الموضوع: ترشيحاتكم..دام فضلكم !! (وائل عطية)

ألف مبروك مقدما يا أستاذ وائل :-)
شهاده لله أنا لم أجرب قيادة أى سيارة منهم و لكن قعدت فى الياريس و وجدتها ضيقة جدا فى الأمام و الخلف! و أنا من وجهة نظرى السوزوكى أجمل منها شكلا و قالبا. مع أحترامى الكامل لكل ملاك الياريس هى برده فى الأخر تويوتا و تستحق الأحترام ;)
أنا أرشح لحضرتك السوزوكى لأن موتورها أقوى بكتير و حضرتك قولت مشاويرك و سفرك كتير بالعربية فطبعا الموتور ال 1600 غير موتور 1300 فرق جامد و محسوس. الكماليات اللى فيها ممتازة و سعرها طبعا أغلى من الياريس بس حلال فيها فى مقابل الكماليات و الموتور 1600 , أنا أعتقد السيارة هتنتشر السوزوكى ماركة محترمة و السيوفت على سبيل المثال من ال90 مازالت منتشرة حتى الأن و قطع الغيار متوفرة ان شاء الله و فى الأول و الأخر الكمال لله و حده و ده رأى الشخصى.
أنا من كلام حضرتك حاسس بأعجابك الشديد و أقتناعك التام بالسوزوكى أنا شفت فقط صور السيارة فى موضوع سابق لحضرتك و أعجبتنى جدا.

سوزوكي SX4 :
سيارة ذات سحر خاص لن تقتنعوا بهذا الوصف إلا إذا شاهدتموها على الواقع
السيارة إمكانياتها عالية جداً وأوبشنز رائعة تأتي بجنوط سبور بمقاسات 15 ومرايات جانبية كبيرة الحجم كهربائية وطارة جلد طبيعي هاند ميد ومالتي فنكشن وراديو سي دي مدمج بالتابلوه يُشغل إم بي ثري وإضاءة برتقالية للتابلوه جذابة على شاكلة السيارات الفاخرة وخامات داخلية ممتازة ومواضع حفظ كثيرة جداً واتنين مفتاح ريموت وباو ستيرينج كهربائي وسنتر وصندوق أمتعة كبير جداً 500 لتر بالإضافة إلى تصميم أيرو ديناميكي لجسم السيارة وهي مرتفعة بشكل ملحوظ عن الأرض مما يُعطيها ميزة في ملاءمتها للطرق المصرية

خلاصة الكلام - و ده رأى الشخصى - سوزوكى بموتور 1600 و هذه الكماليات الممتازة أشترى و أنت مغمض!

هو أناعملت كده في الاسبيرانزا

لا يوجد أى وجه مقارنة حضرتك بين سيارتك السابقة و بأذن الله سيارتك المستقبلية مع أحترامى الكامل لكل ملاك الاسبيرانزا. سوزوكى ماركه بقالها كام سنة بتصنع عربيات؟؟؟
حضرتك صلى ركعتين أستخارة و توكل على الله و ربنا يوفقك لما فيه الخير. مع تحياتى و تمنياتى لك بالتوفيق.

اسف يا وائل مش هقدر افيدك المرة دى لأنى لما حطيت نفسى فى الموقف دة فوجئت انى اخترت بروتون واجا.

تربو باشا العربية فيها RBM

رأى الشخصى يا وائل باشا إنك تجيب SX4 ليس لإن الياريس مش كويسة أو إنها مش حتستحمل سفرياتك بالعكس عربية محترمة و حتعيش معاك و حتستحمل سفرياتك لكن إخترت السوزوكى لإنها عربية 1600 سى سى و أوسع من الياريس و أعلى فى الإمكانينات من الياريس لكن لو حتقدر تستحمل عدم وجود قطع غيارها غير فى التوكيل و سعر إعادة بيعها المتوقع إنخفاضه لعدم إنتشارها يبقى توكل على الله

كلام مظبوط

معلش أنا ليه بقى رأى أخر لو ممكن تقبله طالما دخلت فى 112.000 الف ما تشوف النيسان تيدا و رأى إنها أفضل من الإثنين

معلشي انا بقه ليا راي تاني
مادام دخلت في 112 الف يبقى كملهم للكورولا الجديده أحسن منهم كلهم