مشكلة الطنابير......

**hossam_elwani** · 31-10-2009 05:53 PM

عندى الطنابير الامامية كانت عاملة خطوط وعالى وواطى فى الطنبوره الشمال قدام بالتحديد المهم غيرتهم وجيب تيل جديد وبلى كمان و بعد ما مشيت بـ 30 الف كيلو لقيت الطنبوره الشمال بتعمل صوت حكه بتروح وتيجى اثناء الفرملة الخفيفة وخصوصا انا عندى العربيه اوتوماتيك يعنى كل ماجى اقف واطلع تانى انا قلت اكيد رايش وعايز يتنظف من على التيل او الطنبوره روحت للميكانيكى الى ركب الطنابير رفع العربية وفك العجلة وقالى عشق ودوس بنزين وطلع النتيجة ان الطنبوره فيها عالى وواطى تانى هو الى بيعمل الصوت ده اثناء الفرملة وانا شفت العالى والواطى بعينى انا استعجبت ازاى جنابير تعتبر جديدة وتيل لسه بحالته يعنى اللحمية بتاعته تخينه يحصل فيها كده وترجع نفس المشكلة فى نفس العجلة قدام شمال عايز تفسير للحكاية دة مه العلم ان جبت طنابير ايطالى وتيل تايوانى فى الجنبين!!!!!!

**samirayad** · 31-10-2009 08:11 PM

بنسبه كبيره ده عيب فى ماستر فرامل الفرده الشمال
مابيردش زى ماسترالجنب اليمين بعد مابتسيب الفرامل عامة
وبيفضل محمل على طنبورة الفرده الشمال وبياكل فيها

**hossam_elwani** · 31-10-2009 08:56 PM

تفسير منطقى

بس حضرتك قصد جهاز الفرامل الى فى الفرده الشمال فيه مشكلة؟؟

طيب الحل ايه التغيير الكامل ام التنظيف وتغيير قطعة معينه؟؟

**samirayad** · 31-10-2009 09:08 PM

بس حضرتك قصد جهاز الفرامل الى فى الفرده الشمال فيه مشكلة؟؟

نعم

طيب الحل ايه التغيير الكامل ام التنظيف وتغيير قطعة معينه؟؟

لا هو أنت المفروض تستشير متخصص فرامل
أحتمال تكون محتاج تغيير سيل لمكبس الماستر
أو شوية نظافه
وحسب الكشف حيحدد المطلوب بلا شك

**hossam_elwani** · 31-10-2009 10:32 PM

الف شكر ليك

**samirayad** · 31-10-2009 11:05 PM

بالتوفيق ياحسام باشا

**SAMEH_FOUAD** · 01-11-2009 12:34 AM

المشاركة الأصلية كتبت بواسطة samirayad

بنسبه كبيره ده عيب فى ماستر فرامل الفرده الشمال
مابيردش زى ماسترالجنب اليمين بعد مابتسيب الفرامل عامة
وبيفضل محمل على طنبورة الفرده الشمال وبياكل فيها

+11111111111111111111111111111111111111

**samirayad** · 01-11-2009 01:12 PM

طيب تفسر بأيه أن اللى أتأثر الطنبوره الشمال فى المرتين
لكن اليمين تمام

**reamoz** · 01-11-2009 01:24 PM

المشاركة الأصلية كتبت بواسطة samirayad

طيب تفسر بأيه أن اللى أتأثر الطنبوره الشمال فى المرتين
لكن اليمين تمام

كلام منطقي المفروض تخلي الميكانيكي يكشفلك على فرامل العجلتين اللي قدام علشان بردة ممكن تكون العجلة اليمين مش بتفرمل كويس فبيكون الحمل جامد على الناحية الشمال وتخلي الطنبورة تسخن وتتعرج
أو زي ما قال الدكتور تكون الشمال محملة جامد فبتحك طوول مانت ماشي وتخلي الطنبورة تسخن وتتعرج بردة
عموما لو طلع المشكلة في ماستر العجلة سواء اليمين أو الشمال يفضل تغيرة لأنة أولا مش غالي وثانياً الكاوتش اللي بيتباع مش بيكون قد كدة وبيبوظ علطول (ودي فرامل ياجدعان مافيهاش هزار)