الموضوع: مشاكل بالرينو لوجان 2010

المشاركة الأصلية كتبت بواسطة aris_aries

انا استلمت العربية من شهر تقريبا ماشية (2200)كم
الف مليون مبروك
ملا حظات قبل التليين قبل (1000) كم
1- لا يوجد عضة في المرشدير
2- يوجد عضة في الغيار الثاني لا يقبل الغيار الثاني بسهولة اذا كانت السرعة اعلي من (25) كم/س وتحت (20) كم/س يوجد عضة خفيفة تتظبط فى صيانة ال 5000 بسيطة ان شاء الله
3- زراع الفتيس يهتز دى موجودة فى معظم اللوجان وهى هزة خفيفة لا تؤثر على اداء العربية
التليين تم في خلال يومين و السرعة لم تزيد عن (100) كم/س و (3000) rpm
بعد التليين
1- عضة الغيار الثاني موجودة صيانة 5000 كله حيبقى زى الفل لا تقلق
2- بعد (2000)كم صوت الموتور اعلي من الاول العربية بتوصل لاعلى اداء بعد 3000 كيلو ممكن تكون انت بعد ما خلصت تليين بقيت بتقرص على العربية وبالتالى صوت الماتور بيعلى مع علو ال rpm
3- استهلاك البنزين علي الطرق السريعة من 6 الي 6.5 لتر/(100)كم داخل البلد من 7 الي 8 لتر/(100)كم علي حسب الزحمة
حلو الاستهلاك دة اوى معقول جدا وحيتحسن اكتر مع الوقت
.... اخذت بها 3 مطبات ورا بعض علي سرعة (80:70)كم/س تسبب في
1- دمي نشف وانا كمان
2- بتحدف سنة صغيرة ناحية اليمين بعد (90)كم/س
محتاج ظبط زوايا بعد الكارثة اللى انت عملتها فى لوجى بسيطة ان شاء الله
ليا سؤالين
1- عضة الغيار الثاني استني لغاية الصيانة ولا اكلمهم حالا
لو فى حاجة مضيقاك جدا ومأثرة على اداء العربية اتصل بيهم لكن انا رأى تستنى لغاية 5000 كيلو عشان العربية لسة كل القطع بتاعتها بطبع مع بعض وانت التليين ماخدش غير يومين وانا شايف انه يومين مش كفاية فى النهاية (اتصل بيهم لو ينفع يعملولك عضة الغيار يبقى توكل على الله وروحلهم رقم التوكيل 16202)
2- المطبات الي انا اخدتها ممكن تأثر علي اية في العربية علشان اشيك عليها عليها في الصيانة
ان شاء الله مش حتأثر على حاجة العربية مصممة للطرق الغير ممهدة وهى جديدة اصلا بس انت محتاج تظبط زوايا وكدة كدة فى صيانة ال 5000 بيشيكوا على العفشة
أسف للاطالة و شكرا

الف مبروك وربنا يباركلك فيها ويكفيك شرها
وكل الملاحظات اللى عندك سهلة الحل فى صيانة ال 5000 بس انت براحة شوية على العربية وبلاش اكل المطبات وربنا يستر طريقنا جميعا

المشاركة الأصلية كتبت بواسطة engziada

عشان ماعملش موضوع جديد قلت أستغل العنوان الجامد بتاع الموضوع دهه وأكتب فيه لأن بجد دي مشكلة, أنا هلخص الموضوع في نقط ...
1- أنا لسه جايب العربية ماكملتش شهر
2- فترة التليين 1000 ك خلصت و عامل بالعربية 1300 ك.
3- أثناء فترة التليين سافرت مرتين و ما زودتش السرعة عن 130 ك/س و الأر بي إم عن 3.5

النهاردة جاتلي سفرية قولت فرصة أفتح بالعربية بقى ...
طلعت بالراحة لحد أر بي إم 4 وكانت السرعة 140 ك/س بس المفاجأة إني كنت عاصر دواسة البنزين على أخرها يعني ده كان آخر طاقة العربية ...
أقصى سرعة وصلتلها كانت 142 ك/س و الأر بي إم مش عاوز يزيد عن 4.1
عاوز أعرف فين الكلام اللي الوحوش كانوا بيقولوا عليه ..
فين السرعة القصوى 175 ك/س و فين الأر بي إم اللي بيوصل 7.

