الموضوع: سلوك ردئ، فرضه التجار، واتبعه الكثير منا بشكل مخجل

كلامك مظبووووووووووط يا ابو السباع

المشاركة الأصلية كتبت بواسطة fahd_628

100 100 يا بشمهندس

انا عندى اشترى سيارة راشة نضافة بحالة الزيرو ولا اشترى سيارة فابريكة و متخبطة من كل حتة

اعتقد ان نظرتي و انا بتشري عربيه مستعمله لواحد اول ما عربيته جاتها خبطه صغيره صلحها
غير عن واحد طنش
اعتقد الاول حيديني انطباع انه كان مهتم بعربيته
لكن التاني :twisted:

كلام سليم تماما و فعلا بيبان علي العربية من هيئتها كلها...

لكن عندنا مثلا ال 127 أول يد من الزيرو و والدي كان محافظ عليها بطريقة غبية و كل حاجة فيها كانت زيرو و الصيانة قبل معادها و كده...بس ال خوارج كان هاملها قوي و قعدت 23 سنة من غير ماتترش و الأبواب كانت مخبطه و كل جزء بلون غير التاني بفعل الرواسب علي الدهان و الشمس... كانت فضيحة من الاخر ...بس أول ما انا خدتها وديتها لأنضف سمكري و بوهيجي عندنا و ماهمنيش البوية الاصلي...حتى الصنايعية كان صعبان عليهم العربية...بس انا كان هاممني النضاااافة...و فعلا رجعت تحفة و مندمتش ولا لحظة علي الدهان

المشاركة الأصلية كتبت بواسطة ahmedsrs

;) ;) ;) ;)

+1

هو الكلام ده مظبوط فعلا ولكن هناك مشكلة ان العربيه دلوقتي لو مقسومة نصين بتتلحم وتتباع على انها رشهمن بره فقط وهيا ملحومه من النص او مركبه شنطه او مركبه كبوت او مركبه عربيه تانيه
وهي دي اللي بتخلي مسالة العربيه راشه من الخارج مشكله انها عامله زي البطيخه اللي احتمال كبير تكون قرعه
علشان كده مفيش امان في الموضوع ده

ماهو الفيصل في جميع الحالات هوه السمكري الشاطر أبو 4 عيون في راسه اللي يجبلك قرار العربية دي