسكندرية ههههههههههه
على ما اسمع ان البطاريات غليت من يومين الكلورايد
الله ينور علىيكم وعلى المعلومات المفيدة بس على فكرة هو كلوريدا والنسر ارخص حاجة على مااسمع
يا جماعه الاسعار الى انتو بتقولوها عن ال 55 امبير دى قديمه انا البطاريه ضربت من يومين ولسه مغيرها امبارح بعد لف ودوران
وارخص سعر فى النسر فى شركه البطاريات نفسها الى فى درباله (الساعه) وكان 180 جنيه وبيقولو عليها عرض سألتهم يعنى ايه قاللى يا باشا ده عرض وسعرها الحقيقى اغلى من كده وطبعا بياخد القديمه ولو مدش القديمه حياخد 285 جنيخ يعنى فرق 105
ولو بدلت ال 55 امبير ب 70 امبير حتدفع 230 جنيه
نيجى بقا لاسعار التجار بره اقل تاجر لاقيته فى الاسعار وهو محل معروف جنب قريه عبد الوهاب قاللى النسر وحياخد القديمه 190 جنيه ولو مش حياخدها 230 تقريبا
وكلورايد لو حياخد القديمه 200 جنيه
الاسعار الى فوق دى كلها للبطاريات السايله ال 55 امبير
ايهما افضل بطاريات acdelco ام بطاريات koba
acdelco
ايه سي ديلكو
فيه واحد بتاع بطاريات قاللى احسن حاجة فارتا الالمانية بتاعة ممدوح مبروك اللى فى فيصل و قاللى ان جودتنا بتاعة مصر ربع جودتها قلت له طب عندك منها قاللى كل اللى عندى كلورايد و ايه سى ديلكو و ارورا و نسر و مش بجيب فارتا كتير علشان غالية و الزبون عاوز الارخص
في تفاوت كبير جدا
يا جماعة
احسن بطارية
اديلكوadelco
صناعة محترمة
و بتعمر
البطارية القديمة بتتباع فين و بكام ؟؟؟
أنا معايا 5 بطاريات قديمة عاوز أبعهم
انا من شهرين اشتريتها ب 460 جنيه و سيبت القديمه و نوع البطاريه كان Acdelco
شكرا
معلش يا رجالة ليا سؤال ,,,, هو ممكن يبدو غريب شوية !!!
هو انا امتى اعرف ان البطارية الجافة بقت محتاجة تتغير ,, و مينفعش تكمل اكتر من كده ,,, بس ياريت بعيدا عن اللمبه اللى موجودة لو اخضر يبقى بييس لو اسمر يبقى ناقصة شحن و لو ابيض يبقى غير ,,, لان انا بقالى سنه و شيوية اللمبة اسمر و كانت شغالة كويس ؟؟؟
متابع ,,, ياريت حد يفيدني لان انا بيحصل شوية حاجات معايا وو مش عارف اغير البطالرية ولا ملهاش دعوة
ثانيا : اجيب بطارية كام امبير لعربية فيات بترا ؟؟؟
معايا جلوبال كورى جافة زى الفل
بطاريتي نامت ومش بتدور العربية عاوز اشتري واحده الان ... انا من الهرم أروح فين دلوقتي ؟
يريت اسعار الفارتا الألماني و الأي سي ديلكو السعودي من فضلكم .. قبل البدل
انا عربيتي واقفه في الشارع .. أرجو الرد سريعا
بدلت بطاريتي الكلورايد السائلة ال 55 أمبير عاشت معايا 3 سنوات .. بواحده كلورايد 70 أمبير .. ودفعت فرق 310 جندي ..