آخر حاجه ...
العربية كانت بتعوم جامد و أنا على 140 ك/س .. إيه الحكاية .. هوه الإعلان بجد ولا إيه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟

1- مبروك
2- تمام
3- زى الفل

نفس اليوم اللى انا سافرت فيه بردة

lموضوع 140 ده مش هعرف احكم فيه قوى بس انا هتكلم على موضع العربية كانت بتعوم معاك عايز ققلك ديه حقها تطير مش تعوم فى اليوم الغريب ده الهواااااااا مكنش طبيعى ديه ولا اكننا كنا فى عاصفة انا معرفتش اطلع إيدى من الشباك طول الطريق فمينعش تحكم خالص على موضوع العربية بتعوم فى الظروف ديه خالص بس انا الموضوع ده قل معايا لما روحط اظبط ضغط الكاوتشات قدام 29 وورا 32 الحكاية فرقت كتير معايا بالذات عشان لقيتهم فيهم 40 كلهم بالتقريب مع انى كنت لسة مظبطهم عند واحد تانى فراجع برده على الموضوع ده

اللى مخلينى ققلك كده وانا مطمن قوى انى رجعت من السفر النهاردة والجو هدى قوى عن اول امبارح والموضوع فرق كتير قوى عن وانا رايح و جايبت 170 عادى فمتقلقش

المشاركة الأصلية كتبت بواسطة r_gamal1

تاكيد لكلام حضرتك انا معايا كليو النهاردة كنت ماشى جوة البلد ( اسكندريه ) على 80 ك/م بس العربيه كانت بتعوم جامد لان النهارد عندنا هنا هواء جامد جدا والهواء كان فى وش العربيه

ده مكنش هوا اللى عندوكوا فى اسكندرية ده مش طبيعى الكورنيش عندوكوا إيه السيووول ديه !!! هوة فيه إيه !!!

المشاركة الأصلية كتبت بواسطة egyzizo

تفسير منطقى .. بس المفروض ان الهواء يؤثر على سرعة العربية ولا يؤثر على الـ rpm ، يعنى فى وجود هواء شديد ، الـ rpm برضه المفروض يواصل ارتفاعه مع زيادة ضغط دواسة البنزين ولكن لا يقابله الزيادة المتوقعة فى سرعة العربية بسبب تأثير الهواء.
بس شيتوس لم يرتفع معاه الـ rpm أكثر من 4.1
فيا ترى ايه التفسير؟

هوة انا حاولت احلل النقطة ديه بس مش عارف صح ولا غلط
هوة مش ال ار بى ام ده عدد لفات الموتور اللى بتوصل السرعة للجير بوكس وبينقل السرعة للعربية . طيب مهوة لو قلنا ان لو الموتور بيلف 5000 لفه على الغيار الخامس وموصل سرعة 180 مثلا يبقى لو فى مطلع الموتور مش هيقدر يوصل ل 5000 لفة وطبعا السرعة هتقل ولو هتزيد السرعة هتزيد

قصدى انه مينفعش الأر بى ام يزيد وسرعة العربية متعلاش ... يعنى 3000 ار بى ام على الغيار الخامس لو قلنا 110 يبقى فى كل الحالات لما يكون 3000 على الخامس فى مطلع منزل اى حاجة هتكون السرعة كده ياريت حد يصححلى لو انا فاهم غلط بس فعلا فى عربيات كتير قوى الار بى ام ثابت مع السرعة لدرجة واحد صاحبى كان مؤشر السرعة عندوا بايظ وكان بيعرف سرعتة عن طريق الأر بى ام ويعرف سرعة العربية كام بالظبط

