الموضوع: جين 2 ولا فيات لينيا ؟؟؟؟؟

من غير تفكير لو السعر مش فارق يبقي

فيات لينيا طبعا

" وانا معايا برسونا و بحبها جدا جدا بس دي فيات "

المشاركة الأصلية كتبت بواسطة yasserit

بس تقفيلها وحش فعلاً و الخامات ضعيفه جداً و في فعلاً عيوب تقفيل ظهرت معايا و ظهرت مع معظم الناس زي السنتر اللي بيعلق و زراير المالتي ففنكشن برضوا بتعلق وحاجات تانيه بسيطه لكن هيا عربيه لا غبار عليها

ممكن الكلام دا كان فى الموديلات القديمه

انما حاليا تم تحسين الخامات الداخليه ... عيوب التقفيل قلت بنسبه 80%

المشاركة الأصلية كتبت بواسطة yasserit

لكن توكيل عز ده بصراحه مقرف و تقعد طول اليوم هناك عشان تعمل صيانة ال 1000 ك بس و كمان الصيانه هناك غاليه فعلاً مين قال انها ارخص من فيات لأ فيات ارخص و كمان الصيانات اقل يعني مفيش صيانه عند ال 1000 زي الجين2 اول صيانه 5000 و كمان مفيش تغيير زيت ولا حاجه دا كل 10000 اللي عايز الناس تعرفوا انهم في صيانة ال 5000 توكيل فيات عملولي مراجعه كامله للعربيه و فحص شامل و كمان ما اخدوش مني ولا مليم و دي طبعاً حاجه لا يمكن تحصل مع عز باشا...

صيانات ايه اللى غاليه ...

اسعار صيانات بروتون بالتوكيل :- (الاسعار شامله المصنعيات)
----------------------------

صيانه الـ 1000 : 150 جنيه

صيانه الـ 5000 : 263 جنيه

صيانه الـ 10000 : 263 جنيه

صيانه الـ 15000 : 263 جنيه

صيانه الـ 20000 : 606 جنيه

صيانه الـ 25000 : 263 جنيه

صيانه الـ 30000 : 263 جنيه

صيانه الـ 35000 : 263 جنيه

اظن الاسعار دى عاديه جدا ... ان ماكانش اقل من توكيلات كتيره ... ياريت لو عند حضرتك اسعار الصيانات لفيات عشان نشوف -عز العرب- اغلى بأد ايه !!!!


وايه علاقه التوكيل بتغيير الزيت او عدم تغييره ... دى حاجه مكتوبه فى كتالوج العربيه ... والتوكيل ماهو الا اللى بيطبق الكلام دا

------

انا بس حبيت اوضح شويه حاجات بالارقام عشان الموضوع يكون اوضح

تحيــــــــــــاتــــى

المشاركة الأصلية كتبت بواسطة asas223

لتانى مرة متشكر لكل الدخل وقال رأيه فى الموضوع ونصحنى باللى يقدر عليه .. مجد متشكر لكل اللى حاول يساعدنى باللى يقدر عليه وبصراحة يا جماعة انا استقريت على الجين تو او البيرسونا بعد كل اللى قريته هنا .. مع انى اقدر اجيب الللينيا تربو ومع انى مقتنع جدا انها كعربية ممكن تبقى احسن بكتير من الجين تو .. بس برضه العربية فى بلدنا دى مش عربية بس دى عربية وتوكيل وتوافر قطع غيار وسعر اعادة بيع وشكل بيتغير كل 5 او 6 سنين ولا مبيتغيرش ... ومصاريف تشغيل .. كل دة زائد سعر العربية نفسه اقنعنى ان الجين تو هى الآختيار الصحيح .. وباى باى لينيا وربنا يبارك فى كل اللى حيشتريها ويلاقى قطع غيارها على طول .. ودلوقتى بقى بقت المقارنة عندى ما بين الجين تو والبيرسونا وطبعا متحرمونيش من رأيكوا دلوقتى جين تو ... ولا بيرسونا ؟؟؟؟

+111111111111111111111111111
كلام مضبوط ميه فى الميه هاتشوف طعم سواقه جميل هايعجبك لدرجه الحب والادمان
جين2 وبيرسونا اخوات تماما الفرق هو الشنطه بس
بص اللينك ده يمكن تلاقى غايتك http://www.nilemotors.net/Nile/96474...sona-waja.html

http://www.nilemotors.net/Nile/58282-gen2-persona.html
ربنا يوفق

المشاركة الأصلية كتبت بواسطة asas223

لتانى مرة متشكر لكل الدخل وقال رأيه فى الموضوع ونصحنى باللى يقدر عليه .. مجد متشكر لكل اللى حاول يساعدنى باللى يقدر عليه وبصراحة يا جماعة انا استقريت على الجين تو او البيرسونا بعد كل اللى قريته هنا .. مع انى اقدر اجيب الللينيا تربو ومع انى مقتنع جدا انها كعربية ممكن تبقى احسن بكتير من الجين تو .. بس برضه العربية فى بلدنا دى مش عربية بس دى عربية وتوكيل وتوافر قطع غيار وسعر اعادة بيع وشكل بيتغير كل 5 او 6 سنين ولا مبيتغيرش ... ومصاريف تشغيل .. كل دة زائد سعر العربية نفسه اقنعنى ان الجين تو هى الآختيار الصحيح .. وباى باى لينيا وربنا يبارك فى كل اللى حيشتريها ويلاقى قطع غيارها على طول .. ودلوقتى بقى بقت المقارنة عندى ما بين الجين تو والبيرسونا وطبعا متحرمونيش من رأيكوا دلوقتى جين تو ... ولا بيرسونا ؟؟؟؟

ان شاء الله يكون اختيار خير ليك ... وربنا يوفقك وتحجز وتستلم على الف خير بإذن الله

-----

بخصوص جين2 ولا بيرسونا ؟؟؟؟

شوف ياباشا ... لو مش فارقه معاك الشنطه خليك فى -الجين2-

وعلى فكره هما نفس الصالون ... الا بس ان سقف البيرسونا اعلى شويه من الجين من عند الكنبه

-----

شويه فروقات بسيطه :-
------------------

1- الجين فيها اسبويلر

2- البيرسونا فيها شنطه وعواكس من ورا

3- لون الفرش مختلف

4- مختلفين من الامام

5- البيرسونا فيها فئات اكتر من الجين

6- لو نويت عالبيرسونا وحبيت تستلم دلوقتى ... ممكن نضبطلك عربيه بتخفيض بيصل لـ 4000 (مو 2009)

-----

ودا موضوع موضح الفروقات بين الجين والبيرسونا

هنــــــــــــا

-----

اهـــلا بيك عضو بروتونى قادم ان شاء الله ...

واحنا تحت امرك فى اى استفســـــــار

تحيــــــــــــــــاتــــ ى