الموضوع: حجزت السيريون 1300 gl اتوماتيك

خللي بالك يا محمود إن فحص الألف ده مش صيانة
ده مجرد فحص لو العربية فيها أي مشاكل ظهرت معاك
ده حتى الزيت مش بيتغير

المشاركة الأصلية كتبت بواسطة y2y1500

تمام كده :s_thum1[1]:
وبرضه الخمس ألاف كم نفس القصة
ممكن بس يربط عفشة ولا يشوف دورة فرامل وخلاص :u_thin1[1]:
تغيير الزيت عند 10 الاف وعليكم خير :c_laugh[1]:

لا يا باشا
على فكرة تغيير الزيت أول مرة على الخمس آلاف مش العشر آلاف

انت ايه فهمك انت يا يوسف فى عربيات البشوات
طبعا بيغير زيت فى ال 5000
الحكايه ببساطه ان ميعادي كان الساعه 2
بدأو شغل فى العربيه الساعه 2:45
و خلصوها 3:30
كان عندي حدفه خفيفه يمين (قولتلهم عليها قالولى دي ضغط كاوتشات و ظبطوها ) بس لسح الحدفه موجوده
الفرامل كانت مش مظبوطه ( اتعملت كويس)
الشنطه ماكنتش بتقفل كويس ( يعنى لازم ارزعها جامد) - قولتلهم عليها و بعد الساعه و نص - قالولي كله تمام و عملنهالك - طبعا انا عارف شغل التوكيلات - خرجت جربتها لاقيتها متعملش فيها حاجه
قمت رايح لمهندس الاستقبال و خليته ياخدها و صلحا و اول مارجع اديته كلمتين سخافه علشان اضايقه بس (كان لازم يتأكد من شغل الناس اللى جوا)
اما النضافه فا كل اللى اتعمل ان العربيه اتغسلت من بره حتى البيه اللى غسلها مانشفهاش
و من جوه (الفني الذكي بدل ما يشفط التراب لأ نفخ فيه ) هي فعلا ناقصه غباوه
فا التراب اللى كان على الدواسه طلع على الكرسي و التابلوه
غباوه و الله ...
ماعدا هذا فا المكان ظريف جدا - بوفيه جميل - تليفزيونات -جرايد - قعدت العب بلاي ستيشن لحد ما زهقت
اه سألت مهندس الاستقبال على موضوع الانذار لانى مش عاوز الانذار العبيط بتاعهم
قاللى معلش احنا لازم نركب الانذار ده لانه فيش بيتركب مش سلوك هانقطعها
بس فا انا ماشي من عندهم مش مبسوط قعلا

ألف مبروك و ربنا يتمم على خير

عندي معلومه اكيد مش جديده بس اعتقد انها ممكن تفرق مع حد فينا
المرايات بتاعت السيريون مكتوب عليها من تحت كلمة تويوتا
اعتقد ان ممكن نلاقيها عند بتوع قطع غيار تويوتا نفس الشكل و الحجم و بسعر ارخص من الوكيل