هاجنن العربية بتأكل بنزين واية السبب ؟

**sameh_loza** · 17-01-2010 07:33 PM

السادة زملائي في المنتدي الكبير
انا خلاص هاجنن من العربية بتاكل بنزين وبتعمل 160 كم في الصفية 20 لتر
غيرت تقريبا كل حاجة واخرها غيرت حساس الاكسجين ونظيف الرشاشات عند واحد اسمه مدحت بالمعادي اقترحه لي احد الاخوة في المنتدي لكن دون جدوي ولا سحب ولا العربية بطلت تاكل بنزين وطبعا ريحت حريق ني موجودة - العربية بروتون 2004 عمله 96.000 كم
والحاجات اللي غيرتها وشكيت فيها وهي :
1. فلتر بنزين بالتوكيل عز العرب وبقاله حوالي 8000كم
2. فلتر هواء وبقاله 6000 كم
3. طرمبة بنزين من فترة وبقالها حوالي 8000 كم .
4. سلوك بتاعة البوجيهات غيرتها برضوا
5. البوجيهات غيرتها من شهر nkj - r
6. علبة الشكمان الخارجية واصلي كمان
7. شكيت في العداد وعملت له صيانة وبقي زي الفل .
8. ضبط حساس السرعة واطمنت انه شغال علي الكمبيوتر
مش ناقص غير اني اغير كوتش العربية .
ارجوكم افيدوني لان خلاص زهقت من العربية بجد

**romeo_6887** · 18-01-2010 02:17 AM

هو ممكن يكون الكاوتش السبب
لو طقم الكاوتش متاكل غيره

**alhourriah** · 18-01-2010 09:52 AM

هو الكاوتش ممكن يعمل كده وبرضه الشكمان لو فيه تهريب

**MOSTAFA1713** · 18-01-2010 06:04 PM

باشا عن تجربة
1- اشترى فيلر دة شرايح معدنية الى بيتظبط بيها التاكيهات وفك البوجيهات واتأكد ان فتحة البوجيهات حوالى 0.75 مم
2 - لو العربية فيها اسبراتير جرب تقلل الكهربا لو العربية فيها كنترول روح لحد عندة الكومبيوتر بتعها وخلية يظبطة
وانشاء اللة العربية هتظبط معاك

**sameh_loza** · 18-01-2010 07:02 PM

اشكرك علي الردود ولكن استاذ مصطفي بيقول حاجة اول مرة اسمعها وهي :
- اشترى فيلر دة شرايح معدنية الى بيتظبط بيها التاكيهات وفك البوجيهات واتأكد ان فتحة البوجيهات حوالى 0.75 مم

طب اية هو الفلير ده وبيتباع فين ؟ وهل من الممكن حضرتك ان العربية تاكل بنزين بالطريقة دي علشان محتاجة تظبيط تكيهات
ممكن توضحولي اكتر

**Mo.Kareem** · 18-01-2010 07:10 PM

معلش يا جماعه انا اسف انى دخلت موضوع مش بتاعى بس انا عندى نفس المشكلة ، وعملت كل حاجة والنهاردة روحت بنزينة شيل بتاع شارع الهرم وفيه جهاز عندهم اسمه co ده بيشوف استهلاك البنزين فيه حاجة ولا طبيعى والحمد لله العربية على الكمبيوتر استهلاك مثالى ،
واللى هيجننى ان العربية بتعمل فى الصفيحه حوالى 80 كم ومش عارف اعمل ايه ، البيجوهات شلتها النهاردة زى الفل سحب العربية زى الفل ، مفيش دخان لسه عامل طقم شنبر ، الفتيس زى الفل ، انا بقى اللى مش زى الفل 0

**MOSTAFA1713** · 18-01-2010 07:42 PM

المشاركة الأصلية كتبت بواسطة sameh_loza

اشكرك علي الردود ولكن استاذ مصطفي بيقول حاجة اول مرة اسمعها وهي :
- اشترى فيلر دة شرايح معدنية الى بيتظبط بيها التاكيهات وفك البوجيهات واتأكد ان فتحة البوجيهات حوالى 0.75 مم

طب اية هو الفلير ده وبيتباع فين ؟ وهل من الممكن حضرتك ان العربية تاكل بنزين بالطريقة دي علشان محتاجة تظبيط تكيهات
ممكن توضحولي اكتر

بص يا معلم الفيلر هتلاقية فى اى محل بيع قطع غيار عربيات هتلاقى مجموعة شرايح حديد كل شريحة عليها رقم الرقم دة هوة سمك الشريحة علشان كدة هتلاقى واحدة مكتوب عليها 1 مم هتلاقيها تخينة والمكتوب عليها 0,4 مم رفيعة
التاكيهات بتفرق كتير فى استهلاك البنزين وحرارة العربية وتحس ان الموتور موش ناعم انا بظبط التاكيهات مرة فى بداية الصيف ومرة فى بداية الشتاء ودلوقتى من كتر ما شوفت الميكانيكى بيعملها بقيت انا بعملها بنفسى !!!
هتفك البوجيهات وتجيب الشريحة الى مكتوب عليها 0,75 مم وهتحطها بين طرفين البوجية ,
وتحط الفير بين الطرفين لو المسافة كانت صغيرة حاول توسع الطرفين عن بعض بمفك ولو كانت اكبر خبط عليها بالراحة ببنسة مثلا
جرب وانشاء اللة العربية هتتظبط

**Mo.Kareem** · 18-01-2010 07:56 PM

طيب وانا اعمل ايه ؟؟؟؟

**ابو حسين** · 18-01-2010 07:58 PM

ايه ياجماعة ايه الاجاب التاكيهات للبوجيهات
فين الاستاذه و المهندسين بتعنه ايه يابشمندس سمير انتوفين
ولاانا الافاهم غلط

**bondokk** · 19-01-2010 09:50 AM

انا برضوا عارف ان التاكيهات حاجه والبوجيهات حاجه تانيه ليه دخلتوا الاتنين في بعض
على حد علمي ان التاكيهات علشان تتظبط لازم تفك وش الموتور ودي ليها علاقة بسخون المحرك
اما البوجيهات نرتبطه بحرق البنزين
يا ريت حد يفيدنا من المهندسين المتخصصين