الموضوع: مشاكل بالرينو لوجان 2010

المشاركة الأصلية كتبت بواسطة engziada

ربنا يطمنك يا باشا ..
و إنشاء الله هسافر بيها تاني و انا رايح التوكيل اللي في العبور يوم الحد علشان أشوف كام موضوع أحسن أنا حاسس إن العربية بقى فيها كام حاجة كده مش مظبوطة .. ربنا يستر
و بالمناسبة .. من الحاجات اللي رايح اقولهم عليها :
1- عضة المارش .
2- صوت الماتور و انا واقف عالي .
3- في رجرجة خفيفة جوه العربية وانا واقف .
4- هزة الفتيس .
هل في حاجة منهم شوفتها في عربيتك .. و هل إتحلت ؟

1- وانتة بتجيب المارشيدير حرك العصاية ناحية الخامس سنة كده وهات مارشدير مش هتلاقى العضة موجودة ده بشكل مؤقت تعمل كده لغايو متشوف هيقولولك إيه

2- عالى بالمقارنة بإيه انا مش عارف احكم يعنى واقف فى حتة مفيهاش اى حد بتسمعة ولا واقف وسط عربيات وسامعة ولا إيه ؟؟؟ اصل لو انتة جوة وقافل الإزاز انا مبسمعوش فمش عارف بصراحة عايز اسمعة على الحقيقة

3-لو اللى فى دماغى ده طبيعى فى اى عربية فى الدنيا

4- طبيعى ومش مأثرة فى اى حاجة ومش فارقة فى اى حاجة وفى كل اللوجان اللى فى الدنيا

المشاركة الأصلية كتبت بواسطة engziada

1- أنا عارف موضوع زقة الفتيس على الخامس ده .. بس مش المفروض دي تتصلح في التوكيل.
2- أنا بسمعه لما بكون بالليل و قافل الإزاز و ساعات لما بادوس على الدبرياج الصوت بيقل كلن مابيختفيش ( عارف العربيات النص نقل لما بتكون واقفة ! أهو ده حاجه مصغرة منه ).
3- الرجرجة بحس بيها و أنا طالع على الأول و مش كل وقت ( يمكن علشان أنا متعود على 128 ).
4- و أنا برضه مش فارقة معايا في حاجة خالص بس هل الموضوع ده بيتصلح في التوكيل ولا لأ يبقى بلاش أقوله خالص.

و شكرا يا باشا على المتابعة ..

العفو يا باشا وطمنا عملت إيه فى التوكيل

المشاركة الأصلية كتبت بواسطة bishoy02010

العفو يا باشا وطمنا عملت إيه فى التوكيل

اخبارك ايه يا بيشوى....روحت التوكيل ولا لسه.....لو روحت ايه اللى حصل

المشاركة الأصلية كتبت بواسطة test50

اخبارك ايه يا بيشوى....روحت التوكيل ولا لسه.....لو روحت ايه اللى حصل

لأ لسة مروحتش هستنى استاذ محمد لما يرجع من السفر ونروح مع بعض احسن واهوا اكون كملت ال 3000 بردة