بس أول مره اعرف معلومة ان فيه بطارية اقطاب عادية وبطارية معكوســه !!! محدش قالها خالص في اي حته .. صحيح اللي يعيش ياما يشوف ويتعلم
انا مع ان بطاريتي مديا اخضر الا انها بتنام يعني لو سيبت النور السهاري شغال لمده 10 دقايق ابقي محتاج حد يديني وصله عشان ادور
تنصحوني بايه يا اخواننا اديلكوا السعودي ولا سايله كلواريد
ممكن حد يفيدنا بأسعار البطاريات دلوقتي؟؟
أنا إشتريت إمبارح بطارية فارتا الألماني الجافة
as60
لعربيتي الياريس
من غطاطي اللي ف فيصل توكيل فارتا
خدتها ب400 بعد خصم تمن البطارية القديمة
مع العلم اني كنت شوفتها ف المعادي ب 380 ف شارع الجزائر
تجربتى فى شراء بطاريه جافه امس (19-6-2011) بالتفصيل الممل
كنت فى عربيه الشركه لانسر بوما 2008 مع صاحب العربيه ومادارتش والبطاريه ماتت مره واحده رغم ان البيان كان اخضر
كان راكب فيها امبير ac delco 55 من سنه ونص وماقلتش بم
المهم بعد عمل التوصيله ودوران العربيه ومطفينهاش خالص قاللى شور عليا
اتصلت باشرفكو -كنت مسيف رقمه - طلع بتاع كاوتشات وجنوط بس
طلعت اللاب وسرقت وايرلس من الشارع ووصلت للموضوع ده
ورحنا لاولاد سليمان اللى جنب اسماك وادى النيل وكان فيه تجديدات بتتعمل هناك وفعلا كان الارخص وهياخد القديمه ب 70 وهندفع 350 وناخد جافه زى اللى كانت موجوده بس مارتحتش للراجل وهو بيقول معكوسه ومش عارف ايه وحسيت انه بيفتى بس واضح انه من ارخص الاسعار
وعدينا على بيومى بس كان قافل ولما اتصلت بيه هياخد القديمه ب70 وهندفع 360- يتهيالى كانت ممكن تتهز شويه لو رحنا له وناخد -ac delco 55 برضه وضمان سنه بجد وهتعرفوا ليه بجد
واتصلت بالراجل اللى عند البحر الاعظم جنب كالتكس بس اسعاره كانت اغلى من سليمان فنفضنا له
وبعدها طلعنا على غطاطى اللى فى فيصل وعينك ماتشوف الا النور واعلى اشتغالات تشوفها هناك المهم سعيد-صاحب العربيه- طفاها بقلب جامد وطلب يكشف على البطاريه وكانت قرايتها كويسه وقالوا استنى 10 دقايق وبعد ال10 دقايق كشفوا على الجهاز وكلهم مره واحده قالوا ايه ده 8 ؟؟ البطاريه باظت
دخلنا جوه على التكييف وقعدنا قدام واحد من اللى بيبيعوا وبنساله على الفارتا ال 55 وبعد شويه حركات على الكومبيوتر والاله الحاسبه -بيحسب الخصم يعنى- طلع انه هياخد القديمه-حسبها ب 50 جنيه- وهندفع 420 جنيه ولسه واحد ماشى ودفع 430 لكن علشاننا هندقع 420 بس (اى كلام بيتقال)
وقال نوع تانى تركى غريب شويه وانرجيزر ومش عارف ايه وكويس والناس بتجيبه وضمان سنه
المهم خبطته السؤال المتين وقلتله لو باظت بعد 11 شهر هناخد واحده جديده طبعا ببلاش كفايه انى هخاطر واحط حاجه مش معروفه فى العربيه مش كده ولا ايه؟
تنح شويه وقاللى لا هتاخد واحده جديده بنص التمن قلت له امال ايه ضمان سنه ده؟ قاللى يعنى 3 شهور او 4 تاخد واحده جديده وعموما ممكن اظبطلك الموضوع ده
طبعا قفلت من ناحيته وزميلى قلق منهم جامد وشكرا على الكشف وادى العيال 5 جنيه والعربيه دارت زى القرد ولسه شغاله لحد دلوقتى داخله فى 3 ايام شغل متواصل ليل ونهار بالبطاريه اللى كانت فيها
===========
الخلاصه
ارخص مكانين
-اولاد سليمان اللى جنب وادى النيل للاسماك زى ماقال احد الاخوه الافاضل هنا بس ماعرفش ايه نظامهم فى الضمان
-بيومى حتى لو اغلى 10 جنيه بس بتاخد ضمان بجد والبطاريه بتتغير خلال السنه ببلاش زى ماشفت مره من حوالى سنه عندهم واحد غير بطاريه بعد 8 شهور من الشرا ومدفعش مليم
-غطاطى سمعه وحركات على الفاضى
انا جبت ac delco
55 امبير بــ 410 بدون القديمه
حبيع القديمه بــ 60 جنيه تبقى واقفه عليا بــ 350 جنيه وشكرا
أوصفلى مكانه بيومى ده يا أستاذ mazagngi2010 لو سمحت