الجير الأوتوماتيك مش بيبطل ليه ؟؟

**MohammedAladel** · 27-06-2012 05:17 PM

السلام عليكم موضوع محيرنى جدا ليه العربية الأوتوماتيك مش بتبطل ؟؟؟ يعنى مثلا كنت شادد فرامل اليد ودست بنزين وأنا على ال d والموتور زعق والعربية مش قادرة تطلع طبعا بس المفروض ان الموتور يبطل لحماية العربية حتى لكن الموتور بيستجيب لدوسة البنزين بس انا حاسس إن فيه حاجة جوا فى علبة التروس فى حالة الضغط الشديد بتفصل التروس عن بعضها غير كدا انت لو طالع عادى جدا على طريق ممهد من غير ما تدوس بنزين العربية هتمشى معاك ولو جت عند حتة عالية شوية هتقف وانت برضه ع ال d والموتور شغال عادى جدا عكس المانيوال فى كل الأأحوال السابقة هتبطل العربية ودى ميزة لصالح المانيوال من وجهة نظرى ياريت حد فاهم كويس يفهمنى إيه اللى بيحصل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

**MohammedAladel** · 27-06-2012 10:34 PM

إيه يا جماعة هو القسم دا نايم ليه السلام عليكم هل من مجيب ؟

**truss** · 27-06-2012 10:40 PM

فى الفتيس المانيوال نقل الحركة بيتم بطريقة مباشرة عن طريق مجموعة الدبرياج .. يعنى اسطوانة الدبرياج بتكون مضغوطة ما بين الديسك و الحدافة اللى راكبة على عمود الكرنك , و بالتالى الحركة بتنتقل من الحدافة الى اسطوانة الدبرياج عن طريق الاحتكاك و من اسطوانة الدبرياج الى عمود نقل الحركة اللى داخل على الجير بوكس , و بالنظام دة لا بد ان سرعة عمود نقل الحركة هيساوى سرعة الموتور و هو دة اللى بيخلى مثلاً لو دوست فرامل من غير دبرياج العربية هتقف و الموتور يبطل.

اما بالنسبة للفتيس الاوتوماتيك الموضوع بيختلف, نقل الحركة بيتم بطريقة هيدروليكية عن طريق محول العزم او المعروف بـ (القربة) و دة بيكون فيه ريش متصلة بالموتور تعمل كأنها طلمبة و مقابل لها ريش متصلة بعمود نقل الحركة للجير بوكس و بين مجموعتين الريش فى القربة بيكون فيه زيت بحيث انه لما الريش المتصلة بالموتور تدور فترفغ من ضغط الزيت و تنتقل الحركة الى الريش المتصلة بعمود نقل الحركة للجير بوكس, الفكرة فى محول العزم دة انه ممكن يخلى سرعة الموتور مختلفة عن سرعة الجير بوكس حتى يسمح بتعشيق النقلات السلس و تخميد الاهتزازات القادمة من الموتور , و دة اللى بيخلى زى ما انت قولت انه ممكن تدوس فرامل و انت جايب ال D و العربية ما تتحركش او لو طالع مطلع من غير ما تدوس بنزين العربية مش هتتحرك , ودة بييجى على حساب العزم اللى بيتنقل من الموتور للجير بوكس حيث بيكون فيه جزء مهدر من العزم
و دة اللى بيخلى الناس يقولوا سحب المانيوال اشد من الاوتوماتيك

و دة فيديو هيوضحلك طريقة نقل الحركة من الموتور للجير بوكس فى الفتيس الاوتوماتيك ... محول العزم (القربة)
Voith Turbo Fluid Coupling - Hydrodynamics - YouTube

**MohammedAladel** · 28-06-2012 09:53 AM

يا باشا تسلم على الردود الجميلة الوافية تقريبا مفيش غير حضرتك اللى موجود هنا :)

