لسا مشترى العربيه مكملتش اسبوع هوندا سيفيك 1997 اوتماتيك فتيسcvt
ووديتها التوكيل مقلش اى ملاحظات على المكنه قالى بس ان البوجيهات غير اصليه و ان العربيه عايزة يتظبطلها تاكيهات و حاجات تانيه كده زى خرم فى الشكمان و تغيير زيت و فلاتر ,,,الخ
المهم يا باشمهندسين, قعدت الف بالعربيه شويه و ركنتها من الساعه 12 بليل لغايه 6 المغرب تانى يوم و نزلت دورت و مشيت حوالى 5 كيلو و ركنت .. صاحبى جرب العربيه فبيدوس بنزين و العربيه واقفه مكنها عاوز يسمع صوت المكنه , و انا واقف ورا العربيه لقيت دخان ابيض خارج من الشكمان و بيزيد كل ما يدوس.؟؟؟ صحابى قالوا امشى بيها و اقرص مرة واحده ,عملت كده قالولى مفيش دخنه بيضا طلعت و انا ماشى بس وانا واقف بس و بدوس بتطلع؟؟!!
سألت فى الموضوع ده لقيت اراء كتير.
واحد بيقول غير بوجيهات و اظبط تاكيهات
واحد بيقول غير طقم شنابر
واحد بيقول المكنه بتسلم نمر خلاص

مع العلم ان الموتور سحبه الى حد ما حلو و العربيه عامله 180 الف كيلو و و لما فكيت فلتر الهوا و بصيت عليه لقيته اسووووود..انا لسا مغيرتش زيوت و لا فلاتر .و كنت عاوز اعرف بعد اذنكوا هل الاراء اللى قالوها اصحابى دى صحيحه و معناها ايه و تتكلف كام و ايه الادق فى الكلام ده؟؟و شكرا جدا...يارب يكون خير