دعوه لمقاطعه مباره الجزائر ومصر

**MoHaMed HaMeD** · 30-10-2009 09:44 PM

وانا الى كنت ناوى اروح اشوف المتش ف الاستاد

**Ahmed_Gadalah** · 30-10-2009 10:23 PM

والله أنا ديما بقول ان الفرجه على متشات الكوره حرام...حرام .من اللي بتعمله في الناس,المفروض الناس لو هتضيع وقت , تضيعه في حاجه مفيده.

**M.Osman** · 31-10-2009 12:33 AM

المشاركة الأصلية كتبت بواسطة ezaby

بعيدا عن موضوع الكوره والجزاير
عارفين الفكر التكفيري؟
أهو الدعوه دي انا شايفها بدايه لسكة التكفير دي
النهارده يقوللك اعمل حاجه أفيد من الماتش في وقته
بكره يقوللك الماتش مش مفيد
بعده هيقوللك الكوره حرام اصلا
فعلا عمرو اديب عنده حق لما بيقول ان المجتمع ده محتاج للتنوير
وبعدين ايه حدوته المقاطعه دي؟
كل واحد يطلعلنا بدعوه للمقاطعه كل يوم
عاوزين ناس تطلع تدعو الناس لحاجه مفيده مش لمقاطعات

وعموما انا هشجع الماتش وناوي اروح الاستاد وان شاء الله مصر هتكسب 4/1

دا حتى عملوا جروب عالفيس لمنع بيونسيه انها تيجي و تغني في مصر

اه و الله بتكلم جد!

**noble911** · 31-10-2009 04:23 AM

الرياضة لا تُشاهد
الرياضة تُمارس

**هيثم** · 31-10-2009 05:40 AM

حرق دم على الفاضى وحتى لو رحنا كاس العالم الطبيعى اننا هنرجع من الدور الاول

**Ghost2** · 31-10-2009 05:57 AM

هتقاطع الماتش لمصلحة الجزائر مثلا .. بلدك بتلعب مباراة ممكن توصلها كأس عالم ..يعني مباريات دولية على مستوى عالي .. يعني لعيبه ممكن يجيلهم عروض من بره .. يعني دعايا لبلدك ونطور الكورة شوية في بلدنا .. واحنا بدأنا فعلا لان الدوري السنه دي ممتاز والفرق كلها بتأدي .. مش شايف الكلام بتاع مقاطعة المباراة ده صح خالص

**OlaOsman** · 31-10-2009 06:27 AM

متهيألي دعوة المقاطعة دي ما كانتش هاتتطلع لو ماكنتش الهيبرة على الماتش زايدة أوي على جميع المستويات.

فيها ايه لو نعتبرها مباراة فايز و خاسر و مبروك و هارد لاك و خلاص

طيب ماهي الجزاير لعبت مع مصر سنة 89 و برضه كان الماتش الفاصل في تصفيات كاس العالم، إنما قبل الماتش ماحصلش اللي حاصل دلوقتي ده. إيه الجديد خللى الدنيا مولعة كده؟

**mhoss** · 31-10-2009 06:51 AM

شكراً araberphilosoph...
الموضوع ده فعلاً زايد عن حده جداً جداً جداً...شتيمة و سب و تجريح بين الجانبين على النت و فى المنتديات و على الجرايد...
زى ماهانكون هانلاعب إسرائيل و اللى هايكسب هاياخد القدس...
المبارة دية خلقت عداوة و عصبية جاهلية بين شعبين مسلمين المفروض يكونوا أخوه متحابين....
و كلنا متابعين اللى بيحصل من الجانب المصرى و الجانب الجزائرى...على إيه كل ده...
و الاخ اللى بيقول ديه دعوة كفرية...مش عارف جاب الكلام ده منين ياريت يتقى الله و يراجع نفسه قبل إتهام الناس بالباطل...

**ashraf229** · 31-10-2009 12:16 PM

المشاركة الأصلية كتبت بواسطة successcre8or

دا حتى عملوا جروب عالفيس لمنع بيونسيه انها تيجي و تغني في مصر

اه و الله بتكلم جد!

لا ياراجل ملهمش حق!!!دول فعلا متعصبين جدا ووحشين أوي انهم يأخدوا موقف من واحدة (عارية) زي دي كل ذنبها انها مش بتحب تلبس هدوم كتير !!!!!! وجاية تغني في بلد الناس فيها بتموت في طوابير العيش و بتقف بالساعات علشان تجيب بنزين 80 و مرتبهم في شهرين تلاته يا دوب يجيب تمن تذكرة للحفلة دي!!!!!!

لو فيه جروب فعلا لمنع الحاجات دي انا أؤيده بشدة و كفاية استفزاز للغلابة و الشقيانين و الشباب و البنات اللي مش عارفة تتجوز و الرجالة اللي مش ملاحقة على مصاريف بيوتهم و عيالهم

الموضوع: دعوه لمقاطعه مباره الجزائر ومصر

LinkBack

أدوات الموضوع

عرض

-

-

-

-

-

-

المواضيع المتشابهه

دعوه لمقاطعه فودافون

دعوه لمقاطعه الجرائد والقنوات الحكوميه

القول الفصل في حسم الصراع ما بين الجزائر ومصر

الكلمات الدلالية لهذا الموضوع

المفضلات

المفضلات

ضوابط المشاركة