**amrelsaqqa** · 28-06-2012 10:03 AM

المشاركة الأصلية كتبت بواسطة truss

فى الفتيس المانيوال نقل الحركة بيتم بطريقة مباشرة عن طريق مجموعة الدبرياج .. يعنى اسطوانة الدبرياج بتكون مضغوطة ما بين الديسك و الحدافة اللى راكبة على عمود الكرنك , و بالتالى الحركة بتنتقل من الحدافة الى اسطوانة الدبرياج عن طريق الاحتكاك و من اسطوانة الدبرياج الى عمود نقل الحركة اللى داخل على الجير بوكس , و بالنظام دة لا بد ان سرعة عمود نقل الحركة هيساوى سرعة الموتور و هو دة اللى بيخلى مثلاً لو دوست فرامل من غير دبرياج العربية هتقف و الموتور يبطل.

اما بالنسبة للفتيس الاوتوماتيك الموضوع بيختلف, نقل الحركة بيتم بطريقة هيدروليكية عن طريق محول العزم او المعروف بـ (القربة) و دة بيكون فيه ريش متصلة بالموتور تعمل كأنها طلمبة و مقابل لها ريش متصلة بعمود نقل الحركة للجير بوكس و بين مجموعتين الريش فى القربة بيكون فيه زيت بحيث انه لما الريش المتصلة بالموتور تدور فترفغ من ضغط الزيت و تنتقل الحركة الى الريش المتصلة بعمود نقل الحركة للجير بوكس, الفكرة فى محول العزم دة انه ممكن يخلى سرعة الموتور مختلفة عن سرعة الجير بوكس حتى يسمح بتعشيق النقلات السلس و تخميد الاهتزازات القادمة من الموتور , و دة اللى بيخلى زى ما انت قولت انه ممكن تدوس فرامل و انت جايب ال d و العربية ما تتحركش او لو طالع مطلع من غير ما تدوس بنزين العربية مش هتتحرك , ودة بييجى على حساب العزم اللى بيتنقل من الموتور للجير بوكس حيث بيكون فيه جزء مهدر من العزم
و دة اللى بيخلى الناس يقولوا سحب المانيوال اشد من الاوتوماتيك

و دة فيديو هيوضحلك طريقة نقل الحركة من الموتور للجير بوكس فى الفتيس الاوتوماتيك ... محول العزم (القربة)
voith turbo fluid coupling - hydrodynamics - youtube

+1111

ما شاء الله
شرحتها بأسلوب ممتاز :)

**MohammedAladel** · 28-06-2012 01:29 PM

بالمرة بقى ما هو اختصار كلمة الدبرياج بالإنجليزى وبرضه اختصار كلمة مارشدير أو مارشليه لما تكون راجع لورا

**amrelsaqqa** · 28-06-2012 02:30 PM

دبرياج = clutch
مارشدير = reverse

**truss** · 28-06-2012 10:43 PM

المشاركة الأصلية كتبت بواسطة mohammedaladel

يا باشا تسلم على الردود الجميلة الوافية تقريبا مفيش غير حضرتك اللى موجود هنا :)

الله يسلمك يا باشا, تحت امرك فى اى حاجة :)

**truss** · 28-06-2012 10:46 PM

المشاركة الأصلية كتبت بواسطة amrelsaqqa

+1111

ما شاء الله
شرحتها بأسلوب ممتاز :)

شكراً على ذوق حضرتك :)

**amagroup** · 28-07-2012 01:46 PM

علم الانسان ما لم يعلم

الموضوع: الجير الأوتوماتيك مش بيبطل ليه ؟؟

LinkBack

أدوات الموضوع

عرض

-

-

-

-

المواضيع المتشابهه

الميه بتروح فين و التكيف بيبطل العربيه معي اكسارا2

الموتور بيبطل مع التكييف

لملاك الصنى..ما مدى راحة الكراسى الأمامية وما أداء الجير الأوتوماتيك؟

المحرك بيبطل عند تهدئة السرعة

سعر الجير بوكس الأوتوماتيك للأوبترا

الكلمات الدلالية لهذا الموضوع

المفضلات

المفضلات

ضوابط المشاركة