خلينا واقعيين هو اي مقارنه عادله مش لازم تكون مبنيه علي اسس انا بالنسبه لرأيي المتواضع اهم عاملين هم
Price category
and
Car Category
يعني لو قارنا الجين2 بالجولف 6 يعني اهملنا عامل مهم وهو السعر
مانا اساسا لو قارنتهم مش معناها اني بهين الجولف بس هو انا اساسا معايا تمن الجولف !!!

حضرتك انا شغلتي طول النهار الفلوس و جزء منها تحليل مالي صدقني اي قرار ناجح مينفعش يهمل الجزء المالي

نيجي بقي العربيات انا شوف كام مره انك مش مرتاح للجين2 طيب نجرب نبقي واقعيين و حياديين و نقارن

السعر : تقريبا واحد مع فرق بسيط لصالح الجين
المساحه الداخليه : عن تجربه الجين2 تكسب في الصالون و اللينا تكسب في الشنظه الجباره
الموتور : مفيش مقارنه اللينيا CITY CAR و ده ميعبهاش بس 77 حصان مش زي 110
التقفيل : لينيا لينيا لينيا
اعاده البيع : دي بقي جين2 لان مشعارف ليه الايطالي لسه سمعته وحشه مع اني ارفض مبدا اشوف سعر بيع عربيه و انا لسه هشتريها هو انا بشتري عشان ابيع!
التوكيل : عز زباله و اوماترا زباله الزباله
قطع الغيار : الجين ارخص و متوفره بكتيييييييييييييييييييييي ير عن اللينيا
الشكل : طبعا اذواق و ان كنت بعشق اللينيا بس الجين شكلها برضوا جامد

انا كنت هموت و اشتري الجراند بونتو و اكيد انت عارف انها نسخه من اللينيا و اخترت الجين2 انا عن نفسي بقنع بابا باللينا بس لانه عمره ما هيسافر بالعربيه

ها انت بقي ايه رايك مين يكسب في المقارنه دي

انا عن نفسي و بعد اول 1000 كيلو جين2 انا الحمد لله اخترت الاختيار الصحيح و ربنا يكرمني ببها