انا شوفت الدفعة التانية بعد عربيتي للاسف الوكيل علشان يوفر في الفلوس موفر بردو في بعض الحاجات عن عربيتي اديك مثل عربيتي التابلوة جلد اخو الكورولا بالظبط ويمكن يكون بتاع الكورولا كمان الدفعات اللي بعد مني للاسف تابلوة بلاستيك
تاني اختلاف انا عندي وش سماعات في التابلوة الخلفي علشان امكانية تركيب سماعات خلفية في الجديدة مفيش خالص الكلام دة
تالت اختلاف انا عندي اربع دلايات اينعم حاجة بسيطة وممكن يتركبوا بس بردو الوكيل بيوفرهم ودة عيب
رابع اختلاف انا عندي الكنبة الخلفية بتتفتح الجديدة لاء
طبعا كل الاختلافات في الاكسسوارات علشان يقلل من السعر مابالك بقي لو اتصنعت في مصر؟؟؟
علي الاقل لو طلب من الصين تابلوة بلاستيك بردو بيعملو حاجة محترمة وتستحمل لكن هنا في مصر ؟؟؟ الحرمية كتير والتوفير والسرقة اكتر
علشان كدة انا متحفظ علي تقفيل مصري دي وياريت الشركة الصينية تكون متابعة بالمعايير الفنية السليمة ويكون في رقابة علي منتجها
لو تفتكر مرسيدس قفلت مصنع مصر للعيون لما كانت بتتقفل هنا بالرغم من ان معظم المكونات الماني لكن بردو الايد المصرية وانت عارف بقي
المفضلات