ليه أحسن سرعة 90 كلم/س؟

**Islam_galal** · 30-10-2009 11:46 AM

إخوتي في الله
monmonmon

samirayad

جزاكم الله خيرا

**sobhysm** · 31-10-2009 01:52 PM

المشاركة الأصلية كتبت بواسطة Hegazio

علميا تزداد مقاومة الهواء مقاومة خطية بازدياد السرعة للجسم المتحرك
حتي تصل سرعة الجسم الي سرعة حرجة تزداد فيها المقاومة بطريقة أسية
يعني مقاومة الهوا عند 80 كم /س مثلا ضعف المقاومة عند 40
لكن المقاومة عند سرعة 142 ضعف المقاومة عند 100 كم / س
النقطة الحرجة بتفرق طبقا للـ Drag Coeff. للشكل المتحرك .. اللي بقي أحسن كتير دلوقتي عموما عن زمان
و عشان كده النقطة الحرجة اتغيرت من 90 كم / س زمان ل 106 كم / س في بعض السيارات دلوقتي
أرجو تكونو استفدتم

شكراً على المعلومة

**Hegazio** · 31-10-2009 02:04 PM

المشاركة الأصلية كتبت بواسطة sobhysm

شكراً على المعلومة

Glad to be of service

**samirayad** · 31-10-2009 05:50 PM

المشاركة الأصلية كتبت بواسطة musiccairo

مش هقدر ارد عليك بصراحه
اعتفد اني ممكن ارتقي بالحوار اكتر من كدا
ويترد عليا بأسلوب أحسن من كدا مع شخص تاني
لا تعليق

حصل خير
وأرجو من الجميع
أستغفار الله والأستعاذه به
من همز الشيطان ولمزه

**zanativich** · 01-11-2009 03:56 PM

المشاركة الأصلية كتبت بواسطة islam_galal

يا ريت السادة المهندسين يهدوا اللعب شوية :ta_clap[1]:
المهارة في التبسيط و ليس استعراض المعلومات
خدوها نصيحة من أخ أعتقد أكبر سنا إن سمحتم لي

مهندس ميكانيكا دفعة 1996

كلامك صح يا هندسه

**mekkawy0** · 02-11-2009 07:39 AM

يا جماعة إحنا جايين المنتدى عاشان اللي يعرف حاجة يفيد اللي مايعرفش. ماكانشي قصدي لما فتحت الموضوع إن إحنا نزعل من بعض. حصل خير يا جماعة.
أما فعلا مهتم بالموضوع ده لأني عارف إن بعد 90 كلم/س المقاومة بتزيد جدا (تتناسب مع مربع السرعة) و بعد كدة كمان تتناسب مع مكعب السرعة (بس بصراحة مش فاكر سرعة كام). أنا بقى عايز أعرف إيه اللي يخلي المقاومة تزيد بالشكل دة. أنا بصراحة مش فاكر علشان إحنا درسناها من زمان بس على العموم أنا هارجع للمراجع و أشوف و لو وصلت لحاجة هاقولكوا على طول.
شكرا على الردود و الاهتمام يا باش مهندسين.

**MMamdouh** · 02-11-2009 11:47 AM

انا مشهندس ولا درست حاجة عن القصة دى خالص

بس حسب ما فهمت من مواضيع سابقة ان الزيادة الكبيرة فى المقاومة دى بتحصل نتيجة ان حركة العربية جوة الهوا... و حاليا حنعتبر الهوا كانة سائل خفيف جدا جدا عشان نبسط الموضوع و نقدر نتخيل الوضع عامل ايه

على سرعات قليلة اقل من 90 بتبقى المقاومة ممثلة فى محاولة جسم العربية اختراق الهوا فقط بالتالى كل ما تزيد السرعة كل ما المقومة تزيد بشكل خطى

بعد 90 بيبداء شكل الهوا يتاثر بسرعة اخراق العربية لية و يبداء يتكون ورا العربية فراغ... بالتالى الفراغ دة بيحاول يشفط العربية لورا...و دة بيبان فى السباقات لما واحد بيحاول يحصل واحد بيلزق ورا منة تماما عشان الفراغ بتاع الراجل اللى ماشى قدامة يسحب العربية و يسهل عملية تقليل الفارق بين العربيتين و دة اسمة slipstreaming

اذا اصبح عندنا مقاومة فى الامام لاختراق الهوا و قوى سحب فى الخلف ناتجة عن تفريغ الهواء بالتالى المقاومة بتبقى اسية... دة اللى انا فاهمة بس مش متاكد تماما من الموضوع دة... انا ملقيتش اى حاجة تفسر القصة دى افضل من السيناريو اللى موجود دة فا لو حد عندة تفسير اكثر صحة او اكثر دقة ياريت ينورنا

MMamdouh

**r0xer** · 02-11-2009 01:07 PM

افهم من كدا ان لو توصلنا في يوم مثلا من الايام وعملنا تراك مفيهوش هوا!! العربية تاخد اي ملف على اي سرعة؟

سؤال افتراضي لكن يهمني اجابته لو معلومة.

**أحمد كمال** · 02-11-2009 01:17 PM

عند تحرك جسم في مائع (سائل او غاز) بيبقى فيه سرعة معينة

قبلها بتبقى العلاقة بين الطاقة المبذولة و السرعة غلاقة خطية ..... يعني تضاعف السرعة تتضاعف الطاقة

و بعدها بتبقى العلاقة مع مربع السرعة ....... يعني تضاعف السرعة الطاقة تتضاعف اربع مرات .... تضاعف تاني تتضاعف 8 مرات و هكذا

و السرعة اللي عندها بتتغير الأمور دي بتبقى لها علاقة بحاجات كتير منها لزوجة المائع ........

-

الموضوع: ليه أحسن سرعة 90 كلم/س؟

LinkBack

أدوات الموضوع

عرض

-

-

-

-

-

المواضيع المتشابهه

هل اللوجان بتدي إنذار سرعة بعد سرعة 120 كم/س ؟

بي ام دبليو فيها نظام سرعة يشغل بعد سرعة 200

وحوش اللوجان..أحسن أحسن..للأمام

مين أحسن ناس تصلح ياباني ومين أحسن ناس بتبيع قطع غيار ياباني في القاهرة ؟

لأ عربيتك مش أحسن عربية في الفئة دي في أحسن منها وبنفس السعر

الكلمات الدلالية لهذا الموضوع

المفضلات

المفضلات

ضوابط المشاركة