الموضوع: شفته الى حصلى

الحمد لله رحت للمكانيكى بتاعى وظبطلى العربيه تمام التمام وغيرنه 2 صباب من بتوع الشكمان وكله بقى تمام واتكلفت مصنعيه وبضاعه 130 جنيه بس

بس الحمد لله
عمااااار يافيات
ربنا يخللى 128
وخلى بالك من الصنايعه بعد كده

الحمد لله طلعت بسيطة ... فداك 100 موتور يا باشا

بس عندي نفس السؤال .. إيه هو صباب الشكمان ؟؟

المشاركة الأصلية كتبت بواسطة zastaffa

بس حضرتك العربيه 4سلندر يعني 4بستم يعني الفرن اللي رايح ع الشكمان عباره عن اربع مواسير متجمعين في ماسوره واحده مربوطه في الشكمان،،نرجع بأه لموضوعنا العربيه 4بستم اتنين ضد اتنين يعني اثناء مالعربيه دايره الاتنين اللي ع الحرف لما يطلعوا يقوموا الاتنين اللي في النص ينزلوا وهكذا ،،وكل بستم ليه البوجيه بتاعه وليه برضه الصبابين بتوعه واح سحب (بنزين يعني)وواحد عادم يبقي كده العربيه ليها 8صبابات بمعدل صبابين لكل بستم والصبابات دي موجوده في وش السلندر متركبه في حاجه اسمها دلايل كل صباب ليه الدليل بتاعه والصبابات ديه متركبه في وش السلندر في حاجه اسمها غرف الاحتراق يعني كل صبابين خاصين بالبستم بتاعهم ليهم غرفه لوحدهم يبقي كده اربع غرف احتراق طالما العربيه اربعه سلندر وغرف الاحتراق ديه هي اللي بيحصل فيها الانفجارات الاربعه نتيجه خليط من البنزين والهواء يتم اشتعالهم نتيجه الشراره اللي جايه من البوجيه طبعا بواقع بوجيه لكل غرفه ولما يحصل اشتعال للخليط في كل غرفه تدور العربيه وصباب البنزين يدخل بنزين للغرفه وصباب العادم يخرج العادم بتاعها علي الشكمان وهكذا طول مالعربيه دايره....وعلي فكره في بعض العربيات الكبيره كل بستم فيها ليه اربع صبابات مش اتنين بس دي العربيات ذات القدرات الحصانيه والسعات اللتريه العاليه

شرحك وافى وكامل وامثله للسيارات زاد ال 12 صبابا لانسر من 90الى 99 وكورولامن90الى 99 ودول بيبقو 3 صبابات على كل بستم 2 بنزين و 1 وعادم ونيجى فى كل الجديد من اول 2000 كلهم 16 صبابا 4 على كل بستم 2 بنزين و2 عادم وفى كمان سيارات 20 دول بقى بيبقو جبارين 5 على كل بستم 3 بنزين و2 عادم وطبعا مفيش شرح بعد شرحك

المشاركة الأصلية كتبت بواسطة zastaffa

بس حضرتك العربيه 4سلندر يعني 4بستم يعني الفرن اللي رايح ع الشكمان عباره عن اربع مواسير متجمعين في ماسوره واحده مربوطه في الشكمان،،نرجع بأه لموضوعنا العربيه 4بستم اتنين ضد اتنين يعني اثناء مالعربيه دايره الاتنين اللي ع الحرف لما يطلعوا يقوموا الاتنين اللي في النص ينزلوا وهكذا ،،وكل بستم ليه البوجيه بتاعه وليه برضه الصبابين بتوعه واح سحب (بنزين يعني)وواحد عادم يبقي كده العربيه ليها 8صبابات بمعدل صبابين لكل بستم والصبابات دي موجوده في وش السلندر متركبه في حاجه اسمها دلايل كل صباب ليه الدليل بتاعه والصبابات ديه متركبه في وش السلندر في حاجه اسمها غرف الاحتراق يعني كل صبابين خاصين بالبستم بتاعهم ليهم غرفه لوحدهم يبقي كده اربع غرف احتراق طالما العربيه اربعه سلندر وغرف الاحتراق ديه هي اللي بيحصل فيها الانفجارات الاربعه نتيجه خليط من البنزين والهواء يتم اشتعالهم نتيجه الشراره اللي جايه من البوجيه طبعا بواقع بوجيه لكل غرفه ولما يحصل اشتعال للخليط في كل غرفه تدور العربيه وصباب البنزين يدخل بنزين للغرفه وصباب العادم يخرج العادم بتاعها علي الشكمان وهكذا طول مالعربيه دايره....وعلي فكره في بعض العربيات الكبيره كل بستم فيها ليه اربع صبابات مش اتنين بس دي العربيات ذات القدرات الحصانيه والسعات اللتريه العاليه

بجد الله ينور

معلش يا باشا بسيطة
وقدر الله ما شاء فعل

قدر الله و ما شاء فعل
مهم إنك تبقى واقف مع الصنايعى و هو بيفك حاجه عشان ساعة التركيب أوقات بيستسهلو و لازم حد يكون متابع معاه فى التركيب.
و ربنا يسترها معانا جميعاً

شكرا يا شباب على ردودكم الغليه