جميع فئات النيو سيراتو 2010 (وكيل-خليجي) ......مواصفات - صور - أسعار

**A_A_ELAZIZ** · 15-12-2009 07:38 AM

المشاركة الأصلية كتبت بواسطة amr a.salam

حضرتك لحد دلوقتي ما وضحتش عايز ex وكيل ولا خليجي ؟؟؟؟

عموماً .....مواصفة الوكيل :

جنط 16
طارة متعددة الوظائف
فوج لايت
تكييف بكر
عداد عادي مش رياضي
من غير ريموت (هتفتح العربية بالمفتاح)

السعر الرسمي 109,000 دة في حالة أن حضرتك هتحجز ومش مستعجل
لو مستعجل ....بتتباع بأوفر برايس 2,000 جنيه والتسليم فوري أي تصبح 111,000
حضرتك طبعاً عارف أن عربيات الوكيل معاها ضمان خمس سنين أو 100 ألف كيلو أيهما أقرب

مواصفة الex الخليجي في حدود المبلغ اللي معاك

نفس مواصفة الex بالضبط بزيادة :

ريموت لفتح السيارة والشنطة
نواكل داخلية في التابلوة...........السعر 111,000

وفي مواصفة خليجي أعلى شوية فيها :
Abs
فتحة سقف
تكييف تاتش
فرامل خلفية طنابير
ريموت
مفتاح ضبط مستوى الفوانيس الأمامية

دي لفئة السعودي اللي ب120,000 في الموضوع
دلوقتي سعرها نزل ل117,000

وممكن حضرتك تزود 5,000 جنيه وتجيب الهاي لاين اللي فيها عشرة ايرباجز بتاعت ناشيونال موتورز ودي من غير فتحة سقف وتمنها 120,000

ربنا يوفق حضرتك للأختيار الأصوب

شكرا على التوضيح بس هو الخليجى بكام
لان الى انا شفتها زي الى حضرتك وصفها بالظبط من الوكيل بس مش 111 ب 113
هو الخليجى مش ضمان 5سنين وهو انا لو جبت من معرض يبقى ميفيش ضمان
ارجو الإفادة
وشكرا لحضرتك للتوضيح

**Amr A.salam** · 15-12-2009 08:59 AM

الخليجي من دي ب111,000
والخليجي ما عليهوش ضمان

يعني ممكن تعمل له صيانة دورية في التوكيل بفلوس زي عربيات الوكيل بالضبط ولكن بسعر أعلى قليلاً

ولكن لو لا قدر الله طلع العربية فيها عيب صناعة مثلاً هتصلحه على حسابك مش على حساب التوكيل

بعض المعارض بتدي ضمان على العربيات الخليجي بس الأعضاء هنا مش مبسوطين منه لوجود بعض الأجهزة اللي مش شغالة

**Hosam_Optrawy** · 15-12-2009 10:34 AM

المشاركة الأصلية كتبت بواسطة normal

ياريت والله يا استاذ حسام
انا اخدت البرشور من احد المعارض
والغريب بقى انه مكتوب فيه ان ال ex بريموت
فواضح انه مهيس
او يمكن مش لمصر مع انه فى عربى
مش فاهم الحقيقه

موضوع الريموت دا غلطه فى كل البروشورز تقريبا

اما بخصوص الزيادات اللى فى 2010 انت بقى ان شاء الله تأكدهالنا

لما تستلم على خير باذن الله

واكيد مش هانتنازل عن تقرير مصور :)

**A_A_ELAZIZ** · 15-12-2009 10:38 PM

ان شاء الله هعملكم تقرير مصور بس نرسى على العربية والسعر

يعنى ياجماعة انتم تفضلو الى هيه بضمان الوكيل الى هي كرسيها مبيعلاش وكمان التكيف بكر صح
السعر حسب الى اتقال 111
ارجو الإفادة

**waelbaha** · 16-12-2009 01:04 AM

بصراحه تقرير اكتر من رائع
المجهود اللي اتعمل فيه غايه في الروعه والاتقان
ووفر علينا وقت كبير جدا في اللف والدوران على الشركه والاجانسات علشان نعرف الفروق دي كلها والانواع دي كلها
مش لاقي كلمه اشكرك بيها احسن من جزاك الله خيرا

**waelbaha** · 16-12-2009 01:35 AM

معلش نسيت اسالك ايه اخبار ال ebd هل موجود في العربية دي ولا مش موجود اصلا؟
وال abs موجود في عربيات التوكيل ولا الخليجي بس ولا ايه بالظبط
ارجو الافاده جزاك الله خيرا

**MohabSaeed** · 16-12-2009 03:16 PM

شكرا على الموضوع الجميل الى وضحلنا فئات السيراتو الموجوده ......... بس بصراحه العمليه اخر لخبطه .!!!!

يعنى ايه انزل اجيب عربيه الاقى 20 فئه و 20 موديل !! و اقعد الف على الحاجات الى انا عاوزها !!!؟؟؟ و الاكره هنا كروم و هناك بلاستك بس فيها تكيف تاتش و هناك تاتش بس بجنط عادى و هنا بجنط عادى لكن فيها فتحه سقف و هناك ب abs لكن مفهاش ريموت ....... الموضوع عك بصراحه و حاسس ان فيه نصبايه كبيره من المستوردين .

شباب انا عاوز اعرف ايه الميزه فى العربيات الخليجى !!!!!

انا شايف ان الفئات الى منزلها التوكيل افضل فى الكماليات و تقريبا نفس السعر ..... المشكله الاساسيه فى التوكيل هى مده الانتظار , لكن ده مش عذر انى انزل اشترى عربيه فوق ال100 الف جنيه و بدون ضمان حقيقى ؟ و بكماليات مختلفه تبعا لكل معرض و كل مستورد و كل بلد . و لو حصل فيها مشكله احتاس انا بيها لانها من غير ضمان .. و حتى لو بضمان فهو ضمان وهمى !!!

عذرا لو سؤالى حيضايق حد بس انا عاوز افهم مميزات السيراتو الخليجى لانى مش مقتنع انها بالشكل ده افضل من سيارات التوكيل بأى شى بل العكس ؟