الموضوع: نيو أكسنت ولا اسبيرانزا m11

اية هى خطوات شراء الام 11
معلش اصلى مليش تجارب فى الزيرو قبل كدة
اية الخطوات بالظبط واللى بيتدفع وفين والاستلام امتى وكل حاجة اذا كان ممكن من فضلكم

الاكسنت اضمن

المشاركة الأصلية كتبت بواسطة ehabbasha30

اية هى خطوات شراء الام 11
معلش اصلى مليش تجارب فى الزيرو قبل كدة
اية الخطوات بالظبط واللى بيتدفع وفين والاستلام امتى وكل حاجة اذا كان ممكن من فضلكم

بص يا باشا هي إجراءات شراء أي عربية جديدة واحدة
أنا هاتكلم على الكاش...
1- تروح المعرض أو التوكيل اللي هاتشتري منه.
2- تختار اللون اللي عاجبك وفي بعض الاحيان يحددلك تختار 3 ألوان علشان توافرهم.
3- لو كانت العربية بالحجز هاتدفع مبلغ الحجز ومش أكتر من 10 الاف واعتقد ان m11 حجزها لمدة شهر قي التوكيل وعند أبو غالي أسبوع.
4- بعد المدة أو في خالة توافر العربية قبل كدة هايتصلوا بيك تروح تستلم.
5- نسيت اقولك أنك ممكن تدفع 100 جنية علشان يجيبولك شهادة البيانات بدل ماتروح انت تجيبها.
6- هاتروح تدفع باقي المبلغ وتاخد العربية وتتأكد من كل حاجة أنها شغالة كويس زي الانوار كلها والزجاج الكهرباء والتكييف والكاسيت وتتأكد من أن العربية مش ماشية من العداد يعني بالكتير 50 أو 60 كيلو وتتأكد أن مافيش تجريح في جسم العربية.
7- بعد يومين أو تلاتة تروح تجيب من عندهم ورق العربية وتطلع على المرور علشان ترخص وطبعا هو ده أوحش يوم ممكن تقابله قي الخطواط دي كلها - بعض المعارض ممكن تطلع معاك واحد علشان يرخصلك بمقابل بسيط يمكن 50 و 100 جنية.
8- تعملنا تقييم عن العربية مع انطباعك الأول وكمان يا ريت تخلينا معاك خطوة خطوة ويا ريت تكون في منتدى إسبرانزا.
ومبروك مقدما