المشاركة الأصلية كتبت بواسطة engziada

ربنا يطمنك يا باشا ..
و إنشاء الله هسافر بيها تاني و انا رايح التوكيل اللي في العبور يوم الحد علشان أشوف كام موضوع أحسن أنا حاسس إن العربية بقى فيها كام حاجة كده مش مظبوطة .. ربنا يستر
و بالمناسبة .. من الحاجات اللي رايح اقولهم عليها :
1- عضة المارش .
2- صوت الماتور و انا واقف عالي .
3- في رجرجة خفيفة جوه العربية وانا واقف .
4- هزة الفتيس .
هل في حاجة منهم شوفتها في عربيتك .. و هل إتحلت ؟

1- وانتة بتجيب المارشيدير حرك العصاية ناحية الخامس سنة كده وهات مارشدير مش هتلاقى العضة موجودة ده بشكل مؤقت تعمل كده لغايو متشوف هيقولولك إيه

2- عالى بالمقارنة بإيه انا مش عارف احكم يعنى واقف فى حتة مفيهاش اى حد بتسمعة ولا واقف وسط عربيات وسامعة ولا إيه ؟؟؟ اصل لو انتة جوة وقافل الإزاز انا مبسمعوش فمش عارف بصراحة عايز اسمعة على الحقيقة

3-لو اللى فى دماغى ده طبيعى فى اى عربية فى الدنيا

4- طبيعى ومش مأثرة فى اى حاجة ومش فارقة فى اى حاجة وفى كل اللوجان اللى فى الدنيا

المشاركة الأصلية كتبت بواسطة bishoy02010

قصدى انه مينفعش الأر بى ام يزيد وسرعة العربية متعلاش ... يعنى 3000 ار بى ام على الغيار الخامس لو قلنا 110 يبقى فى كل الحالات لما يكون 3000 على الخامس فى مطلع منزل اى حاجة هتكون السرعة كده ياريت حد يصححلى لو انا فاهم غلط بس فعلا فى عربيات كتير قوى الار بى ام ثابت مع السرعة لدرجة واحد صاحبى كان مؤشر السرعة عندوا بايظ وكان بيعرف سرعتة عن طريق الأر بى ام ويعرف سرعة العربية كام بالظبط

أظن ان اللى بيعمله صاحبك مش مظبوط
لأن ينفع الآر بى إم يزيد والسرعة ماتعلاش
والدليل فى كده مثلاً (الحرق فى الغيارات) ..
يعنى مثلاً لو احنا على الغيار الثانى ، هتلاقى مثلاً : سرعة 40 = آر بى إم 3 ، وسرعة 50 = آر بى إم 4 ، وسرعة 60 = آر بى إم 5 ، وسرعة 60 برضه = آر بى إم 6 .. وسرعة 60 برضه = آر بى إم 6.5 ، يعنى العملية مش تناسب طردى إلى مالا نهاية.

ومثال تانى ، نفترض ان اقصى سرعة للعربية 170 كيلو/ ساعة ودى بتجيبها عند آر بى إم 6.5 وده فى الظروف العادية على طريق مستقيم ..
طيب ما انت لو على منزل حاد ، هتلاقى ان عند نفس الآر بى إم اللى هو 6.5 هتبقى سرعة العربية 185 وفرق الـ 15 كيلو دول العربية اكتسبتهم بمساعدة تأثير الجاذبية الأرضية المساعد مش بقدرة الموتور ، فبكده الآر بى إم أصبح مقياس غير دقيق لحساب سرعة العربية.

ومثال ثالث ، لو العربية محملة فوق طاقتها ، يعنى 5 فى الصالون ، وحمولة شنطة كاملة ، هتلاقى إن السرعة اللى بتجيبها عند آر بى إم 3 أقل من نفس السرعة اللى بتجيبها عند نفس الآر بى إم لو العربية مافيهاش غير قائدها ، وده برضه بالتأثير المضاد للجاذبية الأرضية اللى بيقيد حركة العربية ، وهنا برضه الآر بى إم مقياس غير دقيق لحساب سرعة العربية.